Titu 3:1 - MUKANDA USANDU WA ZAMBI 1975

¹ Ukaewulwise kuzeyela kuli mianangana, ni akwa kuyula, akononoke, akalulike kulinga yitanga yeswe yipema.

Mukanda Wa Zambi 1970

¹ Iwulula eswe ha kwononokena mianangana ni akwa kuyula. Chaatamba kwononokena ni kululika kulinga yitanga yeswe yibema.

Titu 3:1 Iomraidhean Croise

Yishima 24:21

Mwanami, vwila woma Yehova ni mwe mwanangana; kanda uliendela ni waze akuzanga kwalumiona yuma,

Longeshi 10:4

Chipwe utenu wa mukwa kuyula muukukasumukina, kanda ukatuka ha chitwamo che; mumu ulemeso kuwakukukila milonga yinene.

Izaya 43:26

Nungwiwulule tukasope; lumbununenu chikuma chenu nukasambe.

Jeremia 27:17

Kanda nupanjika kuli ayo. Lingilenu mwanangana wa Babilonia nukatwame ni mwono. Kuchi te mapwisa chihunda chino kuchishi atu?

Mateu 22:21

Ngwo, Cha Sesare. Hohene yamba kuli ayo ngwenyi, Hanenu kevwe kuli Sesare yuma ya Sesare; ni kuli Zambi yuma ya Zambi.

1 Korintu 15:58

Kashika, mandumbu jami a zango, jikizenu, kanda nukokoloka, nukahiane matangwa eswe mu milimo ya Mwene, mumu te nunanyingika, kukilikita chenu hi chamokomoko ko muli Mwene.

Efesu 2:10

Mumu yetu tuli chitanga chenyi, atutangile muli Kristu Yesu ha yilinga yipema, yize Zambi walulikile kushi hanga tukendemo.

Shimbi 17:12

Mutu yoze malengumuka, kechi kupanjika kuli sasendote akumana kuvumbika kumeso ja Yehova Zambi yenu, hanji kuli ngaji, iye afwe. Chocho munukatwisa che chipi hakachi ka A-Izalele.

Filipu 1:11

nukazale tò ni mihuko ya ululi, yize ya kuli Yesu Kristu, ku uhenya ni uhaliso wa Zambi.

Kolosu 1:10

hanga nukende ngwe chinatela Mwene ku upemeno weswe, nukeme mihuko ha yitanga yeswe yipema, nukatatuke ni yinyingi yeswe ya Zambi:

1 Timoteu 2:2

hali mianangana ni hali waze eswe ali mu yitwamo ya ulemu; hanga tukatwame nikuhwima ni sambukila, ni uwayilo weswe, kukushi lwelia.

1 Timoteu 4:6

Kachi muwiwulula mandumbu yino yuma, kachi mukapwa kavumbi mupema wa Kristu Yesu, wa kuhoka ni, maliji a Ufulielo, ni a longeso lipema, lize hiunakaula ndo haliapwila.

1 Timoteu 5:10

kanamushindakenya ha yitanga yipema; kachi hanalele ana kachi hanazumbula ngeji, kachi hanasanyisa yiliato ya asandu, kachi hanakwasa akwa kuyindama, kachi hanakaula yitanga yeswe yipema.

2 Timoteu 1:6

Ha chikuma chino ngunakwiwulula ukawunge chawana cha Zambi, chize chili muli yena ku kusayika cha moko jami.

2 Timoteu 2:14

Ewuhvise yino yuma ni kwaaha koki kumeso ja Mwene ngwe kanda akahangujola ha maliji, chize kuchishi kufumbuka nichimwe, kuchakulimbwisa waze akwivwa.

2 Timoteu 2:21

Kashika kachi mutu malipemesa ku yino, kachi makapwa chikwachilo ku ulemu, musandu, wa kutela uvumbiko wa mwata, wa kululika ha yitanga yeswe yipema.

Titu 1:16

Kakwamba ngwo, Tunanyingika Zambi; aiioze ni yitanga kakulikata iye, akwa kuzelwokesa, yihulia; ha kutwala ku yitanga yeswe yipema yisáshili amokomoko.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Titu 3:14

Atu jetu nawa, akalilongese kulalaminya ku yitanga yipema, akahase kukwasa ni yuma yize yinatambe, hanga kechi kapwa ngwe keshi mihuko.

Titu 3:8

Liji lino liamwenemwene. Ha kutwala ku yino yuma ngunazange ukalishinjike, hanga waze hanafuliela kuli Zambi, akase mbunge kulalaminya ku yitanga yipema. Yino yuma yinapeme, yakufumbula atu.

Hebreu 13:21

akanupwise angunu ha yitanga yeswe yipema, mukulinga upale wenyi, akalinge muli yenu chize chakupemena chikolo kumeso jenyi, kuli Yesu Kristu; uhenya ukapwe kuli iye ndo ku miaka yeswe ya mutolo. Amene.

2 Petulu 1:12

Kashika mungulipupwisa matangwa eswe kunwiwulula yino yuma, chipwe nunayinyingika, nunajikiza mu umwenemwene uze uli hamwe ni yenu.

Yuda 1:5

Achi, ngunazange kunwiwulula, chipwe nunanyingika yuma yeswe kamuwika kunahu, Mwene se walamwinyine amwe atu ku Engitu, kulutwe lia chize wonwene waze kafulielele.