Titu 3:3 - MUKANDA USANDU WA ZAMBI 1975

³ Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.

Mukanda Wa Zambi 1970

³ Mumu ni yetu nawa, twabwile yihepuke, yihulia, akwa kupianguka. Twabwile ndungo ku usolo ubi ni ku uwahililo weka ni weka. Twabwile akwa shili ni akwa lufwachinda, ni kulivwila kole umwe ni mukwo.

Titu 3:3 Iomraidhean Croise

Ubutukilo 38:9

Alioze Onane kananyingika ngwenyi, Mwana kechi kupwa wa yami. Kashika muze anjilile kuli pwo lia yayo yayimwanga hashi kuchina masemena mwana yayo.

Ubutukilo 39:16

Chocho pwo wafungile chikuto chenyi ndo ku kwiza cha mwata wenyi.

Miaso (Masamu) 36:2

Mumu kakulichichimieka kumeso jenyi mwene, ndo ungulungulu wenyi muusoloka wa kuneha lwaji.

Yishima 8:5

Enu yizuzuke, nyingikenu kukanyama. Enu yihepuke, pwenu ni mbunge ja malinjekela.

Yishima 9:6

Enu hichikenu yizuzuke nukatwame ni mwono, nukendele mu jila ya malinjekela.

Izaya 44:20

Kakulia uto, mutwe wenyi wa kwongoloka hiwamupiangula; kahashile kulipulula, hanji kwamba ngwenyi, Chongo nguli nacho mu kwoko liami lia chindume.

Obadia 1:3

Kulengumuka cha mbunge ye hichakwonga, ena watunga mu yivwenge ya mu mawe, zuwo lie liapwa kwilu; kuwakwamba mu mbunge ye ngwe, Iya manguhulumuna hashi?

Mateu 21:29

Aye wakumbulwile ngwenyi, Chichi kuyako; alioze kulutwe yalikonyeka, yaya.

Luka 21:8

Iye wambile ngwenyi, Kanyamenu kanda akanupiangula, mumu anji kumakeza mu jina liami, ngwo, Yami Kristu, ni mwaka hiwakundama: kanda nwakaula.

Yoano 8:34

Yesu waakumbulwile ngwenyi, Pundu, pundu, ngunambe kuli yenu ngwami, Mweswawo kakuvulumiona, iye ndungo ya shili.

A-ROMA 11:30

Mumu ngwe yenu chamwenemwene ha miaka ya kunyima kunwononokene kuli Zambi, alioze haliapwila hinunawane keke, mumu ha uhulia wo.

A-ROMA 6:12

Kanda nutayiza shili kuyula mu mijimba yenu ya kufwa, nukononoke ku usolo wayo:

A-ROMA 6:17

Alioze tusakwilenu kuli Zambi, chipwe nwapwile te ndungo ja shili, nwononokene mu mbunge ku cheseko cha longeso lize anukunjikileko;

A-ROMA 6:22

Alioze haliapwila se hinunatusuka ku shili, hinunapu ndungo ja Zambi, mihuko nuli nayo ndo ku usandu, ni songo liawo, mwono wa mutolo.

A-ROMA 6:6

se tunanyingika ngwetu, Hanahachila mutu wetu mukulu ha kulusu hamwe nenyi, hanga mujimba wa shili ukahwe, hanga kutuchi kapwa nawa mu undungo wa shili;

2 Korintu 12:20

Mumu ngunevu woma kuchina hanji muze mungwiza mungunuwana ngwe chize chazangile, ni yami mwene mununguwana ngwe chize yenu kunwazangile; kuchina hanji mukukapwa vunda, ni ukwa, ni ufwatulo, ni kulimanangana, ni kakowelo, ni kalundanganyishi, ni kulifuza ni yizungozungo.

Galashia 6:3

Mumu kachi mutu malishinginyeka kupwa chimwe, muze iye hi chimwe ko, mahonga iye mwene.

Kolosu 1:21

Ni yenu, se ha miaka ya kunyima nwahandunukine, nwapwile akwa kole mu kunyonga chenu mu yitanga yenu ya ungulungulu,

Kolosu 3:7

Muze mwene ni yenu nawa ha miaka ya kunyima nwendele, muze nwatwamine mu yino yuma.

2 Timoteu 3:13

Alioze yingulungulu ni akwa kwonga kumakapiha kuhiana, nikupiangula, nikupianguka.

2 Timoteu 3:6

Hakachi ko kwali waze akuliomba nikunjila mu mazuwo, akatwale ku ufunge mapwo a kuhepuka, a kulemewa ni milonga, kanahunguka ku usolo weka ni weka.

Titu 1:16

Kakwamba ngwo, Tunanyingika Zambi; aiioze ni yitanga kakulikata iye, akwa kuzelwokesa, yihulia; ha kutwala ku yitanga yeswe yipema yisáshili amokomoko.

Titu 2:12

nikutufumba, ngwo, Chatutamba kwenda ni mana ni ululi ni uwayilo, ni kulikala utanganyanyi ni usolo wa hano hashi, ha mwakono haliapwila;

Tiangu (Jake) 1:26

Kachi umwe malishinginyeka kupwa mukwa kuwayila, shimbu keshi kuhombola limi lienyi, aiioze kakwonga mbunge yenyi mwene, uwayilo wa yono wamokomoko.

1 Petulu 1:14

Chizechene ngwe akwa kwononoka, kanda nulitesa ni usolo wenu wa kunyima mu kwalajala chenu:

Usolwelo 12:9

Ni ndragau munene amunyashine hashi, mwe kapela wa shakulu, jina lienyi ngwo, Ndiapu kanda Satana, mwe mukwa kupiangula yifuchi yeswe ya hashi; amunyashine ndo hashi, ni anyashine angelo jenyi hamwe nenyi hashi.

Usolwelo 13:14

Iye yapiangula akwa hashi mumu ha yilayi yize amuhele mukulinga kumeso ja mwe ngongo; nikwamba kuli akwa hashi akatange kaponya kuli ngongo, yoze uli ni mbandu ya katana Watwamine ni mwono.

Usolwelo 18:2

Iye wakololokele ni liji lia ngolo ngwenyi, Babilonia hiyapuzuka, hiyapuzuka, hiyapwa muma mwa kutwama mwa andemoniu, ni zuwo lia ususu lia maspiritu eswe a luchisa, ni zuwo lia ususu lia tujila eswe a luchisa ni tujila eswe api.