Titu 1:7 - MUKANDA USANDU WA ZAMBI 1975

⁷ Mumu chatamba kalayi, se iye kaselo ka Zambi, akapwe keshi kapalia; hi mukwa pami ko, hi chitenu ko, hi mukwa kuzwela ko ku vinyu, hi mukwa kumbufula ko, yoze keshi chipululu cha upite wa sonyi;

Mukanda Wa Zambi 1970

⁷ Kuchamutambile kubwa ni kapalia mumu kali mukwa lutwe wa milimo ya Zambi. Hi mukwa kulisuta ko, hi chitenu ko, hi mukwa kuzengewa ko, hi mukwa kulambana ko, hi mukwa lwahu wa mbongo ko,

Titu 1:7 Iomraidhean Croise

Ubutukilo 49:6

Mbunge yami kanda ukanjila mu punga yo; uhenya wami kanda ulifutula no muze makunguluka. Mumu mu utenu wo ashihile atu. Mu pami jo apatwile tujilolo twa ngombe.

Yishima 14:17

Mukwa kutenuka washi malinga ya uhepuke; mukwa kutaka yipi keshi kumuzanga.

Yishima 15:18

Chifwatulo kakusangumuna kuhamika, alioze yoze keshi kutenuka fuji kakuholesa vunda.

Yishima 16:32

Yoze keshi kutenuka kawashi wahiana akwa ndundo; yoze mayula Spiritu yenyi Wahiana yoze mapupa limbo.

Longeshi 7:9

Kanda ulipupula mu mbunge kutenuka; mumu utenu kuwatwama mu mbunge ja yihepuke.

Izaya 28:7

Wano nawa kakuzeketa mumu ha vinyu, kakupiepieta mumu ha kunwa chisasu; ni asasendote ni aprofeta kakuzeketa ni kunwa chisasu, kakutatajala mumu ha vinyu, kakupiepieta ni kunwa chisasu. Kamwene kanawa yuma ya kulutwe; kanatalinga ha kupatula.

Ezekiel 44:21

Niumwe sasendote manwa vinyu ha kunjila mu yize ya muchima.

Alevi 10:9

Kanda ukanwa vinyu hanji kunwa chisasu, chipwe yena, chipwe ane a malunga hamwe ni yena, muze mununjila mu mbalaka ya chikungulwila, kuchina munufwa. Chino chikapwe chiyulo cha mutolo kuli yenu ndusu yisemuko yenu yeswe.

Mateu 24:45

Iya kevwe ndungo wamwenemwene, wa kukanyama, yoze mwene wenyi hamwaha chiyulo cha akwa zuwo lienyi, mukuhana kuli ayo kulia ha mwaka wacho?

Luka 12:42

Mwene ngwenyi, Iya kevwe kaselo wamwenemwene, wa kukanyama, yoze mwene wenyi masa helu lia akwa zuwo lienyi, mukuhana njongo yo ya kulia ha mwaka wayo?

Efesu 5:18

Kanda nuzengewa ni vinyu, mu yenayo muchili chimbangwinya, alioze zalenu ni Spiritu.

Filipu 1:1

Yetu, Paulu ni Timoteu, ndungo ja Kristu Yesu. Kuli asandu muli Kristu Yesu, waze atwama mu Fwilipu, hamwe ni tulayi ni tuvumbi:

Titu 1:5

Ha chikuma chino nakuhichikile mu Kreta, hanga ukalulike yize yuma yahonene, hanga Ukasele makulwana mu membo eswe, chizechene ngwe nakwambile;

Titu 2:3

Makulwana ja mapwo chizechene akalinge ngwe chatamba asandu, hi yilamikiji ko, hi akwa kunwa vinyu vinji ko, akapwe alongeshi ja yuma yipema;

1 Petulu 4:10

Mweswe nikulita ngwe hanatambula chawana cha vumbi, alinge nacho umwe kuli mukwo ni mukwo, ngwe tuselo apema a vumbi lieka ni lieka lia Zambi.

1 Petulu 5:2

ngwami, Fungenu mbunga ya mapanga a Zambi, yize yili hakachi kenu, pwenu tulayi, hi ha kuzangisa ko aiioze mumu nunazange: chipwe hi mukufumbuka ko ku upite wa sonyi, aiioze mumu ha zango.

2 Petulu 2:10

aiioze kuhiana chikolo waze akwenda nikulita ni musunya ni usolo wa luchisa, akulelesa ulemu. Akwa kuhunuka, akwa pami, keshi woma wa kutuka alemu.