Tiangu (Jake) 5:8 - MUKANDA USANDU WA ZAMBI 1975

⁸ Ni yenu nawa, lihumikizenu; takamisenu mbunge jenu: mumu kuheta cha Mwene hichakundama.

Mukanda Wa Zambi 1970

⁸ Ni yenu nawa lihumikizenu, litakamisenu, mumu Tangwa lia Mwene Yesu hiliakundama.

Tiangu (Jake) 5:8 Iomraidhean Croise

Ubutukilo 49:18

Yehova, ngunatwaminyina ulamwino we.

Miaso (Masamu) 130:5

Kakutwaminyina Yehova. Mbunge yami yakutwaminyina. Ku liji lienyi nakutalatala.

Miaso (Masamu) 27:14

Twaminyina Yehova! Takama, mbunge ye yikajikize. Ewa, twaminyina Yehova. Samu lia David.

Miaso (Masamu) 37:7

Hwima hali Yehova, umutwaminyine ni uhumikizo. Kanda ulifwita mumu hali yoze wakuwaha mu jila yenyi, hanji hali yoze wakumanununa kutaka chenyi chipi.

Ezekiel 7:12

Mwaka hiweza, tangwa linakundama. Mukwa kulanda kanda alikwiza; mukwa kulanjisa kanda alinyenga, mumu ufwatulo unashate mbunga yo yeswe.

Mika 7:7

Alioze ha kutwala kuli yami, mungutala kuli Yehova; mungutwaminyina Zambi ya ulamwino wami; Zambi yami mangwivwa.

Habakuke 2:3

Mumu usolwelo unachitwaminyina mwaka wawo. Kuunatambuka ku songo liawo—kuushi mahuza. Chipwe mumona ngwe unashimbula shimbu hindu twaminyina. Muwiza kupwa; kuuchi kahona.

Luka 21:19

Mu uhumikizo wenu nukazuke mwono wenu.

Yoano 21:22

Yesu yamba kuli iye ngwenyi, Kachi ngunapale akatwame ni mwono ndo mungwiza, kuchi chapwa kuli yena? Ngukaule.

A-ROMA 8:25

Alioze kachi twakutalatala chize kutushi kumona, kachi ni uhumikizo twakuchilawoka.

Galashia 5:22

Alioze mihuko ya Spiritu, zango, ni uwahililo, ni sambukila, ni kulihumikiza, ni utu, ni upeme, ni kushishika,

Filipu 4:5

Umbovu wenu ukamoneke kuli atu eswe. Mwene hakamwihi ali.

1 Tesalonika 1:10

nikutwaminyina Mwanenyi ku malilu, yoze amuhindwishile hakachi ka afu, iye Yesu, yoze wakutupulula ku utenu uze muwizaho.

1 Tesalonika 2:19

Mumu chika kutalatala chetu, hanji uwahililo, hanji chipangula cha kulisamba? Hi yenwene ko kumeso ja Mwene wetu Yesu ha kuheta chenyi, nyi?

1 Tesalonika 3:13

hanga akatakamise mbunge jenu kujishi chitela, jisandu kumeso ja Zambi kanda Tata yetu, ha kuheta cha Mwene wetu hamwe ni asandu jenyi eswe.

2 A-TESALONIKA 3:5

Mwene akatondekeze kama mbunge jenu ku zango lia Zambi, ni ku uhumikizo wa Kristu.

Tiangu (Jake) 5:3

Oru ni prata yenu hiyinakwata ngengeya; ni ngengeya yayo kumuyikapwa Shindakenyo ya kulimika ni yenu, kumuyikalia musunya wenu ngwe kahia. Hinunatulika upite ha matangwa a kusula.

Tiangu (Jake) 5:9

Kanda nulinyenyeta mandumbu, umwe hali mukwo ni mukwo, hanga kechi kanupatwila: Sopi kanamana ku pito.

1 Petulu 4:7

Alioze songo lia yuma yeswe hilinakundama: pwenu ni mana kashika, keyelenu, nukalitumbikile ku kulemba.

Usolwelo 22:20

Yoze wakushindakenya yino yuma kanambe ngwenyi, Ewa, nguneza nikawashi. Amene; tweya, Mwene Yesu.