Ubutukilo 1:1 - MUKANDA USANDU WA ZAMBI 1975

¹ Ha uputukilo Zambi watangile malilu ni hashi.

Mukanda Wa Zambi 1970

¹ Ha Ubutukilo Mukulu Zambi yatanga lilu ni hashi.

Ubutukilo 1:1 Iomraidhean Croise

1 MIANANGANA 19:15

Mba Hezekia yalemba kumeso ja Yehova ngwenyi, Yehova, Zambi ya Izalele kuwatwama hali akerupimi, ena uli Zambi, yena wika, wa mawanangana eswe a hashi. Uli Tangi ya mwilu ni hashi.

1 Sango Ja Mianangana 16:26

Mumu mazambi a mavungu apwa yuma yamokomoko alioze Yehova iye tangi ya malilu.

2 Sango Ja Mianangana 2:11

Mba Hurame mwanangana wa Teru yasoneka kumbululo, yalituma kuli Solomone ngwenyi, Yehova kanazange atu jenyi, kashika hakupwisa mwanangana wo.

Nehemia 9:6

Yena uli Yehova; yena mwene ukawe. Yena watangile lilu, ni lilu lia malilu ni mbunga yamo yeswe, ni hashi ni yuma yeswe yiliho, ni tulunga-njiji ni yuma yeswe yilimo; ni yena kuwakuyifunga yeswe. Mbunga ya mwilu kakukuwayila.

Jobe 26:13

Ni fuji jenyi wapemesene malilu; kwoko lienyi liatuwile lunoka wa tambu.

Jobe 38:4

Muze nasele fundamentu ya hashi yena te kuli uli? Ngwambulwile nyi uli ni chinyingi.

Jobe 9:8

Ukawenyi yazazulula malilu; yaliata ha mikanya yisuku ya kalunga-lwiji.

Miaso (Masamu) 102:25

Ku shakulu wasele fundamentu ya hashi; malilu hapwa chitanga cha moko je.

Miaso (Masamu) 104:24

Yehova, yitanga ye yoka Chichize! Yeswe wayilingile ni mana. Hashi hazala tò ni upite we.

Miaso (Masamu) 104:30

Mutuma Spiritu ye, maatanga, ni yena kuwakuhuzulula ha kuzazuluka cha mavu.

Miaso (Masamu) 115:15

Hanuwahisa kuli Yehova yoze watangile mwilu ni hashi.

Miaso (Masamu) 121:2

Kakungukwasa kuli Yehova yoze watangile lilu ni hashi.

Miaso (Masamu) 124:8

Kakutukwasa ni jina lia Yehova, yoze watangile lilu ni hashi.

Miaso (Masamu) 134:3

Yehova mu Zaione akuwahise; yoze watangile lilu ni hashi.

Miaso (Masamu) 136:5

Kuli yoze walingile malilu ni mana; mumu utu wa zango lienyi wa mutolo.

Miaso (Masamu) 146:6

Yoze watangile lilu ni hashi, ni kalunga-lwiji, ni yize yeswe yilimo. Yoze wakufunga umwenemwene ku miaka ya mutolo.

Miaso (Masamu) 33:6

Atangile malilu ku liji lia Yehova; chizavu chamo cheswe wachitangile ni mwiku wa mu kanwa lienyi.

Miaso (Masamu) 33:9

Mumu iye wahanjikile mba chalingiwile. Watuminyine mba chakolele.

Miaso (Masamu) 8:3

Shimbu mungutala malilu, che chitanga cha minwe ye; kakweji ni matongonoshi aze walulikile;

Miaso (Masamu) 8:4

Mutu kuchi apwa ukamunyongene yena? Hanji mwana mutu, kuchi apwa ukamunangise?

Miaso (Masamu) 90:2

Shimbu milundu kanda yichisemuka. Shimbu kanda uchitomba mavu ni hashi. Chize ku miaka ya mutolo ndo ku miaka ya mutolo, yena uli Zambi.

Miaso (Masamu) 96:5

Mumu mazambi a mavungu apwa yuma yamokomoko alioze Yehova iye tangi ya malilu.

Kutuhuka 20:11

Mumu ha matangwa asambano Yehova alingile malilu, ni hashi, ni kalunga-lwiji ni yuma yeswe yilimo. Yahwima ha tangwa liamuchishimbiali. Kashika Yehova wawahishile lie tangwa lia Sambata. Yalipwisa lisandu.

