Titu 2:12 - MUKANDA USANDU WA ZAMBI 1975

¹² nikutufumba, ngwo, Chatutamba kwenda ni mana ni ululi ni uwayilo, ni kulikala utanganyanyi ni usolo wa hano hashi, ha mwakono haliapwila;

Mukanda Wa Zambi 1970

¹² Utu uze unatulongesa ha kwehuka yitanga yibi ni usolo ubi wa uutu, tuliyule, tubwe akwa ululi, ni akwa kulinanga hano hashi.

Titu 2:12 Iomraidhean Croise

Miaso (Masamu) 105:45

hanga akafunge yiyulo yenyi nikumanununa shimbi jenyi. Halisenu Yehova!

Miaso (Masamu) 4:3

Alioze nyingikenu ngwo, Yehova kakulisela mukwa uwayilo hali iye mwene. Yehova kumevwa muze mungutambika kuli iye.

Ezekiel 36:27

Mba mungukasa Spiritu yami muli yenu; mungukanwendesa nikulita ni yiyulo yami, munukatala kanawa kufunga shimbi jami.

Mateu 12:32

Mweswawo mahanjika liji lia kulimika ni mwe Mwana Mutu, kumakamukonekenalio; alioze mweswawo mahanjika cha kulimika ni Spiritu Musandu, kechi kamukonekenacho, chipwe ha mwaka uno, chipwe ha uze muwizaho.

Mateu 16:24

Hohene Yesu wambile kuli tumbaji twenyi ngwenyi, Kachi umwe mazanga kwiza kunyima yami, akalikale iye mwene, akazundule kulusu yenyi, angukaule.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Luka 1:6

O, eswe aali, apwile akwa ululi kumeso ja Zambi, kanende mu maliji eswe a shimbi ni upatwilo wa ululi wa Mwene, keshi kapalia.

Luka 1:75

Mu usandu ni ululi kumeso jenyi matangwa eswe a mwono wetu.

Yoano 14:30

Chichi kuhanjika chinji nawa ni yenu, mumu mwata wa hano hashi meza: keshi nichimwe muli yami;

Yoano 6:25

Muze te hamuwana mu sali lia Chitende, ambile kuli iye ngwo, Longeshi, mwiji muka wahetanga kuno?

Yilinga 24:16

Ha chikuma chino yami nawa nakulifumba, hanga ngukapwe ni mbunge yize kuyishi chitalingiso kumeso ja Zambi ni atu.

Yilinga 24:25

Shimbu ahanjikile kuli ayo ha kutwala ku ululi, ni kusúla, ni upatwilo uze muwizaho, Fwelishia wazalile tò ni woma, wakumbulwile ngwenyi, Yénu haliapwila; ni muze munguwana mwaka upema, mungukakutambika.

A-ROMA 12:2

Kanda nulitesa ni mwakono, alioze alumukenu ku kupwisa chaha cha kunyonga chenu, hanga nukase chinyingi chize wapwa upale upema ni ungunu wa Zambi ni uze wamupemena.

A-ROMA 6:12

Kanda nutayiza shili kuyula mu mijimba yenu ya kufwa, nukononoke ku usolo wayo:

A-ROMA 6:19

Ngunahanjika ngwe mutu, mumu ha ulelu wa musunya wenu: mumu chizechene ngwe nwatumbikilile yihanda yenu ngwe ndungo ja luchisa ni ku ungulungulu ha ungulungulu; chizechene haliapwila tumbikilenu yihanda yenu ngwe ndungo ja ululi ndo ku usandu.

A-ROMA 8:13

mumu kachi munukenda nikulita ni musunya, kachi munukafwa; alioze kachi ku Spiritu munushiha tachi ja yilinga ya mujimba, kachi munukapwa ni mwono.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

2 Korintu 7:1

Kashika se yilakenyo yino tuli nayo, akwetu a zango, tulipemesenu ku luchisa mweswe wa musunya ni Spiritu, tukamanunune usandu mu woma wa Zambi.

Galashia 1:4

yoze waliechele ha milonga yetu, hanga akatupulule ku mwakono upi, nikulita ni upale wa Zambi kanda Tata yetu.

Galashia 5:24

Alioze atu a Kristu, hanahachila ha kulusu musunya ni kusasaminya chawo ni usolo wawo.

