Ubutukilo 1:12 - MUKANDA USANDU WA ZAMBI 1975

¹² Mba ha mavu hasokele mwambu, ni yiputa yakwima mbuto nikulita ni milali yayo, ni mitondo yakwima mihuko yikwete mbuto yayo muchima nikulita ni milali yayo. Mba Zambi yachimona ngwenyi, Chinapeme.

Mukanda Wa Zambi 1970

¹² Chenacho hashi hasokele yambu ni mitondo ya milali yeswe yize yakwima mbuto ni yize yakwima mawundu nikulita ni milali yayo. Mukulu Zambi yamona ngwenyi, yize yeswe yinabeme.

Ubutukilo 1:12 Iomraidhean Croise

Ubutukilo 1:11

Zambi yamba ngwenyi, Ha mavu hasoke mwambu, ni yiputa yakwima mbuto, ni mitondo ya mihuko yize yakwima mihuko nikulita ni milali yayo, yize yikwete mbuto yayo muchima ha mavu. Yichipwa chocho.

Ubutukilo 1:13

Yikupwa chingoloshi, yikupwa chimene, tangwa liamuchitatu.

Miaso (Masamu) 104:14

Kakusokesa yambu ya yimuna, ni yiputa ha milimo ya atu, akachize kulia ku mavu,

Izaya 61:11

Mumu chizechene ngwe mavu kakusokesa mafwo, ni munda wakusokesa yize akuwilemo, chocho Mwene Yehova masokesa ululi ni uhaliso kumeso ja mavungu eswe.

Marku 4:28

Mumu hashi kuhakwima mbuto yaho hene, hatangu mafwo, kulutwe lia chize mutwe, kulutwe lia chize lunona mwa tò ha mutwe.

Luka 6:44

Mumu mitondo yeswe kanayinyingika ku mihuko yayo; mumu atu keshi kuhela makuyu ku mingonga, chipwe uva ku mikalale, ka.

2 Korintu 9:10

Achi, yoze wakumwesa mbuto chikuwa, ni mbolo ha kulia, kumakanumwesa mbuto yenu ya kukuwa, makayokesa, makatatwisa mihuko ya ululi wenu.

Galashia 6:7

Kanda nulionga; Zambi keshi kulenvewa: mumu cheswacho mutu makuwa, chenacho kumakacha nawa.

Hebreu 6:7

Mumu mavu aze akunwa vula yoze wakwizaho kanji, kakwima yilimalima hali waze akwalimina, kakutambula uwape kuli Zambi.