Titu 1:6 - MUKANDA USANDU WA ZAMBI 1975

⁶ kachi umwe masamba ku kusuma cheswe, lunga wa pwo umuwika, kali ni ana a kufuliela, waze keshi kusumiwa ha kuhungumuka ni yipi, hanji kukolema.

Mukanda Wa Zambi 1970

⁶ mukulwana kuchamutambile kubwa ni kapalia. Chamutamba kubwa lunga wa pwo umuwika. Ana jenyi chaatamba kubwa akwa kufuliela, hi akwa lufuma mubi ko, hi akwa kukolema ko.

Titu 1:6 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Yishima 28:7

Mukwa kufunga shimbi kapwa mwana wa mana; alioze sepa lia yipulutu kakukolesa sonyi tato.

Ezekiel 44:22

Kechi kambata tuliwa, chipwe pwo wa kulakula, alioze ndo pwo wa chisemuko cha munyachi wa Izalele yoze kanda achilimona ni lunga, hanji tuliwa wa umwe sasendote.

Alevi 21:14

Kanda ambata yoze wafwisa lunga, hanji wa kulakula, hanji yoze hamulumbula, hanji chikoi. Akambate pwo wa kuli atu jenyi mwene yoze kanda alimona ni lunga,

Alevi 21:7

Kanda ambata chikoi hanji pwo yoze hamulumbula. Kanda ambata pwo wa kulakula, mumu sasendote iye musandu kuli Zambi yenyi.

Malaki 2:15

Zambi te katulingilile spiritu ya mwono nikuyiholesa? Mba yika anazange? Ana ja uwayilo kevwe. Kashika keyelenu, niumwe kandapwa ni mafwefwe kuli pwo lia ukweze wenyi.

Luka 1:5

Kwapwile ha matangwa a Heronde, mwanangana wa Yundeya, umwe sasendote, jina lienyi Zakaria, wa ku ngango ya Abija: neye wapwile ni mukwo-pwo wa kuli ana a Arone, jina lienyi Izabele.

Efesu 5:18

Kanda nuzengewa ni vinyu, mu yenayo muchili chimbangwinya, alioze zalenu ni Spiritu.

1 Tesalonika 5:14

Alioze tunaliumbu kuli yenu, mandumbu, nukakanyamise yilumbuke, sangulwisenu akwa ulenda ku mbunge, kolesenu akwa kulela, lihumikizenu ni eswe.

1 Timoteu 1:9

Nikunyingika chino, shimbi kayikolesele hali mukwa ululi, alioze ayikolesele hali yihulia ni akwa kulolema, ni yitanganyanyi ni yivulumunyi, ni akwa luchisa ni yijiluke, ni akwa kulamba atato, ni akwa kulamba anaye, ni yingalwe,

1 Timoteu 3:12

Kavumbi akapwe lunga lia pwo umuwika, kanayulu ana jo, ni mazuwo jo kanawa.

Titu 1:10

Mumu kwali akwa kukolema anji, akwa kumbambula, ni akwa kwonga, ahiana hakachi ka akwa ungalami.

1 Samuel 2:11

Elekana wayile ku zuwo lienyi ku Rama, alioze mwe mwana wavumbikile Yehova kumeso ja sasendote Eli.

1 Samuel 2:22

Eli wapwile mukulwana chikolo. Iye wevwile yuma yeswe ana jenyi alingile kuli A-Izalele eswe; chize apombele ni mapwo aze avumbikile ku chikolo cha mbalaka ya chikungulwila.