Titu 1:13 - MUKANDA USANDU WA ZAMBI 1975

¹³ Shindakenyo yino yamwenemwene. Ha chikuma chino, ukaakumike chikolo, hanga akapwe angunu mu Ufulielo,

Mukanda Wa Zambi 1970

¹³ Yize anambe yili yamwenemwene. Kashika chatamba kwakumika ni maliji akalu, hanga abwe ni ufulielo wa tachi.

Titu 1:13 Iomraidhean Croise

Miaso (Masamu) 119:80

Mbunge yami yikapwe yingunu mu yiyulo ye, mba chichi kevwa sonyi. Kafe

Miaso (Masamu) 141:5

Akwa ululi akangulambe; muchipwa ngwe utu wa zango. Akangwambe; muchipwa ngwe maji ha mutwe wami. Kanda utayiza mutwe wami kulitunacho, alioze kulemba chami muchinyongonoka ndusu mu kupinjisa cha waze.

Yishima 27:5

Kukanjisa cha kumeso chinawaha kuhiana zango lize liapwa lia kusweka.

Alevi 19:17

Kanda uswekela mukwenu kole mu mbunge ye, alioze hanjika nenyi kuchina musala ni mulonga mumu hali iye.

2 Korintu 13:10

Ha chikuma chino ngunasoneka yino yuma shimbu chishiko, hanga muze mungupwa hamwe ni yenu chichi kanwambila maliji akalu, nikulita ni chiyulo chize hanangwehe Mwene mukukolesa, hi mukupuzula ko.

1 Timoteu 1:10

ni yitanji, ni akwa utumwa, ni yikwachi, ni akwa mahuza, ni akwa kulishinga ni mahuza, nyi kachi muchipwa chuma chimwe chikwo cha kulimika ni longeso lingunu;

1 Timoteu 4:6

Kachi muwiwulula mandumbu yino yuma, kachi mukapwa kavumbi mupema wa Kristu Yesu, wa kuhoka ni, maliji a Ufulielo, ni a longeso lipema, lize hiunakaula ndo haliapwila.

1 Timoteu 5:20

Waze mavulumuna, ukaakumike kumeso ja atu eswe, hanga akwo nawa akapwe ni woma.

2 Timoteu 4:2

ngwami, Ambujola lie Liji, hondangana nalio ha mwaka upema, ni haze hi mwaka upema ko; kumika, ámbila, shinjila, ni uhomboloji weswe ni longeso lieswe.

Titu 2:15

Hanjika yino yuma, ukayishinjile, ukakumike ni chiyulo cheswe. Niumwe kanda akulelesa.

Titu 2:2

Makulwana ja malunga akakeyele, keshi lwelia, akwa mana, angunu mu Ufulielo, mu zango, mu uhumikizo.