Tiangu (Jake) 5:1 - MUKANDA USANDU WA ZAMBI 1975

¹ Achivwenu haliapwila, yenu pichi, lilenu, pozonokenu ha kulungajala chenu, chize muchiza hali yenu.

Mukanda Wa Zambi 1970

¹ Haliabwila achivwenu yenu pichi, lilenu, bwozonokenu ha lamba lize mulikeza hali yenu.

Tiangu (Jake) 5:1 Iomraidhean Croise

Miaso (Masamu) 17:14

Ngulamwine kuli atu, yena Yehova, ni kwoko lie kuli atu a hano hashi, waze ali ni chihanda cho mu mwono uno. Wakukuchisa majimo jo ni yuma ye yipema ya kusweka. Hanayuku ni ana, kakuhichika upite wo kuli ana jo.

Yishima 11:28

Yoze Unafuliela upite wenyi kumakalimbuka; alioze mukwa ululi kumakalinduluka ngwe lifwo lia wisu.

Yishima 11:4

Upite kuuchi kukwasa ha tangwa lia ufwatulo; alioze ululi kuwakupulula ku kufwa.

Izaya 13:6

Lilenu mbimbi, mumu tangwa lia Yehova hiliakundama; muliza ngwe kwenyeka cha kuli Mukwa-Ndundo-Jeswe.

Izaya 15:3

Ha matapalo kanazala chikeleyi; mutu mweswe kanalili mbimbi nikusangunuka ni masoji, ha mafulumba ni ha malindalinda.

Jeremia 4:8

Ha chikuma chino lijikenu ni chikeleyi. Lishimwokenu ni kulila mbimbi mumu utenu usasu wa Yehova kuwatukatukile.

Jeremia 9:23

Yehova kanambe ngwenyi, Mukwa mana kanda alisamba ni mana jenyi; mukwa ndundo kanda alisamba ni ndundo jenyi; pichi kanda alisamba ni upite wenyi.

Ezekiel 19:2

ngwe, Ndumba wa chihwo wa tachi hakachi ka ndumba ni akwo, chocho wapwile noko! Wautaminyine hakachi ka mievu ja ndumba nikulela ana jenyi.

Ezekiel 30:2

Mwana mutu, profeteza wambe ngwe, Mwene Yehova kanambe ngwenyi, Lilenu mbimbi ngwenu, Mama yami, lie tangwa!

Joele 1:11

Enu njimi, ivwenu sonyi; enu akwa kululika miuva, lilenu mbimbi mumu ha tiliku ni ha sevada. Mumu mbuto ya mu minda hiyafuwa.

Joele 1:13

Enu asasendote, lijikenu yikeleyi nukalinyenge. Enu tuvumbi twa chilumbilo, lilenu mbimbi. Enu tuvumbi twa Zambi yami, tweyenu nukapombe ufuku weswe mu yikeleyi, mumu mulambu wa wunga ni mulambu wa kunwa hanayimina mu zuwo lia Zambi yenu.

Joele 1:5

Enu akwa kuzengewa, laulenu nulile. Lilenu mbimbi enu eswe nwakunwanwa vinyu, mumu ha vinyu yize yipema hanayipatula ku makanwa jenu.

Mika 6:12

Pichi jenu kanazala ni upupilo; waze atungamo kakuhanjika mahuza malimi ja mu makanwa jo a kwonga.

Zefania 1:18

Ha tangwa lia ufwatulo wa Yehova kechi kahasa kulipulula chipwe ni prata yo, chipwe ni oru yo. Mu kahia ka ufwatulo wenyi wa ukwa hashi heswe muhaliwa, mumu makasulisa akwa hashi eswe liakulu, susumuku lume.

Shimbi 32:15

Yeshurene watohele mba yatwa chishindo, ngwami, Nwatohele, ni kumeta, ni kusenena ni maji mba yehuka Zambi tangi yo, yalelesa Liwe lia ulamwino wo.

Tiangu (Jake) 1:11

Mumu tangwa mulivumbuka ni chivukuminya chalio, mulilelesa mwambu; ni chitemo chawo muchiholoka, ni upeme wacho muuhwa: chocho pichi nawa makajimuka mu mawende jenyi.

Tiangu (Jake) 2:6

Alioze yenu hinunasaula chiswale. Pichi keshi kunumwesa lamba, nyi? Keshi kunukoka ku usopelo, nyi?

Tiangu (Jake) 4:13

Achivwenu haliapwila, yenu nwakwamba ngwenu, Musono, hanji hamene, mutukaya ku limbo lia nganji, mutukatwamako mwaka, mutukasepa, mutukafumbuka.

Tiangu (Jake) 4:9

Lungajalenu, nenganyanenu, lilenu: kuseha chenu chialumuke kunenganyana, ni uwahililo wenu ualumuke kuhonga ku meso.