Titu 3:14 - MUKANDA USANDU WA ZAMBI 1975

¹⁴ Atu jetu nawa, akalilongese kulalaminya ku yitanga yipema, akahase kukwasa ni yuma yize yinatambe, hanga kechi kapwa ngwe keshi mihuko.

Mukanda Wa Zambi 1970

¹⁴ Chatamba atu jetu nawa alilongese yitanga yibema, hanga ahase kukwasa waze anahono chamwenemwene.

Titu 3:14 Iomraidhean Croise

Izaya 61:3

kusela kuli akwa kulinyenga mu Zaione— kwaaha chipangula cha yitemo kusalakana uto, maji a uwahililo kusalakana chinyengo, chikuto cha uhaliso kusalakana mbunge ya kuhonga, hanga akaatongole ngwo, Carvalho ya ululi ya kutumba kuli Yehova akamwehe uhenya.

Mateu 21:19

mba ha kumona mukuyu ku sesa lia jila, wakundamineko alioze kawanyineko nichimwe, shina mafwo wika; neye ngwenyi, Kanda ukema nawa mihuko ndo ku miaka ya mutolo. Haze hene mukuyu womine chau.

Mateu 7:19

Mitondo yize yeswe kuyishi kwima mihuko yipema mayipakula, mayimbila mu kahia.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Yoano 15:8

Mu chino machichimieka Tata, nyi munwima mihuko yinji; ni chocho kumunukapwa tumbaji twami.

Yilinga 18:3

se apwile akwa milimo yimuwika, Watwamine hamwe no, nikulinga; mumu apwile ku milimo yo akwa kutunga mbalaka.

Yilinga 20:35

Mu yuma yeswe nanuhele cheseko, ngwe nikukilikita chocho, Chanutamba kukwasa akwa ulelu, nikwiwuluka maliji a Mwene Yesu, iye mwene wambile ngwenyi, Chinawaha kutambula alioze Shinaho kuhana.

A-ROMA 12:13

Nukalianyine ku kuhona cha asandu, nukalitumbikile ku kuzumbula ngeji.

A-ROMA 15:28

Muze kashika kunamanununa chino nikuhana kuli ayo mihuko yino, kumungukakatuka nikupalikila kuli yenu kuya ku Hesepanya.

Efesu 4:28

Yoze weyile kanda akeya nawa; alioze Shinaho akakilikite, akalinge yipema ni moko jenyi, hanga akapwe ni chize cha kulianyina ni yoze mahona.

Filipu 1:11

nukazale tò ni mihuko ya ululi, yize ya kuli Yesu Kristu, ku uhenya ni uhaliso wa Zambi.

Filipu 4:16

mumu chipwe mu Tesalonika, nwatumine kashi, kaali, nikungwaha yize nahonene.

Filipu 4:17

Kuchapwile ngwe ngunafupu chawana, alioze ngunafupu chikolo mihuko yize yakulumbama kuli yenu.

Kolosu 1:10

hanga nukende ngwe chinatela Mwene ku upemeno weswe, nukeme mihuko ha yitanga yeswe yipema, nukatatuke ni yinyingi yeswe ya Zambi:

1 Tesalonika 2:9

Mumu nunewuluka, mandumbu, kukilikita chetu ni kuhondangana chetu; nikulinga milimo ufuku ni mwalwa, hanga kutuchi kalemena kuli niumwe wa kuli yenu, twambujolele kuli yenu sango lipema lia Zambi.

2 A-TESALONIKA 3:8

chipwe kutwahle mbolo chawana kuli niumwe, alioze nikukilikita nikuhondangana, twalingile ufuku ni mwalwa, hanga kutuchi kalemena niumwe hakachi kenu.

Titu 2:8

kuhanjika chingunu, chize kuchishi kuhasa kuhia; hanga akavwise sonyi mweswe malimika, se keshi chuma chipi nichimwe cha kwamba hali yetu.

Titu 3:8

Liji lino liamwenemwene. Ha kutwala ku yino yuma ngunazange ukalishinjike, hanga waze hanafuliela kuli Zambi, akase mbunge kulalaminya ku yitanga yipema. Yino yuma yinapeme, yakufumbula atu.

2 Petulu 1:8

Mumu kachi yuma yino yili muli yenu ya kulumbama, kuyakunupwisa hanga kunuchi kulelumioka chipwe kunuchi kuseka ha kutwala ku yinyingi ya Mwene wetu Yesu Kristu.