Tiangu (Jake) 5:7 - MUKANDA USANDU WA ZAMBI 1975

⁷ Kashika lihumikizenu, mandumbu, ndo ku kuheta cha Mwene. Talenu, njimi matalatala mihuko yilemu ya hashi, malihumikiza ndo muyitambula vula wa musazu ni vula wa samakwasa.

Mukanda Wa Zambi 1970

⁷ Akwetu akwa Kristu, lihumukizenu ndoo kwiza cha Mwene Yesu. Talenu chize njimi akulihumikiza ha kushimbwila ndoo muze mavu maakasokesa mihuko yibema. Kaakulihumikiza ndoo ku kunoka cha vula musazu, ndoo ku mubatuko.

Tiangu (Jake) 5:7 Iomraidhean Croise

Jeremia 5:24

Kambile mu mbunge jo ngwo, Tuvwilenu woma Yehova Zambi yetu, yoze wakutwaha vula ha kangonde kenyi, vula wa samakwasa ni vula musazu, ni kakutufungila semana ja kufunjika ja kucha.

Hosea 6:3

Tunyingike, tuyenu kulutwe tunyingike Yehova. Kutuhuka chenyi cha pundu, ngwe kuvumbuka cha tangwa. Iye meza kuli yetu ngwe vula wa chehu; ngwe vula musazu yoze wakutuchikisa hashi.

Joele 2:23

Enu ana ja Zaione, Wahililenu. Likwizenu muli Yehova Zambi yenu, mumu kakunwaha vula musazu nikulita. Kakunutuma vula, ni vula musazu, ni vula wa samakwasa ha kakweji mutangu.

Zakaria 10:1

Etenu vula kuli Yehova ha kakweji wa vula musazu. Etenu kuli Yehova mukwa kutanga njaji mukwa kuhana vula wa samakwasa, mukwa kuhana mwambu mu chifuchi.

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

Mateu 16:28

Pundu ngunambe kuli yenu ngwami, Kwali amwe a kuli waze anamana kuno, kechi kumona kufwa nichimwe ndo mamona mwe Mwana Mutu kaneza mu wanangana wenyi.

Mateu 24:27

Mumu ngwe mihenyo muyituhuka ku Chivumbuko, muyihenya ku Chitokelo; chocho muchikapwa kuheta cha mwe Mwana Mutu.

Mateu 24:44

Kashika ni yenu nawa lilulikenu; mumu ha ola yize kunushi kushinginyeka mwe Mwana Mutu meza.

Luka 18:8

Ngunambe kuli yenu ngwami, Kumakaakala nikawashi. Alioze muze mwe Mwana Mutu meza, makawana Ufulielo hano hashi, nyi?

Luka 21:27

Hohene kumakamona mwe Mwana Mutu kaneza mu lelwa ni tachi ni uhenya unene.

Luka 8:15

Yize ha mavu apema, waze mu mbunge jipema, jashishika, muze hevwa liji, malikakaminya, mema mbuto ni uhumikizo.

Yoano 21:22

Yesu yamba kuli iye ngwenyi, Kachi ngunapale akatwame ni mwono ndo mungwiza, kuchi chapwa kuli yena? Ngukaule.

Yoano 21:23

Liji lino kashika liafumanyine hakachi ka mandumbu ngwo, Kambaji yoze kechi kafwa: hindu Yesu kambile kuli iye ngwenyi, Kechi kafwa; alioze ngwenyi, Kachi ngunapale akatwame ni mwono ndo mungwiza, kuchi chapwa kuli yena?

A-ROMA 15:4

Mumu yuma yeswayo yasonewene kunyima, yasonewene mukutulongesa, hanga ku uhumikizo ni kulembejeka cha yisoneko tukapwe ni kutalatala.

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

1 Korintu 1:7

chocho kunwahonene nichimwe chawana cha vumbi; nikulawoka usolwelo wa Mwene wetu Yesu Kristu.

Galashia 5:5

Mumu yetu ku tachi ja Spiritu ku Ufulielo tunatwaminyina kutalatala cha ululi.

Galashia 6:9

Mba kanda tulezumuka ha kulinga kanawa; mumu ha mwaka wacho kumutukacha nyi kutuchi kakokoloka.

Shimbi 11:14

mungunokesa vula ha chifuchi chenu ha mwaka wenyi, vula musazu ni vula wa samakwasa, hanga nuhase kukunga mbuto jenu ja kulia chenu ni vinyu yenu, ni maji jenu.

Kolosu 1:11

nukalikoleze ni tachi jeswe nikulita ni ndundo ja uhenya wenyi, hanga nukapwe ni utunu weswe ni uhomboloji hamwe ni uwahililo:

1 Tesalonika 1:3

Kutushi kulitwamina kwiwuluka milimo yenu ya Ufulielo, ni kukilikita chenu cha zango, ni uhumikizo wa kutalatala chenu muli Mwene wetu Yesu Kristu, kumeso ja Zambi yetu kanda Tata yetu.

1 Tesalonika 2:19

Mumu chika kutalatala chetu, hanji uwahililo, hanji chipangula cha kulisamba? Hi yenwene ko kumeso ja Mwene wetu Yesu ha kuheta chenyi, nyi?

1 Tesalonika 3:13

hanga akatakamise mbunge jenu kujishi chitela, jisandu kumeso ja Zambi kanda Tata yetu, ha kuheta cha Mwene wetu hamwe ni asandu jenyi eswe.

Hebreu 6:15

Chocho se wanyongonwene ni uhumikizo, wazukile chilakenyo.

Tiangu (Jake) 4:11

Kanda nuhanjika chipi umwe hali mukwo ni mukwo, mandumbu. Yoze mahanjika chipi hali ndumbwenyi, hanji yoze mapatwila ndumbwenyi, mahanjika chipi ha shimbi, mapatwila shimbi; aiioze kachi yena mupatwila shimbi, hi uli mukwa kulinga shimbi ko, aiioze uli sopi.

Tiangu (Jake) 5:10

Mandumbu jami, tambulenu ngwe chilweza cha kwivwa lamba ni cha uhumikizo, aprofeta waze ahanjikile mu jina lia Mwene.

Tiangu (Jake) 5:3

Oru ni prata yenu hiyinakwata ngengeya; ni ngengeya yayo kumuyikapwa Shindakenyo ya kulimika ni yenu, kumuyikalia musunya wenu ngwe kahia. Hinunatulika upite ha matangwa a kusula.

2 Petulu 3:4

Mamba ngwo, Chilakenyo cha kuheta chenyi Chilihicho? Mumu hanga tulamba ayile tulo, yuma yeswe kuyakutwama chizechene ngwe yapwile chize ku uputukilo wa kutanga.