Titu 2:14 - MUKANDA USANDU WA ZAMBI 1975

¹⁴ yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Mukanda Wa Zambi 1970

¹⁴ Hanalihana iye mwene hali yetu, hanga akatulamwine ku yibi yeswe ni kutupwisa akwa mbunge jibema, atu ja iye mwene wika, akwa tachi ha kulinga yitanga yibema.

Titu 2:14 Iomraidhean Croise

Ubutukilo 48:16

Mwe mungelo hanangupulula ku yipi yeswe, akawahise wano akweze, Jina liami likapwe muli ayo, ni jina lia atata Apalahama ni Izake. Akoke ndo mapwa chihuji hashi.

Miaso (Masamu) 130:8

Iye kumakakula Izalele ku uhenge wenyi weswe.

Miaso (Masamu) 135:4

Mumu Yehova hanatongola Yakomba akapwe niwenyi. Hanatongola Izalele akapwe upite wa iye mwene wika.

Kutuhuka 15:16

Woma ni mwongo hiyaaholokela. Ku unene wa kwoko lie kanaholo kúlú ngwe liwe ndo te atu ja yena Yehova mazauka; ndo te e atu mazauka, waze yena unapichi.

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Ezekiel 37:23

Kechi kalichisa nawa ni mahamba jo ni yuma yo ya kuvwisa kupiha, hanji Utanguko wo weswawo, alioze mungukaalamwina ku kukokoloka cho kuze havulumuna. Mungukaapemesa, mba kumakapwa atu jami, ni yami mungukapwa Zambi yo.

Alevi 25:41

Ha mwaka uze makafuka kuli yena, ni mwene, ni ana jenyi hamwe nenyi. Kumaya kuli akwa munyachi wenyi ni ku chihinga cha atato.

Malaki 3:3

Iye makatwama ngwe mukwa kuwahisa ni kupemesa prata. Makapemesa ana ja Levi, nikwawahisa ngwe oru ni prata ndo maneha milambu yize yinalite kuli Yehova.

Kwalula 25:13

Kumuukapwa kuli iye ni kuli ana jenyi kulutwe lienyi, we usendo wa usasendote wa mutolo; mumu te iye yevwa ukwa mumu hali Zambi yenyi, yafukila A-Izalele.

Kwalula 7:15

Chimbembe wa kuji umuwika, ni kuji ya panga umuwika, ni kuji ya panga umuwika wa mwaka umuwika, akapwe mulambu wa kulumba.

Mateu 1:21

Kumakasema mwana-lunga, ukamuluke jina ngwe, Yesu; mumu iye kumakalamwina atu jenyi ku milonga yo.

Mateu 20:28

Chizechene ngwe mwe Mwana Mutu kejileko akamuvumbike, alioze mukuvumbika, nikuhana mwono wenyi ndando ya ukule hali anji.

Mateu 3:12

chifujilo chenyi mu kwoko lienyi chili, kumakapemesa liakulu chizungwilo chenyi, kumakakungila tiliku lienyi mu chila, alioze yizungu makayocha ni kahia kaze kukeshi kuhasa kujima.

Yoano 10:15

chizechene ngwe Tata kanangunyingika, ni yami ngunanyingika Tata; mungutumbika mwono wami hali mapanga.

Yoano 6:51

Ye mbolo ya mwono yami, yize yahulumukine mwilu: kachi umwe malia mbolo yino kumakapwa ni mwono ndo ku miaka ya mutolo: ewa, ni mbolo yize mungukahana te musunya wami uze mungukahana ha mwono wa akwa hashi.

Yilinga 15:14

Semone hanambulula ngwe Zambi hatangu watalile hali akwa mavungu mukuchiza mukachi ko munyachi ha jina lienyi.

Yilinga 15:9

kapwishile kulipalikila hakachi ketu ni ayo, alioze wapemesene mbunge jo ku Ufulielo.

Yilinga 20:28

Keyelenu kuli yenwene, ni ku mbunga yeswe ya mapanga, yize Spiritu Musandu hananuse tulayi, mukufunga chikungulwila cha Zambi, chize azukile ni manyinga jenyi mwene.

Yilinga 9:36

Achi, kwapwile ku Yopa umwe kambaji, jina lienyi Tavwita, Unalumbunuka Kai: yono pwo wazalile tò ni yitanga yipema ni kuhana cha yawana yize alingile.

Galashia 1:4

yoze waliechele ha milonga yetu, hanga akatupulule ku mwakono upi, nikulita ni upale wa Zambi kanda Tata yetu.

Galashia 2:20

Hananguhachila ha kulusu hamwe ni Kristu; hi yami ko nawa nguli ni mwono, alioze Kristu yoze katwama muli yami; ni mwono uze nguli nawo mu mujimba, nguli nawo mu Ufulielo uze wa kuli mwe Mwana Zambi, yoze wanguzangile, yoze waliechele hali yami.

