Titu 1:3 - MUKANDA USANDU WA ZAMBI 1975

³ aiioze ha miaka yalio, wasolwele liji lienyi mu sango lize angukunjikile, nikulita ni liji lia chiyulo cha Zambi Chilamwina chetu,

Titu 1:3 Iomraidhean Croise

Izaya 12:2

Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

Izaya 45:15

Pundu, yena Zambi ya Izalele, mwe Chilamwina, uli umwe Zambi wakuswama.

Izaya 45:21

Ambululenu chikuma chenu nukachilumbunune. Atwame punga. Yoze walwezele chuma chino kulu, iya? Yoze wachambulwilile ku miaka ya kushi, iya? Hi yami ko, Yehova? Kukushi nawa zambi mukwo shina yami mwene, Zambi ya ululi, Chilamwina; kukushi mukwo shina yami mwene.

Daniel 11:27

Ha kutwala kuli mianangana wano aali, mbunge jo mujikapwa ja kulinga chipi. Makahanjika mahuza ku mesa yimuwika; hindu kuchichi kakola, mumu songo liacho mulipwa ha mwaka wa kufunjika.

Daniel 8:23

Ku songo lia chiyulo cho, muze yivulumunyi hazalisa njongo yo, mukusoloka umwe mwanangana wa meso a tachi, mukwa kunyingika yijimbikilo.

Daniel 9:24

Hali atu je ni chihunda che chisandu hanasela shimbi ya makumi shimbiali a semana kumanununa Utanguko, ni kusulisa shili, ni kukukila uhenge, ni kuhetesa ululi wa mutolo, ni kujika ni Chijikilo usolwelo ni uprofeto, ni kuzujila maji muma musandu mwahiana.

Habakuke 2:3

Mumu usolwelo unachitwaminyina mwaka wawo. Kuunatambuka ku songo liawo—kuushi mahuza. Chipwe mumona ngwe unashimbula shimbu hindu twaminyina. Muwiza kupwa; kuuchi kahona.

Marku 1:15

Ngwenyi, Mwaka unamanunuka, ni wanangana wa Zambi hiunakundama: likonyekenu, nufuliele lie sango lipema.

Marku 13:10

Lie sango lipema chatamba kuliambujola hatangu ku mavungu eswe.

Marku 16:15

Iye wambile kuli ayo ngwenyi, Yénu hashi heswe, nukambujole sango lipema kuli atu eswe.

Luka 1:47

Spiritu yami hiyinalikwiza muli Zambi Chilamwina chami.

Yilinga 10:36

Liji lize watumine kuli ana a Izalele, nikwambujola sambukila muli Yesu Kristu; (iye Mwene wa eswe),

Yilinga 17:26

iye watangile ku manyinga amuwika mavungu eswe a atu mukutwama ha kuzazuluka cheswe cha hashi, se afunjikile miaka yo yize waselele kushi, ni manjiza ja yihela yo:

A-ROMA 15:19

ni tachi ja yilayi ni yipekesa, ni tachi ja Spiritu Musandu; chocho chize ku Yerusaleme, nikujinga ndo ku Iliriku, hingunamanununa kwambujola sango lipema lia Kristu:

A-ROMA 16:25

Haliapwila kuli yoze wahasa kunutakamisa, nikulita ni sango lipema lia yami ni kwambujola cha Yesu Kristu, nikulita ni usolwelo wa chijimbikilo, chize aswekele chize ku miakulwila,

A-ROMA 16:26

alioze haliapwila hanachisolola, ni ku yisoneko ya aprofeta, nikulita ni chiyulo cha Zambi wa mutolo, hananyingikisa akwa mavungu eswe hanga akononoke ku Ufulielo:

A-ROMA 5:6

Mumu shimbu te kutushi tachi, ha mwaka wa kulita Kristu wafwilile yitanganyanyi.

1 Korintu 9:17

Mumu kachi mungulinga chino ku upale wa yami mwene, kachi mungupwa ni fweto: alioze kachi hi ku upale wa yami mwene ko, kanangukunjika uselo.

Galashia 4:4

Alioze muze miaka yacha Zambi watumine Mwanenyi wa kusemuka kuli pwo, wa kusemuka kushi lia shimbi

Efesu 1:10

ndo ku kuyula cha kumanunuka cha miaka, hanga akaswise yuma yeswe muli Kristu, yuma yize yili mu malilu, ni yuma yize yili hano hashi, muli iye ngwami.

Efesu 2:17

Iye wejile nikwambujola sango lipema lia sambukila kuli yenu nwapwile kusuku, ni sambukila kuli waze apwile hehi;

Filipu 1:13

Chocho makana jami asotokele muli Kristu hakachi ka maswalale a Sesare, ni kuli akwo eswe.

Kolosu 1:23

Kachi mununyongonona mu Ufulielo, akwa kujikiza, akwa kukola; kachi kunushi kututuluka ku kutalatala cha sango lipema, lize nwevwile, lize ambujolele kuli atu eswe mushi lia lilu; ha liyo yami Paulu kunapwa kavumbi.

Kolosu 1:6

Lienalio hilineza kuli yenu, chizechene ngwe hilineza hano hashi heswe mukwima mihuko, nikutatuka chizechene ngwe muli yenu nawa, chize ku tangwa lize nwaliangile kwivwa ni kunyingika liakulu vumbi lia Zambi;

1 Tesalonika 2:4

Alioze chizechene ngwe hanatusela Shindakenyo yipema kuli Zambi, akatukunjike sango lipema, chocho twakuhanjika; hi ngwe mutupemena kuli atu ko, alioze tukapemene kuli Zambi, yoze wakweseka mbunge jetu.

1 Timoteu 1:1

Yami Paulu, postolo wa Yesu Kristu, nikulita ni chiyulo cha Zambi Chilamwina chetu, ni cha Kristu Yesu, iye kutalatala chetu;

1 Timoteu 1:11

lize linate ni sango lipema lize hanangukunjika, lia uhenya wa Zambi wa kuwaha.

1 Timoteu 2:3

Mumu chino chinawaha, chinapemena chikolo kuli Zambi Chilamwina chetu,

1 Timoteu 4:10

Mumu ha chino, twakukilikita, no kakutuchoka, mumu twakutalatata hali Zambi ya mwono, iye mwe Chilamwina cha atu eswe, alioze kuhiana chikolo cha waze akufuliela.

2 Timoteu 4:17

Alioze Mwene wamanyine hamwe ni yami, iye wanguhele tachi; hanga ku kanwa liami akambujole liakulu sango lipema; hanga akwa mavungu eswe akevwe; angupulwile ku kanwa lia ndumba.

Titu 2:10

hi nikwiya ko, aiioze nikusolola kushishika cheswe chipema; hanga akawahise longeso lia Zambi Chilamwina chetu ha yuma yeswe.

Titu 2:13

nikutwaminyina kutalatala chize chawaha, ni usolokelo wa uhenya wa Zambi yetu munene kanda Chilamwina Yesu Kristu;

Usolwelo 14:16

Ni yoze Watwamine ha lelwa, wasele kwengo yenyi ya kucha hashi, achile hashi.