Titu 1:9 - MUKANDA USANDU WA ZAMBI 1975

⁹ mukwa kukakaminya ku liji liamwenemwene, lize liakulita ni longeso, hanga akahase kushinjila mu longeso lingunu ni kukumika akwa kuhamika nawa.

Mukanda Wa Zambi 1970

⁹ Chamutamba kukakaminya ku liji liamwenemwene lize liakulita ni longeso libema. Ngwe chino makahasa kutakamisa akwo ni longeso liamwenemwene, ni kukumika akwa kuhamika.

Titu 1:9 Iomraidhean Croise

Jobe 2:3

Yehova yamba kuli Satana ngwenyi, Hiwazewula kavumbi kami Jo? Kuheshi niumwe hashi wa kulifwa nenyi; mumu iye keshi kapalia; mukwa ululi; mukwa kuvwila woma Zambi; keshi kutala ku chuma chipi. Hindu kanakakaminya ungunu wenyi chipwe wangusongojola kunwenyeka chikuma chakuhi.

Jobe 27:6

Mungulalaminya ululi wami, chichi kuwecha. Mbunge yami kuyanguhishile ha yitanga yami niyimwe.

Yishima 23:23

Landa umwenemwene, kanda uulanjisa; chipwe mana, ni lufumbo, ni malinjekela.

Yilinga 18:28

Mumu wakumikine chikolo A-Yunda, ni chize kumeso ja atu eswe, nikulweza ku Yisoneko Yesu iye mwe Kristu.

1 Korintu 14:24

Alioze kachi eswe maprofeteza, nyi manjila yoze keshi kufuliela, hanji yoze kanyingikine, mamukumisa kuli eswe, mamupatwila kuli eswe.

1 Tesalonika 5:21

alioze esekenu yuma yeswe; kakaminyenu ku yize yinapeme.

2 A-TESALONIKA 2:15

Chocho mandumbu, manenu ngú, kakaminyenu ku ndongo jize anulongesele, chipwe ku liji, chipwe ku mukanda wetu.

1 Timoteu 1:10

ni yitanji, ni akwa utumwa, ni yikwachi, ni akwa mahuza, ni akwa kulishinga ni mahuza, nyi kachi muchipwa chuma chimwe chikwo cha kulimika ni longeso lingunu;

1 Timoteu 1:15

Liji lino liatela kufuliela, linatambe kutá cheswe, ngwo, Kristu Yesu wejile hano hashi mukulamwina yivulumunyi; hakachi ko, yami nahiana.

1 Timoteu 1:19

Ukakakaminye ku Ufulielo ni mbunge yipema; amwe se hanalichinjiyo, asakaminyine mu jila ha kutwala ku Ufulielo.

1 Timoteu 4:9

Liji lino liamwenemwene, linatambe kutá cheswe.

1 Timoteu 6:3

Kachi umwe malongesa longeso lieka, keshi kutayiza ku maliji angunu, aze a Mwene wetu Yesu Kristu, ni ku longeso lize liakulita ni uwayilo;

2 Timoteu 1:13

Lalaminya ku cheseko cha maliji angunu aze hiunevu kuli yami, ni Ufulielo ni zango, yize yili muli Kristu Yesu.

2 Timoteu 2:2

Ni yuma yize hiunevu kuli yami kumeso ja yela anji, yino kulijika kuli malunga amwenemwene, waze makahasa kufumba akwo nawa.

2 Timoteu 2:25

ni Spiritu ya kushimbika, afumbe waze akulimika; kachi hanji Zambi makaaha kulikonyeka, akahete ku yinyingi ya umwenemwene.

2 Timoteu 3:14

Alioze yena, nyongonona mu yuma yize hiunalilongesa, ni yize hiunayisela chinyingi, se unanyingika yoze wakulongeseleyo;

2 Timoteu 4:3

Mumu mwaka muukapwa muze kechi kulihumikiza ni longeso lingunu; alioze mapwa ni matwi a kuzwa, makalilunjikila alongeshi nikulita ni usolo wo ene.

Titu 1:11

Chatamba kupakika makanwa jo; se kakulimbwisa mazuwo a muwundu, nikulongesa ha upite wa sonyi yuma yize kuchaatambile kulongesa.

Titu 2:1

Alioze yena, hanjika yuma yize yinatela longeso lingunu.

Yuda 1:3

Akwetu a zango, shimbu nalipupwishile kusoneka kuli yenu ha kutwala ku ulamwino wa eswe aali, niwenu kanda niwetu, te changutamba kusoneka kuli yenu, ni kunushinjila kulitachika chikolo ha ufulielo uze aukunjikile kuli asandu kamuwika kunahu.

Usolwelo 2:25

Hindu chize uli nacho chilalaminyenu ndo mungwiza.

Usolwelo 3:11

Nguneza nikawashi: lalaminya ku chize uli nacho, hanga niumwe kechi katambula chipangula che.

Usolwelo 3:3

Iwuluka kashika ngwe watambwile, ni chize wevwile; uchifunge, Ulikonyeke. Kashika nyi kuchi kulá, mungukeza ngwe mwiji, kuchi kunyingika ha ola yize mungwiza hali yena.