Tiangu (Jake) 4:7 - MUKANDA USANDU WA ZAMBI 1975

⁷ Lizeyesenu kashika kuli Zambi; aiioze limikenu ni Ndiapu mba kumakanuchina.

Mukanda Wa Zambi 1970

⁷ Kashika Zeyelenu kuli Zambi, limikenu ni Sakwonga, mba manuchina kusuku.

Tiangu (Jake) 4:7 Iomraidhean Croise

2 Samuel 15:26

Alioze nyi mamba ngwenyi, Chawahililile ni yena, mba yami uno akangulinge chize chamupemena.

2 Sango Ja Mianangana 30:8

Kanda nukwata pami haliapwila ngwe tulamba twenu; liechenu kuli Yehova. Njilenu mu zuwo lienyi lisandu lize hasela ku usandu wa mutolo, nukalingile Yehova Zambi yenu, hanga utenu wenyi usasu unukatuke.

Jobe 1:21

Uselesele natuhukile mu jimo lia mama; uselesele munguhiluka. Yehova wapele; Yehova hachiza—jina lia Yehova likafumane.

Miaso (Masamu) 66:3

Ambenu kuli Yehova ngwenu, Yitanga ye kuyakukolesa woma! Akwa kole je kumakakuzeyela mumu ha unene wa ndundo je.

Miaso (Masamu) 68:30

Ambila ngongo ja ku mbungu, ni chendo cha kuji a ngombe hamwe ni ana a ngombe a atu, waze anazeye ni mbongo ja prata. Iye hamwanga atu aze awahililile ni jita.

Jeremia 13:18

Amba kuli mwanangana ni naye ngwe, Likehesenu, twamenu hashi, mumu yipangula yenu ya uhenya muyikatuka ha mitwe yenu.

Daniel 4:25

akanuhume hakachi ka atu; wendelo wenu muukapwa hakachi ka tushitu a mu yambu; makanulisa mwambu ngwe ngombe, munukawula ni mume wa mwilu, ndo tungonde shimbiali hanupalika, nukanyingike mwe Chitunda kakuyula mu wanangana wa atu nikuuhana kuli mweswawo mapala.

Daniel 4:32

mba makuhuma hakachi ka atu, ni wendelo we muukapwa hakachi ka tushitu a mu yambu. Muolia mwambu ngwe ngombe, mba tungonde shimbiali makakupalika ndo hiwalilongesa, mwe Chitunda kakuyula mu wanangana wa atu ni kuuhana kuli mweswawo mapala.

Mateu 11:29

Lilemenu ni kanga yami, lilongesenu kuli yami; mumu nguli mukwa kushimbika, mukwa kulilelesa mu mbunge; mba kumunukawana uhwimino ku mbunge jenu.

Yilinga 26:19

Kashika mwanangana Akripa, chakolemene ku usolwelo wa mwilu.

Yilinga 9:6

Iye, nikuchikima, nikulishikishila, wambile ngwenyi, Mwene, kuchi unazange yami ngulinge? Mwene wambile kuli iye ngwenyi, Katuka, uye, ukanjile mu limbo, makakwambulwila chize Chakutamba kulinga.

A-ROMA 10:3

Mumu kakwalajala ha ululi wa Zambi, kakufupa kukolesa ululi wo ene, kalizeyesele ku ululi wa Zambi.

A-ROMA 14:11

Mumu chinasonewa ngwo, Mwene kanambe ngwenyi, Ni mwono wami makungunwa eswe kumakaliumba kuli yami, malimi eswe kumakahalisa Zambi.

Efesu 4:27

mwe Satana kanda numwaha unjililo.

Efesu 5:21

Lizeyelenu umwe kuli mukwo mu woma wa Kristu.

Efesu 6:13

Kashika tambulenu mazalo a utale eswe a Zambi, hanga nukahase kulimika ha tangwa lipi, mba muze hinunalingi yuma yeswe, kumana ngú.

Hebreu 12:9

Chikwo nawa, twapwile ni atata a mu musunya akutulamba ha kufumba, twaalemesene: Shinaho chikolo kutuchi kuzeyela kuli Tato ya maspiritu, tukapwe ni mwono, nyi?

1 Petulu 2:13

Zeyelenu ku yiyulo yeswe ya atu, mumu hali Mwene: chipwe kuli mwanangana ngwe munene Wahiana;

1 Petulu 5:6

Kashika likehesenu kushi lia kwoko lia ndundo lia Zambi, hanga akanunangamise ha mwaka wenyi.

1 Samuel 3:18

Kashika Samuel yamulweza ye yeswe. Kamuswekelele nichimwe. Eli ngwenyi, Iye Yehova, akalinge chize chamupemena.