Ubutukilo 1:24 - MUKANDA USANDU WA ZAMBI 1975

²⁴ Zambi yamba ngwenyi, Hashi hazale ni akwa mwono nikulita ni mavungu jo, ni yimuna, ni akwa kukalala, ni tushitu a hashi nikulita ni mavungu jo. Mba yichipwa chocho.

Mukanda Wa Zambi 1970

²⁴ Mba Mukulu Zambi yamba ngwenyi: “Hashi hokese tushitu a milali yeswe, a ha chihunda ni a mu yambu, anene anene ni akepe akepe, azalise hashi.” Mba yichibwa chenacho.

Ubutukilo 1:24 Iomraidhean Croise

Ubutukilo 1:23

Yikupwa chingoloshi, yikupwa chimene, tangwa liamuchitano.

Ubutukilo 2:19

Ku mavu Yehova Zambi yawumba tushitu eswe a mu yambu, ni tujila eswe a mu tetela, yaaneha kuli mwe mutu akamone chize maaluka. Lieswalio mutu alukile kashitu ni kashitu, lienalio jina lienyi.

Ubutukilo 6:20

A kuli tujila nikulita ni mavungu jo, ni yimuna nikulita ni mavungu jo, ni tushitu eswe akukalala hashi nikulita ni mavungu jo, aali a ku mavungu eswe vungu ni vungu kumanjila hamwe ni yena ukaafunge a mwono.

Ubutukilo 7:14

O ni tushitu eswe, kashitu ni kashitu nikulita ni vungu lienyi, ni yimuna nikulita ni mavungu jo, ni tushitu a kukalala aze akukalala hashi nikulita ni mavungu jo, ni tujila eswe nikulita ni mavungu jo, kajila mweswawo.

Ubutukilo 8:19

Ni tushitu eswe, ni akwa kukalala eswe, ni tujila eswe, aze eswe akwenda hashi, nikulita ni mavungu jo yatuhuka mu ulungu.

Jobe 39:1

Yena unanyingika mwaka wa kusema cha pembe ja mu yambu? Kuwakutala kusema cha kai?

Jobe 39:19

Yena wakuhana ndundo kuli kavwalu? Yena wakusa tachi ku kota yenyi?

Jobe 39:5

Yoze watuswile chimbulu wa mu yambu iya? Iya wakasulwile chimbulu wa tambu

Jobe 39:9

Mbau mazanga kukulingila? Malihumikiza ha ufuku ku chililo che?

Jobe 40:15

Tala nguvu. Yami namutangile chinakutangile yena alioze aye kakulia mwambu ngwe ngombe.

Miaso (Masamu) 104:18

Milundu yisuku ya mbala ya pembe a mu yambu, yimawe yapwa uchinyino wa seji.

Miaso (Masamu) 104:23

Atu kakutuhuka akaye ku milimo yo nikuhondangana ndo chingoloshi.

Miaso (Masamu) 148:10

Ni tushitu, ni yimuna, ni tututu a kukalala, ni tujila a kuhumuka.