Tiangu (Jake) 5:4 - MUKANDA USANDU WA ZAMBI 1975

⁴ Talenu, fweto ya akwa milimo jenu waze hanachi minda yenu, yize nwaalimwine, kuyakuteta; ni miteto ya waze hanachi hiyinanjila mu matwi ja Mwene wa yizavu ya tujita.

Mukanda Wa Zambi 1970

⁴ Kunwafwetele fweto ya waze akunulimina minda yenu. Ivwenu kunenganyana cho! Malilo ja waze akuhela mihuko yenu haaneza ndoo ku matwi ja Zambi, Mwene Mukwa Ndundo Jeswe!

Tiangu (Jake) 5:4 Iomraidhean Croise

Ubutukilo 4:10

Yehova yamba ngwenyi, Yika walinga? Liji lia manyinga a mwanakwenu linatete hashi kuli yami.

Jobe 34:28

Chocho ahetesele muteto wa yiswale kuli iye. Iye wevwile muteto wa akwa lamba—

Jobe 7:2

Aye kapwa ngwe ndungo yoze kanatalatala chihuhumuke, ngwe ngamba yoze unatalatala fweto yenyi.

Miaso (Masamu) 9:12

Muze masopesa akwa kumwanga manyinga kumakaewuluka; keshi kuvulama muteto wa akwa luyinda.

Kutuhuka 22:27

Mumu lioliene kuliapwa lia kulifuka nalio. Kuliapwa hina lia ku mujimba wenyi. Neka mapomba? Mba muze iye mateta kuli yami, kumungwivwa, mumu yami mukwa vumbi.

Kutuhuka 3:9

Mba haliapwila muteto wa A-Izalele kuunahete kuli yami. Chikwo nawa hinamona lamba anaamwesalio kuli A-Engitu.

Izaya 1:9

Nyi kachi Yehova-wa-Tujita katuhichikilile amwe akehe a kulisalaho, kachi twapwa ngwe Sondome, kachi twalumuka ngwe Ngomora.

Izaya 5:7

Mumu munda wa uva wa Yehova-wa-Tujita we munyachi wa Izalele, ni malunga a Yunda kapwa wande wenyi upema. Yafupa upatwilo wa kulita, alioze yawana manyinga a kumwanga; yafupa ululi, kumanyi yevwa muteto wika!

Izaya 5:9

Yehova-wa-Tujita halishinga mwe mu matwi jami ngwenyi, Pundu mazuwo anji mapwa amokomoko. Mazuwo anene apema keshi ni waze matwamamo.

Jeremia 22:13

Lamba kuli yoze matunga zuwo lienyi ni uhenge, ni yipatulo yenyi ya kwilu ni upatwilo uze kuwalitele. Yoze wakulingisa mwenyembo wenyi milimo yawana, kamuhele fweto yenyi.

Alevi 19:13

Kanda nupinjisa mukwenu hanji kumupupa. Fweto ya ngamba kanda yitwama mu kwoko lie ndusu ufuku ndo chimene.

Habakuke 2:11

Mumu liwe mulikatambika mu parede, ni mukambo wa kukwachisa mitondo umukumbulula.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Mateu 9:37

Hohene yamba kuli tumbaji twenyi ngwenyi, Kucha chamwenemwene chinalumbama, alioze akwa milimo akehe.

Luka 18:7

Ni Zambi kechi kukala waze hanaatongola, waze akukololoka kuli iye mwalwa ni ufuku, chipwe kakupwa ni uhomboloji hali ayo shimbu linene, nyi?

A-ROMA 9:29

Ngwe ambile Izaia kushi ngwenyi, Twapwile ngwe Sondome, atupwishile ngwe Ngomora, shina Mwene wa yizavu ya tujita watuhichikilile ana.

Shimbi 15:9

Kanyamenu, kanda lipwa mu mbunge jenu nyonga ha uzazali ngwenu, Mwaka wamuchishimbiali, we mwaka wa kutusula unahete, meso jenu mapwa api kuli mukwenu chiswale, mba kunuchi kumwaha nichimwe, iye nikuteta kuli Yehova mumu hali yenu, muchipwa mulonga kuli yenu.

Kolosu 4:1

Yenu miata, hanenu kuli ndungo ni ululi, chize chinalite; se nunanyingika ngwenu, Ni yetu nawa tuli ni Mwene mu malilu.