Kutuhuka 31:18

Muze Yehova hamana kulishimwinya nenyi ha mulundu wa Sinai, yahana kuli Mose mikanda yiali ya Shindakenyo, te mikanda ya mawe ya kusoneka ni munwe wa Zambi.

Yishima 16:4

Yuma yeswe Yehova hayitengela milimo yayo; ewa chipwe yingulungulu haasela tangwa lia yipi.

Yishima 3:19

Yehova wakolesele hashi ni mana. Ni malinjekela walulikile malilu.

Longeshi 12:1

Iwuluka Tangi ye ha matangwa ja ukweze we, shimbu matangwa api kandeza, hanji miaka yize muyiza muze muwamba ngwe, Chawahililile nayo.

Izaya 37:16

Yehova-wa-Tujita, Zambi ya Izalele, kuwatwama hali akerupimi, ena uli Zambi, yena wika, wa mawanangana eswe a hashi. Uli Tangi ya mwilu ni hashi.

Izaya 40:21

Te kunwanyingikine? Kunwevwile? Kanulumbunwinyine chize ku uputukilo? Kuchanulumbunukine chize ku kusa cha fundamentu ja hashi?

Izaya 40:26

Hetulenu meso jenu kwilu nukamone. Iya watangile yino yuma? Yoze wakusolola mbunga yeswe nikulita ni kwalula, nikutongola majina jo. Mumu ha unene wa ndundo jenyi ni ngolo jenyi ja tachi kashika niumwe hakachi ko wahona wakuhi.

Izaya 40:28

Te kunwanyingikine? Kunwevwile? Yehova iye Zambi ya mutolo. Mwe Tangi wa masongo a hashi. Keshi kulezumuka hanji kwivwa yikatalo. Yinyingi yenyi niumwe mahasa kuyijimbula

Izaya 42:5

Zambi Yehova, Tangi wa malilu kanda mukwa kwazazulula, yoze wazazulwile hashi ni yize yeswe yakwizaho, yoze wakuhana mwiku kuli atu eswe aliho, kakuhana Spiritu kuli akwa kwendelaho eswe, aye kanambe ngwenyi,

Izaya 44:24

Yehova, Mukwa-Kukukula, yoze wakuwumbile chize mu jimo, kanambe ngwenyi, Yami nguli Yehova, Tangi ya yuma yeswe, mukwa kuzazulula malilu ukawami, mukwa kuzazulula hashi—te iya napwile nenyi?

Izaya 45:18

Mumu Yehova, Tangi ya malilu (iye Zambi), yoze wawumbile hashi nikuhalinga, (wahakolesele, kahatangile ha hululu, wahatangile hanga atu akatwameho); yono Yehova kanambe ngwenyi, Yami nguli Yehova, kukushi mukwo.

Izaya 51:13

Hinwavulama Yehova Tangi yenu, yoze Wazazulwile malilu, wasele fundamentu ya hashi. Nunevu woma ndusu tangwa lieswe mumu ha ufwatulo wa mukwa kupinjisa, yoze kanase mbunge yenyi mukwenyeka. Ufwatulo wa mukwa kupinjisa ulihiwo?

Izaya 51:16

Hinasa maliji jami mu makanwa jenu, hinanusweka mu Chizulie cha kwoko liami, nikuzazulula malilu, nikusa fundamentu ya hashi, nikwamba ku Zaione ngwami, Nuli atu jami.

Izaya 65:17

Mungutanga lilu liaha ni hashi haha, ni yuma ya kushi kechi kayiwuluka nawa, chipwe kuyinyonga.

Jeremia 10:12

Iye watangile hashi ni ndundo jenyi, wakolesele muno-muze ni mana jenyi, wazazulwile malilu ni yinyingi yenyi.

Jeremia 32:17

Mwene Yehova! Yena watangile malilu ni hashi ni ndundo je jinene ni kwoko lie lia kuzoza. Nichimwe chuma muchikukalila naye.

Jeremia 51:15

Iye watangile hashi ni tachi jenyi, wakolesele muno-muze ni mana jenyi, wazazulwile malilu ni chinyingi chenyi.

Zakaria 12:1

Chikuma cha liji lia Yehova lia kutwala kuli A-Izalele. Yehova mukwa kuzazulula malilu, mukwa kukolesa hashi, ni kululika Spiritu ya mutu muli iye, kanambe ngwenyi,

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Marku 13:19

Mumu ha matangwa aze kumukukapwa luyinda, yoze kukwapwile umwe wa kulifwa nenyi chize ku uputukilo wa kutanga chize atangile Zambi ndo haliapwila, mba kechi kapwa nawa.

