Titu 1:15 - MUKANDA USANDU WA ZAMBI 1975

¹⁵ Kuli akwa kupema, yuma yeswe yipema; aiioze kuli akwa luchisa, ni waze keshi kufuliela, chuma chipema chakuhi nichimwe; aiioze ni kunyonga cho ni mbunge jo kujalichisa.

Mukanda Wa Zambi 1970

¹⁵ Kuli abema, yuma yeswe yili yibema, alioze kuli akwa luchisa ni waze keeshi kufuliela, kukushi chibema nichimwe mumu malinjekela jo ni manyonga jo haanabihia.

Titu 1:15 Iomraidhean Croise

Yishima 21:4

Meso a kulizata, ni mbunge ya kulengumuka, chipwe kulima cha yingulungulu, yeswe ya shili.

Yishima 30:12

Kuchili chisemuko chakwamba ngwo, Tunapeme. Hindu kaasanyishine luchisa wo.

Hagai 2:13

Mba Hagaia yamba ngwenyi, Nyi umwe wapwa wa luchisa ha kusunga mujimba wa mufu mba makwata ku yimwe ya yino, muyipwa ya luchisa nyi? Asasendote yakumbulula ngwo, Muyipwa ya luchisa.

Mateu 15:18

Alioze yuma yize muyituhuka mu kanwa muyituhuka mu mbunge; neyo kuyakupihisa mutu.

Yilinga 10:15

Liji liejile kuli iye cheka nawa chisuho chamuchiali ngwo, Chize hanapemesa Zambi, kanda uchivuluka ngwe, Chipi.

A-ROMA 14:14

Ngunanyingika; ngunakunuka muli Mwene Yesu ngwami, Chuma nichimwe chapwa cha luchisa chene: shina kuli yoze machishinginyeka kupwa cha luchisa, kuli yoze hichapwa cha luchisa.

A-ROMA 14:20

Kanda nukonwona chitanga cha Zambi mumu ha kulia. Yuma yeswe chamwenemwene yipema; alioze muyipwa yipi kuli mutu yoze malia ni chihukanyiso.

A-ROMA 14:23

Alioze yoze mayambashana, mahia kachi malia, mumu keshi kulia cha ku Ufulielo; ni cheswacho kuchapwile cha Ufulielo, hi shili.

1 Korintu 10:23

Kuli yami yuma yeswe yinalite ni shimbi; alioze yuma yeswe kuyishi kufumbula; yuma yeswe yinalite ni shimbi hali yami; alioze yuma yeswe kuyishi kukolesa.

1 Korintu 10:25

Cheswacho analanjisa mu yitanda, lienu, kanda nuhula nichimwe mumu ha shimbi ya mbunge;

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

1 Korintu 8:7

Alioze yinying; yize amwe keshi nayo; alioze amwe ku mbunge jo ha kutwala ku hamba, ndo haliapwila kakulia ngwe chuma chize hanachitambula chitapo ku hamba; ni mbunge jo se jilelu mujilichisa.

1 Timoteu 6:5

kumbalanga cha atu a kupiha mu kunyonga cho, akuhona umwenemwene, waze anashinginyeka ngwo, Uwayilo unapu jila ya kufumbuka. Lihandunune ni atu ngwe wano.

Hebreu 10:22

tukundamenu ni mbunge yamwenemwene, ni kusela chinyingi liakulu cha Ufulielo: se hasapwila mbunge jetu jipema ku shimbi jipi: se hasanyisa mijimba yetu ni meya apema.

Hebreu 12:15

Talenu kanawa kuchina mapwa umwe wakuhona vumbi lia Zambi, kuchina muji umwe wa usasu muze wasoka, muunupinjisa, ni anji malichisa nawo;

Hebreu 9:14

Shinaho chikolo manyinga a Kristu, yoze kuli Spiritu wa mutolo walilambwile keshi kapalia kuli Zambi, mapemesa mbunge jenu ku yitanga ya kufwa hanga nukavumbike Zambi ya mwono?