Ubutukilo 1:14 - MUKANDA USANDU WA ZAMBI 1975

¹⁴ Zambi yamba ngwenyi, Kupwe mapangu mwilu akahandunune mwalwa ni ufuku. Akapwe yilayi, ha tungonde, ni ha matangwa, ni ha miaka.

Mukanda Wa Zambi 1970

¹⁴ Mukulu Zambi yamba nawa ngwenyi: “Mapangu abwe mu che kuzazuluka cha lilu ha kuhandununa mwalwa ni ufuku, ni kulweza yinyingi ya yanga, ni matangwa, ni miaka.

Ubutukilo 1:14 Iomraidhean Croise

Ubutukilo 1:13

Yikupwa chingoloshi, yikupwa chimene, tangwa liamuchitatu.

Ubutukilo 1:15

Akapwe mapangu mwilu mukupangwisa hashi. Mba yichipwa chocho.

Ubutukilo 8:22

Shimbu hashi muhasala mwaka wa kukuwa ni mwaka wa kucha, ni chishika ni chivukuminya ni lwiza ni lushiho, ni mwalwa ni ufuku kuyichi kahwa.

Ubutukilo 9:13

Hinasa kongolo yami mu lelwa, kumakapwa chinyingi cha usendo hakachi ka yami ni akwa hashi.

Jobe 25:3

Mahasa kwalula tujita twenyi? Pangu lienyi kuliavumbukile hali iya?

Jobe 25:5

Achi talenu, chipwe kakweji katemukine liakulu; chipwe matongonoshi kapemene kumeso jenyi;

Jobe 3:9

Matongonoshi jalio a kucha, apwe a milima; likataletale pangu alioze nilimwe kanda likasoloka, chipwe yindayizo ya chimene kanda yikamoneka,

Miaso (Masamu) 119:91

Kuyakola musono nikulita ni yiyulo ye, mumu yuma yeswe yapwa tuvumbi twe.

Miaso (Masamu) 148:3

Enu tangwa ni kakweji, muhalisenu. Enu matongonoshi eswe a pangu, muhalisenu.

Miaso (Masamu) 148:6

Iye nawa wayikolesele ndo ku miaka yeswe ya mutolo. Wasele shimbi yize kuyichi kuhwa.

Miaso (Masamu) 150:1

Halisenu Yehova! Halisenu Zambi muma mwenyi musandu. Muhalisenu mu kuzazuluka cha ngolo jenyi.

Miaso (Masamu) 81:3

Humunenu chitavwi ha kakweji mwaha, ha hakweji wa kuunduka, ha chiwanyino chetu.

Izaya 40:26

Hetulenu meso jenu kwilu nukamone. Iya watangile yino yuma? Yoze wakusolola mbunga yeswe nikulita ni kwalula, nikutongola majina jo. Mumu ha unene wa ndundo jenyi ni ngolo jenyi ja tachi kashika niumwe hakachi ko wahona wakuhi.

Jeremia 10:2

Yehova kanambe ngwenyi, Kanda nulilongesa ndako ja mavungu. Kanda nwivwa woma ha yilayi ya mwilu mumu mavungu kakuyivwila woma,

Jeremia 31:35

Mwe Yehova yoze wahanyine tangwa likapwe pangu ha mwalwa, ni jila ya kufunjika ya kakweji ni matongonoshi akahane pangu ha ufuku; yoze wakuvundula kalunga-lwiji ndo mikanya yenyi muyihanjika lundunjila— jina lienyi, Yehova-wa-Tujita,

Jeremia 33:20

Yehova kanambe ngwenyi, Nyi munuhasa kushiha usendo wami ni mwalwa, ni usendo wami ni ufuku hanga mwalwa ni ufuku kuuchi kwiza ha ola yayo ya kufunjika,

Jeremia 33:25

Yehova kanambe ngwenyi, Nyi chakolesele usendo wami ni mwalwa ni ufuku ni je shimbi ja mwilu ni hashi,

Ezekiel 46:1

Mwene Yehova kanambe ngwenyi, Chikolo cha yize ya muchima chize chatalikisa ku Chivumbuko muchipwa cha kwajila ha matangwa asambano a milimo, alioze ha tangwa lia Sambata machazulula ni ha tangwa lia kakweji mwaha machazulula.

Ezekiel 46:6

Ha tangwa lia kakweji mwaha makalambula chimbembe wa kuji keshi chipa, ni ana-mapanga asambano hamwe ni kuji ya panga, eswe keshi chipa.

Joele 2:10

Kumeso jo hashi kuhakunyika, ni lilu kunakuchikima. Tangwa ni kakweji kakulá, ni matongonoshi kakulitwamina kutemuka.

Joele 3:15

Tangwa ni kakweji kakulá, ni matongonoshi kakulitwamina kutemuka.

Amose 5:8

Yoze watangile Kungulwila ni Muta-ni-kawa, yoze wakwalumuna ufuku pwi mu kucha, yoze wakwalumuna mwalwa mu ufuku, yoze wakusanyika meya a kalunga-lwiji nikwazukwila ha kuzazuluka cha hashi, jina lienyi Yehova,

Amose 8:9

Mwene Yehova kanambe ngwenyi, Ha tangwa lize mungukanjisa tangwa ha tangwa ha muchima. Mungulayisa hashi ha ola ya mwalwa.

Mateu 2:2

ngwo, Ulihi yoze unasemuka Mwanangana wa A-Yunda? Mumu twamwene lutongonoshi wenyi mu Chivumbuko, hitweza mukumuwayila.

Mateu 24:29

Alioze haze hene kulutwe lia luyinda wa matangwa aze, tangwa mulikalá, ni kakweji kechi katwa mieji, ni matongonoshi kumakaholoka mwilu, ni tachi ja malilu kumujikanyika.

Marku 13:24

Alioze ha matangwa aze, kulutwe lia luyinda yoze, tangwa kumulikalá, ni kakweji kechi katwa mieji.

Luka 23:45

Tangwa lialayile, ni chikalakala cha hina cha tembele chapulikile mukachi.

Shimbi 4:19

Kuchina munuhetula meso jenu ku malilu mba ha kumona tangwa, ni kakweji, ni matongonoshi, te yizavu yeswe ya ha malilu, munuhungumuka nikuyiwayila nikuyivumbika, yuma Yehova Zambi yenu wayipangilile mavungu, eswe ali kushi lia malilu.

Usolwelo 6:12

Namwene muze apakwile Chijikilo chamuchisambano, kwapwile minyiko yinene; ni tangwa lialumukine lilá ngwe chikeleyi chilá, ni kakweji mweswe walumukine ngwe manyinga.

Usolwelo 8:12

Mungelo wamuchiwana wembile chitavwi chenyi, ni chihanda chimuwika cha ku yihanda yitatu ya tangwa chalambiwile, ni chihanda chimuwika cha ku yihanda yitatu ya kakweji, ni chihanda chimuwika cha ku yihanda yitatu ya matogonoshi; hanga chihanda chimuwika cha ku yihanda yitatu yayo chikalé, hanga mwalwa kuuchi kasoloka ha chihanda chimuwika cha ku yihanda yitatu yawo, ni ufuku chizechene.

Usolwelo 9:2

Iye wázulwile jondo: mwandukile mwishi mu jondo ngwe mwishi wa ku lutengo munene; ni tangwa ni mu tetela yalayile ni mwishi wa mu wina.