Titu 1:2 - MUKANDA USANDU WA ZAMBI 1975

² mukutalatala mwono wa mutolo, uze Zambi, yoze keshi mahuza, walakenyene ku miakulwila;

Titu 1:2 Iomraidhean Croise

Izaya 1:20

alioze nyi munukwata pami ni kukolema, munukanonga ni katana, mumu kanwa lia Yehova hilinahanjika.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Mateu 25:46

Wano kumakaya ku lamba lia mutolo, alioze akwa ululi ku mwono wa mutolo.

Marku 10:17

Shimbu machituhuka mukuya mu jila, umwe wazombokele kuli iye, waliendelele kuli iye, nikumuhula ngwenyi, Longeshi mupema, kuchi mungulinga, hanga ngukahinge mwono wa mutolo?

Marku 10:30

kumakatambula kulakaji lia yisuho haliapwila ha mwaka uno, mazuwo, hanji ayayo, ni ana-akwo, ni mapangi, ni anaye, ni ana, ni minda, hamwe ni yihungumiona; ni ha mwaka uze muwizaho mwono wa mutolo.

Yoano 10:28

ngunaahe mwono wa mutolo; o kechi katoka nichimwe ndo ku miaka ya mutolo, mba niumwe kechi kaachangumuna ku kwoko liami.

Yoano 17:2

Chizechene ngwe wamuhele chiyulo helu lia atu eswe, hanga akahane mwono wa mutolo kuli waze eswe hiunamwehe.

Yoano 17:24

Tata, ngunazange waze nawa hiunangwehe akapwe hamwe ni yami kuze nguli, hanga akatale uhenya wami, uze wanguhele; mumu wanguzangile shimbu kanda asela fundamentu ya hashi.

Yoano 5:39

Hengulenu mu yisoneko, mumu mwe muze nunashinginyeka nuli ni mwono wa mutolo; neyo yize yakushindakenya hali yami;

Yoano 6:54

Yoze malia musunya wami, manwa manyinga jami, mwono wa mutolo ali nawo; kumungukamuhindwisa ha tangwa lia kusula.

Yoano 6:68

Semone Petulu wamukumbulwile ngwenyi, Mwene, kuli iya mutuya? Yena e maliji a mwono wa mutolo uli no.

Yilinga 15:18

Zambi kananyingika yitanga yenyi yeswe chize ku miakulwila.

A-ROMA 1:2

lize alakenyene kushi ku makanwa ja aprofeta jenyi mu yisoneko yisandu.

A-ROMA 16:25

Haliapwila kuli yoze wahasa kunutakamisa, nikulita ni sango lipema lia yami ni kwambujola cha Yesu Kristu, nikulita ni usolwelo wa chijimbikilo, chize aswekele chize ku miakulwila,

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

A-ROMA 5:2

kuli iye nawa unjililo tuli nawo ku vumbi lino muze twakumana mumu ha Ufulielo; twakulisamba ha kutalatala uhenya wa Zambi.

A-ROMA 5:21

Hanga chizechene ngwe shili yayulile mu kufwa, chocho nawa vumbi likayule ku ululi ndo ku mwono wa mutolo mumu hali Yesu Kristu Mwene wetu.

A-ROMA 5:4

ni kunyongonona kuchakulinga kukola; ni kukola kuchakulinga kutalatala;

A-ROMA 6:23

Mumu fweto ya shili kufwa; alioze chawana cha vumbi lia Zambi, mwono wa mutolo muli Kristu Yesu Mwene wetu.

Kolosu 1:27

Kuli ayo Zambi wafupile kulweza chize chapwa kulumbama cha uhenya wa chijimbikilo chino hakachi ka mavungu, chenacho Kristu muli yenu, che kutalatala cha uhenya.

1 Tesalonika 2:15

waze ashihile Mwene Yesu ni aprofeta jo ene; atuhumine haze nawa; keshi kupemena kuli Zambi; kakulimika ni atu eswe.

1 Tesalonika 5:8

Alioze yetu, se tuli akwa mwalwa, tukeyelenu, tukazale chipwiko cha utale cha Ufulielo ni zango; ni ha ngalau, tuzale kutalatala cha ulamwino.

1 Timoteu 6:12

Litachike kulitachika chipema cha Ufulielo, kwata ku mwono wa mutolo, uze akutambikilile, ni yena watayijile kutayiza chipema kumeso ja yela anji.

1 Timoteu 6:19

nikulitulikila fundamentu yipema ha miaka yize muyizaho, hanga akakwate mwono uze wapwa mwono wamwenemwene.

2 Timoteu 1:1

Yami Paulu, postolo wa Yesu Kristu ku upale wa Zambi, nikulita ni chilakenyo cha mwono uze uli muli Kristu Yesu,

2 Timoteu 1:9

yoze hanatulamwina, hanatutambika ni kutambika chisandu, hi nikulita ni yitanga yetu ko, alioze nikulita ni upale wenyi mwene ni vumbi lienyi, lize atuhele shimbu miaka kanda yipwa.

2 Timoteu 2:10

Ha chikuma chino nakunyongonona mu yuma yeswe, mumu hali waze hanaatongola, hanga akazuke ulamwino uze uli muli Kristu Yesu, hamwe ni uhenya wa mutolo.

2 Timoteu 2:13

Kachi yetu hi tuli amwenemwene ko, iye katwama wamwenemwene; mumu kahashile kulikala mwene.

2 Timoteu 2:15

Lipupwise kulitumbikila ngwe umwe hanamusela Shindakenyo yipema kuli Zambi, mukwa milimo yoze keshi nacho nichimwe cha kumuvwisa sonyi, kanapatula kanawa mu liji lia umwenemwene.

Titu 2:13

nikutwaminyina kutalatala chize chawaha, ni usolokelo wa uhenya wa Zambi yetu munene kanda Chilamwina Yesu Kristu;

Titu 2:7

Ha yuma yeswe nikulilweza yena mwene ngwe chilweza cha yitanga yipema; ha kulongesa che ni kulweza ungunu, kushi lwelia,

Titu 3:7

hanga, se hanatusambisa ku vumbi lienyi, tukapwe maswana nikulita ni kutalatala cha mwono wa mutolo.

1 Yoano 2:25

Ni chino che chilakenyo chize hanatulakenya, te mwono wa mutolo.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.

Yuda 1:21

Lifungenu mu zango lia Zambi, nikutalatala keke ya Mwene wetu Yesu Kristu ndo ku mwono wa mutolo.

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.

Usolwelo 17:8

Ngongo yoze hiwamona, wapwile, keshiho; himakanduka mu jondo, maya ku kwonwona. Ni akwa hashi, waze majina jo kasonewene chize ku kusela cha fundamentu ya hashi mu mukanda wa mwono, makakomoka muze mamona ngongo yoze wapwile, keshiho, makeza.

1 Samuel 15:29

Ni chikwo nawa, mwe Mulemu-wa-Izalele kechi kwamba mahuza hanji kulikonyeka. Mumu iye hi mutu ko akalikonyeke.