Ubutukilo 1:21 - MUKANDA USANDU WA ZAMBI 1975

²¹ Zambi yatanga tushitu anene a mu kalunga-lwiji, ni akwa mwono eswe aze a kuliokesa mu meya nikulita ni mavungu jo, ni akwa mapulwa eswe nikulita ni mavungu jo. Mba Zambi yachimona ngwenyi, Chinapeme.

Mukanda Wa Zambi 1970

²¹ Mukulu Zambi yatanga tushitu anene anene a mu kalunga lwiji, ni tushitu a milali yeswe akwo a mu meya, yatanga nawa tujila a milali yeswe. Yamona ngwenyi, yino yeswe yinabeme.

Ubutukilo 1:21 Iomraidhean Croise

Ubutukilo 1:18

Akayule ha mwalwa ni ha ufuku, akahandunune hakachi ka pangu ni milima. Mba Zambi yachimona ngwenyi, Chinapeme.

Ubutukilo 1:20

Zambi yamba ngwenyi, Meya akazale ni yizavu ya akwa mwono. Tujila akahumuke helu lia hashi mu kuzazuluka cha lilu.

Ubutukilo 1:22

Mba Zambi yaawahisa ngwenyi, Semenu nuliokese, nukazalise meya a mu kalunga-lwiji. Tujila aliokese hashi.

Ubutukilo 1:25

Zambi yalinga tushitu a hashi nikulita ni mavungu jo, ni yimuna nikulita ni mavungu jo, ni akwa kukalala eswe nikulita ni mavungu jo. Mba Zambi yachimona ngwenyi, Chinapeme.

Ubutukilo 1:31

Mba Zambi yamona yuma yeswe yize halinga ngwenyi, Chinapeme chikolo. Yikupwa chingoloshi, yikupwa chimene, tangwa liamuchisambano.

Ubutukilo 2:19

Ku mavu Yehova Zambi yawumba tushitu eswe a mu yambu, ni tujila eswe a mu tetela, yaaneha kuli mwe mutu akamone chize maaluka. Lieswalio mutu alukile kashitu ni kashitu, lienalio jina lienyi.

Ubutukilo 6:20

A kuli tujila nikulita ni mavungu jo, ni yimuna nikulita ni mavungu jo, ni tushitu eswe akukalala hashi nikulita ni mavungu jo, aali a ku mavungu eswe vungu ni vungu kumanjila hamwe ni yena ukaafunge a mwono.

Ubutukilo 7:14

O ni tushitu eswe, kashitu ni kashitu nikulita ni vungu lienyi, ni yimuna nikulita ni mavungu jo, ni tushitu a kukalala aze akukalala hashi nikulita ni mavungu jo, ni tujila eswe nikulita ni mavungu jo, kajila mweswawo.

Ubutukilo 8:17

Tuhuka ni a mwono eswe aze uli no a musunya weswe, ni tujila, ni yimuna, ni akwa kukalala aze akukalala hashi, akaseme chinji hashi, akaliokese, akalumbame hashi.

Ubutukilo 8:19

Ni tushitu eswe, ni akwa kukalala eswe, ni tujila eswe, aze eswe akwenda hashi, nikulita ni mavungu jo yatuhuka mu ulungu.

Ubutukilo 9:2

Woma wa yenu ni mwongo wa yenu muukakwata tushitu eswe a hashi, ni tujila eswe a mu tetela, ni akwa kukalala eswe, ni yishi eswe a mu kalunga-lwiji. Eswe mu kwoko lie naakunjika.

Ubutukilo 9:7

Alioze yenu, semenu, nukaliokese, nukapwe anji hashi nikulumbama.

Jobe 12:7

Alioze hulenu tushitu, O manulongesa; hulenu tujila a mu tetela, o manulweza;

Jobe 26:5

Yizulie kuyakuchikimina mushi lia meya ni waze atwamamo.

Jobe 7:12

Te nguli kalunga-lwiji hanji umwe kashitu wamo, kashika wakungusela kalayi?

Miaso (Masamu) 148:7

Halisenu Yehova hashi, enu tushitu anene a mu kalunga-lwiji, ni ma jinga eswe.

Kutuhuka 1:7

A-Izalele asemene, okele chikolo, alumbamine, akanganyine; chifuchi yichitakana no.

Kutuhuka 8:3

Lwiji mweswe makatakana ni yula-ya-mbwota. Meza kukanduka akanjile mu zuwo lie, ni mu chipatulo che cha kupomba, ni ha muhela we, ni mu mazuwo ja ngamba je, ni mazuwo ja atu je, ni mu forno je, ni mu mboke je ja kuchikilamo mbolo.

Ezekiel 32:2

Mwana mutu, imba mwaso wa lungungu hali Falau mwanangana wa Engitu wambe kuli iye ngwe, Ena wakulimona ngwe uli ndumba hakachi ka mavungu, alioze uli ngwe ndragau wa mu kalungalwiji. Wakufwapukila mu njiji je, ni kuvundula meya ni molu je, ni kupihisa njiji jo.

Yona 1:17

Yehova yalulika yishi munene akamine Yona. Yona yatwama mu jimo lia yishi matangwa atatu ni ufuku utatu.

Yona 2:10

Mba Yehova wahanjikile ni mwe yishi. Yasajila Yona hashi homu.

Mateu 12:40

mumu chizechene ngwe Yona wapwile matangwa atatu ni ufuku utatu mu jimo lia yishi munene; chocho mwe Mwana Mutu kumakapwa mushi lia mavu matangwa atatu ni ufuku utatu.