Yilinga 14:15

Malunga, kuchi te nunalingi yino yuma? Yetu tuli atu chimuwika ngwe yenu, tunanwambulwila sango lipema, ngwetu, Chanutamba kwehuka yuma yino ya kuseka, nukatewulukile kuli Zambi ya mwono, yoze watangile lilu ni hashi ni kalunga-lwiji, ni yuma yize yeswe yilimo:

Yilinga 17:24

Zambi yoze watangile hashi ni yuma yeswe yiliho, iye se kapwa Mwenya lilu ni hashi, keshi kutwama mu matembele a kutangiwa ni moko;

Yilinga 4:24

O, muze achivwile, ahetwile liji lio ni mbunge yimuwika kuli Zambi, akambe ngwo, Mwene, mwe Zambi yena, yoze watangile lilu ni hashi ni kalunga-lwiji, ni yize yeswe yilimo;

A-ROMA 11:36

Mumu yuma yeswe kuyakatuka kuli iye, kuyakola ku tachi jenyi, yakuswila muli iye. Uhenya ukapwe kuli iye ndo ku miaka ya mutolo. Amene.

1 Korintu 8:6

Hindu kuli yetu, kwali Zambi umuwika, mwe Tata, yuma yeswe yinakatuka kuli iye, ni yetu tuli hali iye; ni Mwene umuwika, Yesu Kristu, kuli iye yuma yeswe yinakatuka, ni yetu kuli iye.

Efesu 3:9

ngukalweze atu eswe uze wapwa uselo wa chijimbikilo, chahengamine chize ku miakulwila muli Zambi, yoze watangile yuma yeswe;

Hebreu 1:10

Chikwo ngwenyi, Yena, Mwene, ha uputukilo wasele fundamentu ya hashi, ni malilu anapu ye yitanga ya moko je.

Hebreu 1:2

ha kusula songo lia matangwa ano, hanahanjika kuli yetu muli Mwanenyi, yoze hanamupwisa swana ya yuma yeswe, ku tachi jenyi nawa watangile miaka.

Hebreu 11:3

Ku Ufulielo chatulumbunuka ngwe atesele miaka ku liji lia Zambi, chocho chize chakumoneka kachitangile ku yuma yize yakusoloka.

Hebreu 3:4

Mumu zuwo lieswe lili ni yoze walitungile; aiioze yoze watungile yuma yeswe iye Zambi.

2 Petulu 3:5

Mumu chino ku upale wo ene kakuvulama ngwe kwapwile malilu chize ku shakulu, ni hashi haze lia meya ni mu meya, ku liji lia Zambi;

1 Yoano 1:1

Yoze wapwile chize ku uputukilo, yoze Hitunamwivu, yoze hitunamumono ni meso jetu, yoze hitunamutale, ni moko jenu hitunamuvwavwata, ha kutwala ku liji lia mwono,

Usolwelo 10:6

Walishingile ni yoze mukwa mwono ndo ku miaka yeswe ya mutolo, yoze watangile lilu, ni yuma yize yilimo, ni hashi, ni yuma yize yiliho, ni kalunga-lwiji, ni yuma yize yilimo, ngwenyi, Kukuchi kapwa kushimbula nawa.

Usolwelo 14:7

Iye yamba ni liji linene ngwenyi, Ivwenu woma wa Zambi, numuchichimieke; mumu ola ya upatwilo wenyi hiyeza: wayilenu yoze watangile lilu ni hashi ni kalunga-lwiji ni mafuji ja meya.

Usolwelo 21:6

Iye yamba kuli yami ngwenyi, Hiyinamanunuka! Yami nguli mwe Alfwa ni mwe Omega, we uputukilo, ni lie songo. Mungukahana kuli yoze mevwa pwila ku fuji lia meya a mwono, chawana.

Usolwelo 22:13

Yami nguli mwe Alfwa, mwe Omega, mwe mutangu, mwe kasulasongo, we uputukilo, lie songo.

Usolwelo 3:14

Kuli mungelo wa chikungulwila cha ku Laotisea Soneka ngwe, Yino yuma kanambe mwe Amene, chela wamwenemwene keshi mahuza, we uputukilo wa kutanga cha Zambi ngwenyi,

Usolwelo 4:11

Yena kuwatela, Mwene wetu kanda Zambi yetu, kutambula uhenya ni ulemu ni tachi, mumu yena watangile yuma yeswe, ni mumu ha upale we yapwile, yatangiwile.