Galashia 3:13

Kristu hanatukula ku shingo lia shimbi, se a amupwishile shingo hali yetu; mumu chinasonewa ngwo, Kashingiwa mweswe hamuzezeleka ha mutondo.

Efesu 1:11

Muli iye nawa hanatupwisa chihinga, se atufunjikile shimbu te miaka kanda yipwa, nikulita ni kupala cha yoze wakulingisa yuma yeswe nikulita ni mana ja upale wenyi;

Efesu 2:10

Mumu yetu tuli chitanga chenyi, atutangile muli Kristu Yesu ha yilinga yipema, yize Zambi walulikile kushi hanga tukendemo.

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

Shimbi 14:2

Kunwapwa atu asandu kuli Yehova Zambi yenu, Yehova yanutongola nukapwe atu a mbala a iye, a hakachi ka mavungu eswe ali hashi.

Shimbi 26:18

Yehova halishika ni yenu musono nukapwe atu a mbala a iye, ngwe anulakenyene, hanga nufunge maliji jenyi eswe a shimbi.

Shimbi 4:20

Alioze Yehova wanuchijile ku Engitu kwe ku lutengo wa utale, nukapwe atu a kuzuka iye mwene ngwe kuchapwa musono.

Shimbi 7:6

Mumu yenu kunwapwa atu asandu kuli Yehova Zambi yenu. Yehova Zambi yenu hananutongola nukapwe atu a mbala a iye mwene, nuhiane mavungu eswe ali hashi heswe.

1 Timoteu 1:15

Liji lino liatela kufuliela, linatambe kutá cheswe, ngwo, Kristu Yesu wejile hano hashi mukulamwina yivulumunyi; hakachi ko, yami nahiana.

1 Timoteu 2:10

alioze aliwahise ni yitanga yipema ngwe chinatambe mapwo akutayiza uwayilo wa Zambi.

1 Timoteu 2:6

yoze waliechele ndando ya ukule hali eswe; Shindakenyo yawo akayambujole ha mwaka uze unalite.

1 Timoteu 6:18

Akalinge yipema, akapwe ni yitanga yipema ya kulumbama, akapwe akwa kunyengumuna, akwa kulianyina,

Titu 2:7

Ha yuma yeswe nikulilweza yena mwene ngwe chilweza cha yitanga yipema; ha kulongesa che ni kulweza ungunu, kushi lwelia,

Titu 3:8

Liji lino liamwenemwene. Ha kutwala ku yino yuma ngunazange ukalishinjike, hanga waze hanafuliela kuli Zambi, akase mbunge kulalaminya ku yitanga yipema. Yino yuma yinapeme, yakufumbula atu.

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

Hebreu 10:24

Tulitalenu umwe kuli mukwo ni mukwo mukukasumuna ku zango ni yitanga yipema.

Hebreu 9:14

Shinaho chikolo manyinga a Kristu, yoze kuli Spiritu wa mutolo walilambwile keshi kapalia kuli Zambi, mapemesa mbunge jenu ku yitanga ya kufwa hanga nukavumbike Zambi ya mwono?

Tiangu (Jake) 4:8

Kundamenu kuli Zambi, iye kumakakundama kuli yenu. Pemesenu moko jenu, yenu yivulumunyi; tomesenu mbunge jenu, yenu akwa mbunge jiali.

1 Petulu 1:18

se nunanyingika hananukula, hi ni yuma ya kupola ko, ngwe prata hanji oru, ku kwenda chenu chamokomoko, chize anukunjikilecho tulamba twenu;

1 Petulu 1:22

Se hinunatomesa mbunge jenu ha kwononoka chenu ku umwenemwene, hanga nukafwile mandumbu ni kufwila chize kuchishi ulembekese, lizangenu umwe mukwo ni mukwo ku mbunge yipema ni mbunge yeswe.

1 Petulu 2:12

Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.

1 Yoano 1:9

Kachi mutushikisa milonga yetu, kachi iye wamwenemwene, iye mukwa ululi kutukonekena milonga yetu, ni kutupemesa ku uhenge weswe.

1 Yoano 3:2

Akwetu a zango, tuli ana a Zambi kulu, ni chize mutukapwa kanda chisoloka, aiioze tunanyingika muze mamusolola iye, yetu mutukalifwa nenyi, mumu mutukamumona ngwe chize apwa.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;

Usolwelo 5:9

O yemba mwaso waha, ngwo, Yena kuwatela kwanda mukanda, ni kupakula yijikilo yawo: mumu akushihile, walanjile kuli Zambi ni manyinga je, amwe a ku mavungu eswe, ni ku malimi eswe, ni kuli atu eswe, ni ku minyachi yeswe,