Titu 1:8 - MUKANDA USANDU WA ZAMBI 1975

⁸ aiioze mukwa kuzumbula ngeji, mukwa kufwila yipema, mukwa mana, mukwa ululi, musandu, mukwa kusúla;

Mukanda Wa Zambi 1970

⁸ alioze mukwa kuzumbula ngeji, mukwa kufwila yibema, mukwa kuliyula, mukwa ululi, mukwa kulinanga, mukwa kusuula.

Titu 1:8 Iomraidhean Croise

1 Yitanga Ya Mianangana 5:1

Hirame mwanangana wa Teru yatuma tunganda twenyi kuli Solomone; se hevwa chize hanamuwayisa ni maji akapwe mwanangana kusalakana tato. Mumu Hirame te sepa lia David matangwa eswe.

1 Yitanga Ya Mianangana 5:7

Ha kwivwa maliji a Solomone Hirame yawahilila chikolo ngwenyi, Yehova afumane musono mumu kuli David hahana mwana wa mana kuyula vungu lino linene.

Miaso (Masamu) 16:3

Kuli asandu a hano hashi, waze ahiana kupema, muli ayo hiwamba ngwe, Ngunawahilila kanawa.

Amose 5:15

Vwilenu lwaji yuma yipi; zangenu yuma yipema kolesenu upatwilo wa ululi mu chota. Hanji Yehova Zambi-ya-Tujita mavwila vumbi masalila ja José.

Luka 2:25

Kumanyi, mwapwile umwe lunga mu Yerusaleme, jina lienyi Semone; yono lunga wapwile mukwa ululi, mukwa kuwayila Zambi, kanatatatata kulembejeka cha Izalele: ni Spiritu Musandu wapwile hali iye.

Yilinga 24:25

Shimbu ahanjikile kuli ayo ha kutwala ku ululi, ni kusúla, ni upatwilo uze muwizaho, Fwelishia wazalile tò ni woma, wakumbulwile ngwenyi, Yénu haliapwila; ni muze munguwana mwaka upema, mungukakutambika.

1 Tesalonika 2:10

Yenu nuli yela, ni Zambi nawa, ngwe chize twendele hakachi kenu akwa kufuliela, ni kulinanga ni ululi, chitela te kuchishiko.

1 Timoteu 3:2

Chatamba kashika kalayi akapwe keshi kapalia, lunga wa pwo umuwika, mukwa kukeyela, mukwa mana, mukwa kulita ha yilinga yenyi, mukwa kuzumbula ngeji, mukwa kujama ha kulongesa;

1 Timoteu 4:12

Niumwe kanda alelesa ukweze we; alioze pwako chilweza kuli akwa kufuliela, ha liji, ha yilinga, ha zango, ha Ufulielo, ha kulinanga.

1 Timoteu 6:11

Alioze yena, mutu wa Zambi, China yino yuma; ukakaule ululi, ni uwayilo, ni Ufulielo, ni zango, ni utunu, ni kushimbika.

2 Timoteu 2:22

Alioze China usolo wa ukweze, ukakaule ululi, ni Ufulielo, ni zango, ni sambukila, hamwe ni waze akutambika hali Mwene ni mbunge yipema.

2 Timoteu 3:3

keshi zango lia atu, keshi kuhutuka, yilamikiji, keshi kusúla, asasu, keshi kufwila yipema,

Titu 2:7

Ha yuma yeswe nikulilweza yena mwene ngwe chilweza cha yitanga yipema; ha kulongesa che ni kulweza ungunu, kushi lwelia,

1 Yoano 3:14

Tunanyingika hitunakatuka ku kufwa ndo ku mwono, mumu twakuzanga mandumbu. Yoze keshi kuzanga, kanatwama mu kufwa.

1 Yoano 5:1

Mweswawo mafuliela ngwenyi, Yesu iye mwe Kristu, kanasemuka kuli Zambi; ni mweswe mazanga yoze wasemene, mazanga nawa yoze wasemuka kuli iye.

1 Samuel 18:1

Muze iye hamana kuhanjika ni Saulu, mbunge ya Jonatas yiyilinunga ni mbunge ya David. Jonatas yamuzanga ngwe mbunge yenyi mwene.