Titu 1:11 - MUKANDA USANDU WA ZAMBI 1975

¹¹ Chatamba kupakika makanwa jo; se kakulimbwisa mazuwo a muwundu, nikulongesa ha upite wa sonyi yuma yize kuchaatambile kulongesa.

Mukanda Wa Zambi 1970

¹¹ Chatamba kubakika makanwa jo, mumu kaakubinjisa mazuwo ni kulongesa chize kuchalitele, ha kufumbula mbongo ni uhenge.

Titu 1:11 Iomraidhean Croise

Miaso (Masamu) 107:42

Mukwa kululama machimona; makawahilila, alioze uhenge weswe muupakika kanwa liawo.

Miaso (Masamu) 63:11

Mumu mwanangana kumakawahilila muli Zambi; mweswe malishinga nenyi malisamba. Mumu kanwa lia waze akuhanjika mahuza kumakalipakika.

Jeremia 8:10

Kashika munguhana mapwo jo kuli akwo, ni minda yo kuli akwa kukumba, mumu chize kuli mukepe wahiana ndo kuli munene Wahiana, eswe kali ni chipululu cha kufumbuka cha uhenge. Chize kuli profeta ndo kuli sasendote eswe kakulinga ni mahuza.

Ezekiel 13:19

Hinwangujilula hakachi ka atu jami ha kome ja sevada ni tuyipinji twa mbolo, ha kushiha atu aze kuchatambile kufwa, ni kufunga ni mwono atu aze kuchatambile kutwama ni mwono, ni ha mahuza jenu kuli atu jami, mumu o kakupanjika ku mahuza.

Ezekiel 16:63

hanga ukewuluke ukalitupieke, kanda upakula nawa kanwa lie mumu ha sonyi muze mungukakukonekena yize yeswe hiwalinga. Chocho kanambe Mwene Yehova.

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Mika 3:5

Ha kutwala kuli aprofeta aze akupiangula atu jami, waze akwamba ngwo, Sambukila, muze maaha yuma ya kulia, alioze masa jita ni yoze kasele chuma mu makanwa jo, Yehova kanambe ngwenyi,

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Luka 20:40

O kahamukine nawa kumuhula nichimwe.

Yoano 10:12

Alioze yoze wakulingila fweto, iye hi kafunga ko, mapanga hi nienyi ko, mamona kangunga kaneza, mahichika mapanga, machina; ni kangunga maachangumuna, maamwanga.

A-ROMA 3:19

Achi, tunanyingika yeswayo shimbi muyamba, muyihanjika kuli waze atwama kushi lia shimbi; hanga makanwa eswe akapakike, ni akwa hashi eswe akahie kuli Zambi:

2 Korintu 11:10

Nikulita ngwe umwenemwene wa Kristu uli muli yami, niumwe kechi kanguholesa ha kulisamba chino mu yifuchi ya Akeya.

1 Timoteu 5:13

Malilongesa nawa kulelumioka nikujingajinga ku zuwo ni zuwo; ni hi kulelumioka wika ko, alioze mapwa akwa kalundanganyishi, akwa moko a jiji, nikuhanjika yuma yize kuyatele.

1 Timoteu 5:4

Alioze nyi twamishi umwe mapwa ni ana, hanji ajikulu, akalilongese hatangu uwayilo ha kutwala ku mazuwo jo ene, akahilwise chimwe kuli yisemi jo. Mumu chino chinapemena chikolo kuli Zambi.

1 Timoteu 6:5

kumbalanga cha atu a kupiha mu kunyonga cho, akuhona umwenemwene, waze anashinginyeka ngwo, Uwayilo unapu jila ya kufumbuka. Lihandunune ni atu ngwe wano.

2 Timoteu 2:18

Ano ha kutwala ku umwenemwene hanapiasuka, ngwo, Uhindukilo hiwapalika kulu, kanalimbwisa Ufulielo wa amwe.

2 Timoteu 3:6

Hakachi ko kwali waze akuliomba nikunjila mu mazuwo, akatwale ku ufunge mapwo a kuhepuka, a kulemewa ni milonga, kanahunguka ku usolo weka ni weka.

Titu 1:7

Mumu chatamba kalayi, se iye kaselo ka Zambi, akapwe keshi kapalia; hi mukwa pami ko, hi chitenu ko, hi mukwa kuzwela ko ku vinyu, hi mukwa kumbufula ko, yoze keshi chipululu cha upite wa sonyi;

Titu 1:9

mukwa kukakaminya ku liji liamwenemwene, lize liakulita ni longeso, hanga akahase kushinjila mu longeso lingunu ni kukumika akwa kuhamika nawa.

Titu 3:10

Mukwa kuhandunwona muze hiwanukanjisa kashi, kaali, lituneye,