Titu 1:1 - MUKANDA USANDU WA ZAMBI 1975

¹ Yami Paulu, ndungo ya Zambi, kanda postolo wa Yesu Kristu, nikulita ni Ufulielo wa waze a kutongola kuli Zambi, nikulita ni yinyingi ya umwenemwene uze wakulita ni uwayilo;

Mukanda Wa Zambi 1970

^1-4 Yami Paulu, kavumbi ka Zambi kanda kanganda ka Yesu Kristu, ngunakusonekena yena Titu, mwanami wamwenemwene mu ufulielo wetu. Zambi hanangutongola ha kukolesa ufulielo wa atu, waze iye mwene hanatongola, ni kwalongesa chinyingi cha umwenemwene cha kuwayila chetu, hanga ase mbunge ku mwono wa miaka yeswe. Zambi, yoze keshi kuhanjika mahuza, hanatulakenya mwono uno shimbu te miaka kanda yichibwa. Zambi, ha tangwa lize atongwele, yasolola longeso lienyi. Longeso lino angukunjikile, ngunaliambujola nikulita ni Shimbi jize anguhele Zambi, Chilamwina chetu. Zambi Tata ni Kristu Yesu, Chilamwina chetu, anulweze utu ni anwehe uhwimino.

Titu 1:1 Iomraidhean Croise

1 Sango Ja Mianangana 6:49

Alioze Arone ni ana jenyi alambwile ha chilumbilo cha milambu ya kulumba ni ha chilumbilo cha insensu, ha milimo yeswe ya muma musandu mwahiana ni ha kukukila A-Izalele nikulita ni yeswe Mose kavumbi ka Zambi watumine.

Luka 18:7

Ni Zambi kechi kukala waze hanaatongola, waze akukololoka kuli iye mwalwa ni ufuku, chipwe kakupwa ni uhomboloji hali ayo shimbu linene, nyi?

Yilinga 13:48

Shimbu akwa mavungu evwile chino, awahililile, achichimiekene liji lia Mwene: ni waze eswe Zambi waafunjikile ku mwono wa mutolo afulielele.

A-ROMA 1:1

Yami Paulu, ndungo ya Yesu Kristu, amutambikile postolo, amuselele ku sango lipema lia Zambi,

2 Korintu 1:1

Yetu, Paulu postolo wa Yesu Kristu ku upale wa Zambi, ni ndumbu Timoteu, Ku chikungulwila cha Zambi chize chili ku Korindu, hamwe ni asandu waze eswe ali mu chifuchi cha Akeya:

Efesu 2:8

Mumu ku vumbi hananulamwina, ku Ufulielo; ni chino hi cha kuli yenwene ko; chawana cha Zambi;

Filipu 1:1

Yetu, Paulu ni Timoteu, ndungo ja Kristu Yesu. Kuli asandu muli Kristu Yesu, waze atwama mu Fwilipu, hamwe ni tulayi ni tuvumbi:

Kolosu 2:2

hanga mbunge jo jikalilembejeke, ha kulinunga mu zango, hanga akapwe ni kulumbama cheswe cha chinyingi cha malinjekela, hanga akanyingike chijimbikilo cha Zambi, chenacho Kristu,

1 Timoteu 2:4

yoze unazange atu eswe kulilamwina, akahete ku chinyingi cha umwenemwene.

1 Timoteu 3:16

Ni kutayiza cheswe, chijimbikilo cha uwayilo chinene; yoze amusolwele mu musunya, amusambishile muli Spiritu, wamonekene kuli angelo, amwambujotele hakachi ka mavungu, a mufulielele hano hashi, amutambwile mwilu mu uhenya.

1 Timoteu 6:3

Kachi umwe malongesa longeso lieka, keshi kutayiza ku maliji angunu, aze a Mwene wetu Yesu Kristu, ni ku longeso lize liakulita ni uwayilo;

2 Timoteu 2:10

Ha chikuma chino nakunyongonona mu yuma yeswe, mumu hali waze hanaatongola, hanga akazuke ulamwino uze uli muli Kristu Yesu, hamwe ni uhenya wa mutolo.

2 Timoteu 2:23

Alioze lituna yihula ya uhepuke ni yize kuyishi kulumbunuka, se unanyingika ngwe kuyakuneha ndombo.

2 Timoteu 2:25

ni Spiritu ya kushimbika, afumbe waze akulimika; kachi hanji Zambi makaaha kulikonyeka, akahete ku yinyingi ya umwenemwene.

Tiangu (Jake) 1:1

Yami Tiangu, ndungo ya Zambi kanda ya Mwene Yesu Kristu, Ku mavungu kumi ni aali aze anamwangashana kweswe: Ngunanumeneka.

2 Petulu 1:3

Se tachi jenyi ja Uzambi hijinatwehe chawana yuma yeswe ya kutwala ku mwono ni uwayilo, ku chinyingi cha yoze watutambikile ni uhenya wenyi mwene ni kuhiana chenyi mwene.

2 Petulu 3:11

Se yino yuma yeswe chocho muyikajindwoka, kuchi Chanutamba kupwa ni kwenda chisandu ni uwayilo?

1 Yoano 2:23

Mweswawo malikala mwe Mwana keshi ni mwe Tata nawa: yoze matayiza mwe Mwana, kali ni mwe Tata nawa.

Usolwelo 1:1

Usolwelo wa Yesu Kristu, uze Zambi wamuhele mukulweza kuli ndungo jenyi chize chatamba kupwa nikawashi: iye watumine mungelo waulwezele ni yilayi kuli ndungo yenyi Yoano.