Titu 2:11 - MUKANDA USANDU WA ZAMBI 1975

¹¹ Mumu vumbi lia Zambi hilinasoloka, Unaneha ulamwino kuli atu eswe,

Mukanda Wa Zambi 1970

¹¹ Mumu Zambi hanasolola utu wenyi ha kulamwina atu eswe.

Titu 2:11 Iomraidhean Croise

Miaso (Masamu) 67:2

Hanga akanyingike jita ye hano hashi, ni ulamwino we hakachi ka mavungu eswe.

Miaso (Masamu) 84:11

Mumu Yehova Zambi iye tangwa; iye lukepwe. Yehova mahana vumbi ni ulemu. Nichimwe chuma chipema mamina waze akwenda ni ululi.

Miaso (Masamu) 96:10

Ambenu hakachi ka mavungu ngwenu, Yehova kanayulu! Hashi kuhanakolo kuhechi kuhasa kunyika. Iye kumakayula atu nikulita.

Izaya 45:22

Tewulukilenu kuli yami akanulamwine, enu eswe mu masongo a hashi! Mumu yami nguli Zambi, kukushi mukwo.

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Izaya 52:10

Yehova hanasolola kwoko lienyi lisandu kumeso ja mavungu eswe, mba akwa masongo eswe a hashi kumakamona ulamwino wa Zambi yetu.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Zakaria 4:7

Ena mulundu unene, kuchi wapwa? Kumeso ja Zorobabele kumuupwa chana, mba kumakakundamisa luliwe lwa helu hakachi ka maliji a kukololoka ngwo, Vumbi, lukapwe ni vumbi!

Mateu 28:19

Yénu kashika, nukatayise tumbaji a ku mavungu eswe, nikwapapachisa mu jina lia Tata, ni lia Mwana, ni lia Spiritu Musandu:

Marku 16:15

Iye wambile kuli ayo ngwenyi, Yénu hashi heswe, nukambujole sango lipema kuli atu eswe.

Luka 24:47

akambujole mu jina lienyi kulikonyeka ni ukonekeno wa milonga ku mavungu eswe, nikuputuka ku Yerusaleme.

Luka 3:6

Atu eswe kumakamona ulamwino wa Zambi.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 1:9

Pangu liamwenemwene liapwile lize, ha kwiza hano hashi, mulipangulwisa atu eswe.

Yilinga 11:23

Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

Yilinga 13:43

Muze te akwa sunangonga halimwanga, A-Yunda anji ni akwa kutayiza akuwayila akawile Paulu ni Mbarnavwe, o nikuhanjika kuli ayo, aakunwine kunyongonona mu vumbi lia Zambi.

Yilinga 13:47

Mumu chocho Mwene watuhele shimbi ngwenyi, Hingunakusela pangu lia akwa mavungu, hanga ukapwe ulamwino ndo ku kusula songo lia hashi.

Yilinga 17:30

Miaka ya kwalajala kashika Zambi walihumikijine nayo; alioze haliapwila kakwamba atu eswe kweswe alikonyeke.

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

A-ROMA 10:18

Alioze ngunambe ngwami, Kevwileko, nyi? Chamwenemwene ngwo, Liji liayo liatuhukile hashi heswe, ni maliji jo ndo ku masongo ja yifuchi yeswe ya hashi.

A-ROMA 5:15

Alioze chawana cha vumbi kuchapwile ngwe we mulonga. Mumu kachi ku mulonga wa umuwika anji afwile, Shinaho chikolo, vumbi lia Zambi, ni chawana ku vumbi, lia mutu umuwika, Yesu Kristu, lialumbamine kuli anji.

A-ROMA 5:2

kuli iye nawa unjililo tuli nawo ku vumbi lino muze twakumana mumu ha Ufulielo; twakulisamba ha kutalatala uhenya wa Zambi.

2 Korintu 6:1

Ni yetu nawa, ngwe ngamba-ni-akwenu, tunaliumbu kuli yenu ngwetu, Kanda nutambula vumbi lia Zambi mokomoko.

Galashia 2:21

Chishi kupwisa vumbi lia Zambi liamokomoko: mumu kachi ululi muupwa mumu ha shimbi, kachi kufwa cha Kristu chamokomoko.

Efesu 2:5

chipwe muze twapwile afu mu milonga yetu, hanatupwisa ni mwono hamwe ni Kristu (ku vumbi hananulamwina).

Efesu 2:8

Mumu ku vumbi hananulamwina, ku Ufulielo; ni chino hi cha kuli yenwene ko; chawana cha Zambi;

Kolosu 1:23

Kachi mununyongonona mu Ufulielo, akwa kujikiza, akwa kukola; kachi kunushi kututuluka ku kutalatala cha sango lipema, lize nwevwile, lize ambujolele kuli atu eswe mushi lia lilu; ha liyo yami Paulu kunapwa kavumbi.

Kolosu 1:6

Lienalio hilineza kuli yenu, chizechene ngwe hilineza hano hashi heswe mukwima mihuko, nikutatuka chizechene ngwe muli yenu nawa, chize ku tangwa lize nwaliangile kwivwa ni kunyingika liakulu vumbi lia Zambi;

2 A-TESALONIKA 2:16

Alioze Mwene wetu Yesu Kristu iye mwene, ni Zambi Tata yetu, yoze hanatuzange, yoze hanatwehe kulembejeka cha mutolo, ni kutalatala chipema ku vumbi,

1 Timoteu 1:14

Ni vumbi lia Mwene wetu lialumbamine kuhiana chikolo, hamwe ni Ufulielo, ni zango, lize lili muli Kristu Yesu.

1 Timoteu 2:4

yoze unazange atu eswe kulilamwina, akahete ku chinyingi cha umwenemwene.

2 Timoteu 1:10

Alioze haliapwila hanalisolola ku usolokelo wa Chilamwina chetu Yesu Kristu, yoze hanamanununa kufwa, hananeha ku pangu mwono kupola chakuhi mu sango lipema.

2 Timoteu 4:17

Alioze Mwene wamanyine hamwe ni yami, iye wanguhele tachi; hanga ku kanwa liami akambujole liakulu sango lipema; hanga akwa mavungu eswe akevwe; angupulwile ku kanwa lia ndumba.

Hebreu 12:15

Talenu kanawa kuchina mapwa umwe wakuhona vumbi lia Zambi, kuchina muji umwe wa usasu muze wasoka, muunupinjisa, ni anji malichisa nawo;

Hebreu 2:9

Alioze tunamono Yesu, yoze amupwishile ha shimbu likepe kushi lia angelo, mumu ha lamba lia kufwa, hanamuse chipangula cha uhenya ni ulemu, hanga ku vumbi lia Zambi akamone kufwa hali atu eswe.