Efesu 1:4

nikulita ngwe atutongwele muli iye, shimbu te kanda asela fundamentu ya hashi, hanga tukapwe asandu, kutushi kapalia kumeso jenyi.

Efesu 2:2

mu yenayo ha miaka ya kunyima nwendele nikulita ni ndako ya hano hashi, nikulita ni mwata wa chiyulo cha mu tetela, Spiritu yoze haliapwila wakulinga muli akwa uhulia.

Kolosu 1:22

hindu haliapwila hananuwanyisa mu mujimba wa musunya ku kufwa, mukunutumbikila ku usandu, kunushi kapalia, akwa kusamba kumeso jenyi.

1 Tesalonika 4:7

Mumu Zambi hanatutambika hi mukulinga luchisa ko, alioze ku usandu.

1 Tesalonika 4:9

Alioze ha kutwala ku kufwila cha mandumbu, kuchatambile kusoneka kuli yenu: mumu yenwene nunalongoloka kuli Zambi kulizanga umwe ni mukwo;

1 Timoteu 4:12

Niumwe kanda alelesa ukweze we; alioze pwako chilweza kuli akwa kufuliela, ha liji, ha yilinga, ha zango, ha Ufulielo, ha kulinanga.

1 Timoteu 6:17

Kanjisa waze apwa pichi ha mwakono, kanda alengumuka, chipwe kanda atalatala ha upite wa ujilijili, alioze hali Zambi ya mwono, yoze wakutwaha yuma yeswe ya kulumbama, hanga tukawahe nayo.

1 Timoteu 6:9

Alioze waze mazanga kupwa pichi, malimbuka mu cheseko, ni mu muheto, ni mu usolo wunji wa kuhulama ni wa kulemeka, uze kuwakushimbamisa atu mu kwenyeka ni mu kwonwona.

2 Timoteu 3:12

Ewa, ni waze eswe mazanga kwenda ni uwayilo muli Kristu Yesu kumakamona yihungumiona.

2 Timoteu 4:10

mumu Ndima hanangwehuka, mumu kanafwila yuma ya mwakono, hanayi ku Tesalonika; Cresene hanayi ku Ngalashia, Titu hanayi ku Ndalamashia.

Titu 3:3

Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.

Hebreu 8:11

O kechi kalongesa mweswe mwenyembo wenyi, ni mweswe mwanakwo ngwenyi, Nyingika Mwene: mumu eswe kumakangunyingika, chize kuli mukepe ndo kuli munene wa kuli ayo.

Tiangu (Jake) 1:27

Uwayilo upema kuushi luchisa kumeso ja Zambi kanda ja mwe Tata, uno, Kunangisa ana-ashiwa ni twamishi ja mapwo mu luyinda wo, ni kulitunga mwene keshi chipeka ku yuma ya hano hashi.

2 Petulu 2:9

Mwene kananyingika kupulula akwa kuwayila ku cheseko, ni kufunga yihenge kushi lia lamba ndo ku tangwa lia upatwilo;

2 Petulu 3:11

Se yino yuma yeswe chocho muyikajindwoka, kuchi Chanutamba kupwa ni kwenda chisandu ni uwayilo?

1 Yoano 2:27

Ha kutwala kuli yenu, kuwayisa chize hinunatambula kuli iye kuchakutwama muli yenu, mba kunushi kufupa umwe anulongese; aiioze ngwe kuwayisa chenyi kuchakunulongesa ha kutwala ku yuma yeswe, chinapu chamwenemwene, hi mahuza ko, chizechene ngwe hichinanulongesa, nwakutwama muliiye.

1 Yoano 2:6

yoze mamba ngwenyi, Ngunatwama muli iye, chamutamba nawa kwenda chizechene ngwe endele iye.

1 Yoano 5:19

Tunanyingika yetu tuli a kuli Zambi, ni hashi heswe lukombo kuhakupomba mu chiyulo cha mwe chingulungulu.

Yuda 1:18

ngwe ambile kuli yenu ngwo, Ha mwaka wa kusula kumukukapwa akwa kukekuna, waze akwenda nikulita ni usolo wo ene wa utanganyanyi.

Usolwelo 14:12

Muno muchili kunyongonona cha asandu, waze akufunga maliji a shimbi a Zambi ni Ufulielo wa Yesu.