Titu 3:7 - MUKANDA USANDU WA ZAMBI 1975

⁷ hanga, se hanatusambisa ku vumbi lienyi, tukapwe maswana nikulita ni kutalatala cha mwono wa mutolo.

Mukanda Wa Zambi 1970

⁷ Hachilinga hanga, ku utu wenyi, atupwise akwa ululi, ni hanga tuhase kutambula mwono wa miaka yeswe, uze twakusa mbunge.

Titu 3:7 Iomraidhean Croise

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Marku 10:17

Shimbu machituhuka mukuya mu jila, umwe wazombokele kuli iye, waliendelele kuli iye, nikumuhula ngwenyi, Longeshi mupema, kuchi mungulinga, hanga ngukahinge mwono wa mutolo?

A-ROMA 11:6

Alioze kachi chinapu cha vumbi, mba kuchapwile cha yitanga: nyi chocho, vumbi hi vumbi ko nawa.

A-ROMA 3:24

Se hanatusambisa chawana ku vumbi lienyi, ku ukule uze uli muli Kristu Yesu:

A-ROMA 3:28

Kashika twakushinginyeka ngwetu, Masambisa mutu ku Ufulielo, keshi yitanga ya shimbi.

A-ROMA 4:16

Ha chikuma chino kuchapwa ku Ufulielo, hanga chikalite ni vumbi; hanga chilakenyo chikakole ku munyachi weswe; hi ku munyachi wa shimbi ko, alioze ku uze nawa wa ku Ufulielo wa Apalahama; iye tato ya yetu eswe,

A-ROMA 4:4

Achi kuli mukwa milimo, keshi kwalula fweto yenyi ngwe ya vumbi, alioze ya kongo.

A-ROMA 8:17

Nyi kachi tuli ana, kachi tuli maswana ja Zambi ni maswana-ni-akwo a Kristu; kachi chamwenemwene mutwivwa lamba hamwe nenyi, hanga tukapwe ni uhenya hamwe nenyi.

1 Korintu 6:11

Ngwe wano amwe a kuli yenu nwapwile: alioze hananusanyisa, alioze hananusela ku usandu, alioze hananusambisa mu jina lia Mwene Yesu Kristu, muli Spiritu ya Zambi yetu.

Galashia 2:16

hindu nikunyingika ngwetu, Mutu keshi kumusambisa ku yitanga ya shimbi, alioze ha kufuliela Yesu Kristu, chipwe yetu twafulielele Kristu Yesu, hanga akatusambise kuufulielo kuli Kristu; hi ku yitanga ya shimbi ko: mumu ku yitanga ya shimbi kechi kasambisa niumwe.

Galashia 3:29

Nyi kachi nuli a Kristu, kachi nuli munyachi wa Apalahama ni maswana nikulita ni chilakenyo.

Galashia 4:7

Chocho hi uli ndungo ko nawa, alioze uli mwana; nyi kachi mwana, swana nawa ku upale wa Zambi.

2 A-TESALONIKA 2:16

Alioze Mwene wetu Yesu Kristu iye mwene, ni Zambi Tata yetu, yoze hanatuzange, yoze hanatwehe kulembejeka cha mutolo, ni kutalatala chipema ku vumbi,

Titu 1:2

mukutalatala mwono wa mutolo, uze Zambi, yoze keshi mahuza, walakenyene ku miakulwila;

Titu 2:11

Mumu vumbi lia Zambi hilinasoloka, Unaneha ulamwino kuli atu eswe,

Titu 2:13

nikutwaminyina kutalatala chize chawaha, ni usolokelo wa uhenya wa Zambi yetu munene kanda Chilamwina Yesu Kristu;

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

Hebreu 11:7

Ku Ufulielo Noe wa kufumba kuli Zambi ha kutwala ku yuma yize kanda yichimoneka, se wevwile woma wa Zambi, walulikile ulungu akalamwine akwa zuwo lienyi; chochene wahishile akwa hashi, amupwishile swana ya ululi uze wakulita ni Ufulielo.

Hebreu 11:9

Ku Ufulielo watwamine ngwe chilambala mu chifuchi cha chilakenyo, ngwe mu chifuchi cha mbala, nikutwama mu mbalaka hamwe ni Izake ni Yakomba, maswana hamwe nenyi a chilakenyo chimuwika:

Hebreu 6:17

Muze mwene Zambi nikuzanga kulweza kuhiana chikolo kuli maswana ja chilakenyo, ngwe upale wenyi kuushi kuhasa kwalumuka, wachikolesele ni shingo.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

1 Petulu 3:7

Chizechene yenu malunga, twamenu hamwe no nikulita ni chinyingi, nikusela ulemu kuli pwo ngwe kuli chikwachilo chilelu, ngwe nuli maswana-ni-akwo ja vumbi lia mwono; hanga yilemba yenu kuyichi kalinjiwa.