Ubutukilo 1:27 - MUKANDA USANDU WA ZAMBI 1975

²⁷ Mba Zambi yatanga mutu mu chano chenyi; mu chano cha Zambi yamutanga. Lunga ni pwo yaatanga.

Mukanda Wa Zambi 1970

²⁷ Mba Muluku Zambi yatanga atu, e atu yaalifwa nenyi. Yaatanga lunga ni pwo.

Ubutukilo 1:27 Iomraidhean Croise

Ubutukilo 2:18

Mba Yehova Zambi yamba ngwenyi, Kuchapemene mutu akatwame ukawenyi, mungumulingila chikwashi yoze malita nenyi.

Ubutukilo 2:7

Yehova Zambi yawumba mutu wa ku fufuta ya mavu, yahwima mu mazulu jenyi mwiku wa mwono mba mutu yapwa mukwa mwono.

Ubutukilo 9:6

Mweswe mamwanga manyinga ja mutu neye mamumwanga manyinga jenyi kuli mutu. Mumu Zambi walingile mutu mu kulifwa chenyi.

Miaso (Masamu) 139:14

Mungukusakwilila mumu chize wangutangile chakukolesa woma, chapwa chikomokeso. Yitanga ye ya kukomwesa. Mbunge yami yinachinyingika pundu.

Longeshi 7:29

Chino wika nawana, Zambi walingile mutu mukwa ululi alioze hataka yuma yinji.

Izaya 43:7

waze eswe naalukile jina liami, waze naatangile ha uhenya wami, ni kwawumba ni kwalinga.

Jeremia 29:6

Mbatenu mapwo nukaseme ana ja malunga ni ja mapwo; mbachilenu mapwo anenu a malunga hangisenu anenu a mapwo, hanga akaseme ana ja malunga ni ja mapwo. Liokesenu, kanda nutepuluka.

Malaki 2:15

Zambi te katulingilile spiritu ya mwono nikuyiholesa? Mba yika anazange? Ana ja uwayilo kevwe. Kashika keyelenu, niumwe kandapwa ni mafwefwe kuli pwo lia ukweze wenyi.

Mateu 19:4

Waakumbulwile ngwenyi, Kunwatungile nyi, ngwe yoze waatangile chize ku uputukilo waatangile lunga ni pwo,

Marku 10:6

Alioze chize ku uputukilo wa kutanga cha Zambi, Zambi waatangile lunga ni pwo.

Efesu 2:10

Mumu yetu tuli chitanga chenyi, atutangile muli Kristu Yesu ha yilinga yipema, yize Zambi walulikile kushi hanga tukendemo.

Efesu 4:24

nukazale mutu mwaha, yoze hanamutange mu ululi ni usandu wamwenemwene nikulita ni Zambi.

Shimbi 4:32

Kashika hulenu haliapwila ha matangwa a kunyima, shimbu te kanda nusemuka, katuke ha tangwa Zambi watengele mutu hashi, katuke ku songo limwe lia malilu ndo ku likwo, kutala nyi kwapwile chuma chipwa haha ngwe chuma chino chinene hanji kwivwa chuma Chichize.

Kolosu 1:15

Mwenawo che kulifwa cha Zambi, yoze keshi kumoneka, iye mutangu wa yuma yeswe ya kutanga:

Kolosu 1:26

Chijimbikilo chino chahengamine chize ku miakulwila ni ku yisemuko: alioze haliapwila hanachisolola kuli asandu jenyi.

Kolosu 3:10

nunazala mutu mwaha, yoze kanamupwisa mwaha ha yinyingi yeswe, nikulita ni kulifwa cha yoze wamutangile:

Akwa Kuyula 21:22

Muze atato hanji mandumbu jo meza kutulwezacho, etu mutwamba ngwetu, Twehenuo ni vumbi se kutwatambwile mu jita kuli lunga mweswe pwo lienyi. Chipwe yenu kunwaahelo, kachi hinwahia!