Ubutukilo 1:26 - MUKANDA USANDU WA ZAMBI 1975

²⁶ Zambi yamba ngwenyi, Tulingenu mutu mu chano chetu, mwe mu kulifwa chetu. Akapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia yimuna, ni helu lia hashi heswe, ni helu lia akwa kukalala eswe aze akukalala hashi.

Mukanda Wa Zambi 1970

²⁶ Mukulu Zambi yamba nawa ngwenyi: “Haliabwila tutangenu atu abwe ngwe yetu ni alifwe ni yetu. Akayule yishi a mu meya, ni tujila, ni tushitu eswe a ha chihunda, ni a mu yambu, anene anene ni akepe akepe.”

Ubutukilo 1:26 Iomraidhean Croise

Ubutukilo 11:7

Tuhulumukenu tukalumbangenye malimi jo hanga kechi kalivwa kuhanjika cha umwe ni mukwo.

Ubutukilo 2:19

Ku mavu Yehova Zambi yawumba tushitu eswe a mu yambu, ni tujila eswe a mu tetela, yaaneha kuli mwe mutu akamone chize maaluka. Lieswalio mutu alukile kashitu ni kashitu, lienalio jina lienyi.

Ubutukilo 3:22

Yehova Zambi yamba ngwenyi, Kumanyi mutu hapwa ngwe yetu, nikunyingika chipema ni chipi, kashika kuchina mazoza kwoko lienyi akahele nawa ku mutondo wa mwono akalie, akatwame ni mwono miaka yeswe…

Ubutukilo 5:1

Uno we mukanda wa yisemuko ya Alama. Ha tangwa lize Zambi watangile mutu, yamulinga mu kulifwa chenyi.

Ubutukilo 9:6

Mweswe mamwanga manyinga ja mutu neye mamumwanga manyinga jenyi kuli mutu. Mumu Zambi walingile mutu mu kulifwa chenyi.

Jobe 35:10

Alioze niumwe kakwamba ngwenyi, Zambi Tangi yami kulihi ali? Yoze wakutwaha miaso ha ufuku,

Jobe 39:11

Mumufuliela mumu kali ni tachi? Munukunjika milimo ye?

Jobe 5:23

Chipwe mawe a mu yambu mapwa tusendo twe; ni ngongo ja mu yambu mapwa ni sambukila kuli yena.

Miaso (Masamu) 100:3

Nyingikenu ngwenu, Yehova iye Zambi, iye watutangile, tuli ninyenyi. Tuli atu jenyi; tuli mapanga a ku kelo jenyi.

Miaso (Masamu) 149:2

Izalele akawahilile muli yoze wamutangile. Ana ja Zaione akawahilile muli mwanangana wo.

Longeshi 7:29

Chino wika nawana, Zambi walingile mutu mukwa ululi alioze hataka yuma yinji.

Mwaso Ubema Wahiana 1:11

Mutukulingila yuma ya uhenya ya oru, ni kulamikaho prata.

Izaya 45:18

Mumu Yehova, Tangi ya malilu (iye Zambi), yoze wawumbile hashi nikuhalinga, (wahakolesele, kahatangile ha hululu, wahatangile hanga atu akatwameho); yono Yehova kanambe ngwenyi, Yami nguli Yehova, kukushi mukwo.

Izaya 6:8

Yingwivwa liji lia Mwene ngwenyi, Iya mungutuma? Yoze matuyilako iya? Mba yingwamba ngwami, Yami uno; ngutume yami.

Izaya 64:8

Hindu, Yehova, uli Tata. Etu tuli uma, ena uli tengi. Etu eswe tuli chitanga cha moko je.

Jeremia 27:6

Haliapwila hinahana yifuchi yino yeswe kuli kavumbi kami Nabukanezore, mwanangana wa Babilonia. Hinamwaha nawa tushitu a mu yambu akamulingile.

Yoano 14:23

Yesu wamukumbulwile, ngwenyi, Kachi umwe manguzanga, kachi mafunga liji liami; ni mwe Tata makamuzanga, kumutukeza kuli iye, mutukatenga muma mwetu mwa kutwama hamwe nenyi.

Yoano 5:17

Alioze Yesu waakumbulwile ngwenyi, Tata kalinga ndo haliapwila, ni yami nakulinga.

Yilinga 17:20

Mumu unaneha yimwe yuma yakututungumwisa: tunazange kashika kunyingika chize yino yuma muyilumbunuka.

Yilinga 17:26

iye watangile ku manyinga amuwika mavungu eswe a atu mukutwama ha kuzazuluka cheswe cha hashi, se afunjikile miaka yo yize waselele kushi, ni manjiza ja yihela yo:

1 Korintu 11:7

Mumu lunga chamwenemwene kuchamutambile kufuka mutwe, se iye Chizulie ni uhenya wa Zambi; alioze pwo kanapu uhenya wa lunga.

2 Korintu 3:18

Alioze yetu eswe, ni meso a kufukuka nikunwina uhenya wa Mwene, ngwe katalilo wa kupeyima, kakutwalumuna mu kulifwa chimuwika, chize ku uhenya ndo ku uhenya, chizechene ngwe cha kuli Mwene Spiritu.

2 Korintu 4:4

muli ayo zambi ya mwakono hanapupuchisa manyonga ja waze keshi kufuliela, hanga kupanguka cha sango lipema lia uhenya wa Kristu, Mwenawo che kulifwa cha Zambi, kuchichi kapanguka hali ayo.

Efesu 4:24

nukazale mutu mwaha, yoze hanamutange mu ululi ni usandu wamwenemwene nikulita ni Zambi.

Kolosu 1:15

Mwenawo che kulifwa cha Zambi, yoze keshi kumoneka, iye mutangu wa yuma yeswe ya kutanga:

Kolosu 3:10

nunazala mutu mwaha, yoze kanamupwisa mwaha ha yinyingi yeswe, nikulita ni kulifwa cha yoze wamutangile:

Tiangu (Jake) 3:7

Mumu milali yeswe ya tushitu, ni tujila, milali yeswe ya tututu, ni tushitu a mu kalunga-lwiji, mahomboka, te hanahomboka ku vungu lia atu.

Tiangu (Jake) 3:9

Twakufumanyisa nalio Mwene kanda Tata; twakushinga nalio atu aze aatangile mu kulifwa cha Zambi.

1 Yoano 5:7

Yoze wakushindakenya iye mwe Spiritu, mumu Spiritu iye umwenemwene.