Ubutukilo 1:11 - MUKANDA USANDU WA ZAMBI 1975

¹¹ Zambi yamba ngwenyi, Ha mavu hasoke mwambu, ni yiputa yakwima mbuto, ni mitondo ya mihuko yize yakwima mihuko nikulita ni milali yayo, yize yikwete mbuto yayo muchima ha mavu. Yichipwa chocho.

Mukanda Wa Zambi 1970

¹¹ Mba yamba ngwenyi: “Hashi hasoke yambu ni mitondo ya milali yeswe, yize yakwima mbuto ni yize yakwima mawundu nikulita ni milali yayo.” Yichibwa chenacho.

Ubutukilo 1:11 Iomraidhean Croise

Ubutukilo 1:12

Mba ha mavu hasokele mwambu, ni yiputa yakwima mbuto nikulita ni milali yayo, ni mitondo yakwima mihuko yikwete mbuto yayo muchima nikulita ni milali yayo. Mba Zambi yachimona ngwenyi, Chinapeme.

Ubutukilo 1:29

Zambi yamba ngwenyi, Talenu hinanwaha yiputa yakwima mbuto yili hashi heswe, ni mitondo yeswe yize yikwete mihuko yakwima mbuto. Yeswe muyipwa ya kulia kuli yenu.

Ubutukilo 2:16

Yehova Zambi yamba kuli mwe mutu ngwenyi, Ku mitondo yeswe ya mu munda muhasa kulia chawana,

Ubutukilo 2:5

Ni mitondo yeswe ya mu mavu shimbu kanda yipwa hashi, ni yiputa yeswe ya mu mavu shimbu kanda yisoka, mumu Yehova Zambi kanda anokesa vula hashi, chipwe mutu keshiko yoze machipa mavu.

Ubutukilo 2:9

Mba ku mavu Yehova Zambi yasokesa mitondo yeswe yipema ku meso, ni yize yipema ya kulia; mutondo wa mwono nawa mukachi ka munda, ni mutondo wa chinyingi cha chipema ni chipi.

Jobe 28:5

Ku mavu kwakukatuka mbolo; hindu mushi kakuvunduka ni kahia.

Miaso (Masamu) 1:3

Iye kumapwa ngwe mutondo wa kutumba ku tupila twa meya, uze wakwima mihuko yawo ha tungonde twayo. Lifwo liawo kulishi kuma. Cheswacho malinga muchiwaha.

Miaso (Masamu) 147:8

Yoze wakufuka mwilu ni malelwa. Yoze wakululikila vula hashi. Yoze wakusokesa mwambu ha milundu.

Izaya 61:11

Mumu chizechene ngwe mavu kakusokesa mafwo, ni munda wakusokesa yize akuwilemo, chocho Mwene Yehova masokesa ululi ni uhaliso kumeso ja mavungu eswe.

Jeremia 17:8

Aye kanapu ngwe mutondo wa kutumba ku meya, wa kutanda miji ku chitwetwe, kuuchi kwivwa woma muze chivukuminya muchiza, mumu mafwo jawo hindu mapwa a wisu. Kuuchi kulifwita mumu ha changa, mumu kuuchi kulitwamina kwima mihuko.

Mateu 3:10

Chipwe haliapwila hasa njimbu ku miji ya mitondo: kashika mitondo yize yeswe kuyishi kwima mihuko yipema mayipakula nikuyimbila mu kahia.

Mateu 6:30

Alioze kachi Zambi chocho majika mwambu wa mu yambu, uze muupwa musono ni hamene maumbila mu jiko, Shinaho chikolo yenu, nyi? Yenu akwa Ufulielo ukepe?

Marku 4:28

Mumu hashi kuhakwima mbuto yaho hene, hatangu mafwo, kulutwe lia chize mutwe, kulutwe lia chize lunona mwa tò ha mutwe.

1 Korintu 15:38

alioze Zambi mayaha mujimba chizechene ngwe apalile, ku mbuto yeswe mujimba wayo yene.

Hebreu 6:7

Mumu mavu aze akunwa vula yoze wakwizaho kanji, kakwima yilimalima hali waze akwalimina, kakutambula uwape kuli Zambi.

Tiangu (Jake) 3:12

Mandumbu jami, mukuyu muuhasa kwima olevwe, hanji vindera muyihasa kwima makuyu, nyi? Chipwe fuji lia meya a mungwa kulishi kuhasa kuvwelwoka ni meya ayema.