Tiangu (Jake) 4:6 - MUKANDA USANDU WA ZAMBI 1975

⁶ Alioze kakuhana vumbi liahiana. Kashika chisoneko chinambe ngwo, Zambi kakulimika ni akwa kulizelula, aiioze kakuhana vumbi kuli akwa kulikehesa.

Mukanda Wa Zambi 1970

⁶ Alioze Zambi kakutulweza utu wenyi Wahiana. Mumu Mukanda wa Zambi unambe ngwo: “Zambi kakulimika ni akwa kulengumuka, alioze akwa kulilelesa kakwalweza utu wenyi.”

Tiangu (Jake) 4:6 Iomraidhean Croise

2 Sango Ja Mianangana 32:26

Alioze Hezekia yalikehesa mumu ha kulengumuka cha mbunge yenyi, iye ni akwa Yerusaleme hamwe, kashika ufwatulo wa Yehova kuwejile hali ayo ha matangwa a Hezekia.

2 Sango Ja Mianangana 33:12

Mu lamba lienyi yaliumba kuli Yehova Zambi yenyi, yalilelesa chikolo kumeso ja Zambi ya tulamba twenyi.

2 Sango Ja Mianangana 33:19

Kulemba chenyi, ni chize Zambi wamukumbulwile, ni shili yenyi yeswe, ni Utanguko wenyi, ni yihela yize atungileko manangamo ni kumika Ashera ni tuponya a kwola shimbu kanda alilelesa, hanayisoneka mu mukanda wa akwa kumona.

2 Sango Ja Mianangana 33:23

Kalilelesele kumeso ja Yehova ngwe tato Manase walilelesele, alioze yono Amone wawezelele Utanguko helu nawa.

2 Sango Ja Mianangana 34:27

mumu mbunge ye yapwile yovu, ni yena walilelesele kumeso ja Zambi ha kwivwa maliji jenyi a kulimika ni chifuchi chino ni atu jamo, hiwalilelesa kumeso jami, hiwasonya mazalo je nikulila kumeso jami, ni yami hinakupanjika, chocho kanambe Yehova.

Jobe 22:29

Muze makukehesa muwamba ngwe, Hindukako! Kakulamwina akwa kuhombola meso.

Miaso (Masamu) 138:6

Mumu chipwe Yehova kanangama hindu kakutala hali akwa kulikehesa. Alioze akwa kulizelula kusuku kakwasa chinyingi.

Miaso (Masamu) 9:12

Muze masopesa akwa kumwanga manyinga kumakaewuluka; keshi kuvulama muteto wa akwa luyinda.

Kutuhuka 18:11

Haliapwila kungunanyingika ngwami, Yehova iye Wahiana tuzambi tweswe chipwe mu chuma chize alengumukine nacho.

Yishima 15:33

Woma wa Yehova wapwa kulongesa cha mana; kulikehesa kuchakutetekela ulemu.

Yishima 18:12

Shimbu kwonwona kanda chiheta mbunge ya mutu yakulizata; kulikehesa kuchakutetekela ulemu.

Yishima 22:4

Upite ni ulemu ni mwono muyipwa kwononona cha waze malikehesa nikuvwila woma Yehova.

Yishima 29:23

Kulengumuka cha mutu muchimulimbwisa; alioze mukwa kulikehesa mazuka ulemu.

Yishima 3:34

Pundu kakulenya akwa kulenya, alioze kakupwa ni vumbi kuli akwa kulikehesa.

Izaya 2:17

Kumakanunguna kulizata cheswe cha atu; kumakalelesa kulengumuka cheswe cha atu; Yehova wika kumakanangama ha tangwa lize.

Izaya 54:7

Ha kashimbu kakepekepe nakwehukile, alioze mungukakukonga ni keke yinji.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Daniel 4:37

Kashika yami Nabukanezore ngunahalisa Mwanangana wa mwilu, ni kumwalakana, ni kumulemesa; mumu yitanga yenyi yinalulama, ni ndako jenyi jinalite; kanahase kukehesa waze eswe akwenda nikulilengela.

Mateu 13:12

Mumu mweswawo ukwete, kumakamwaha, kumakapwa nayo ya kulumbama: alioze mweswawo keshi nacho, kumakamuchiza chipwe chize ali nacho.

Mateu 23:12

Mweswawo malinangamisa, kumakamulelesa; ni mweswawo malilelesa, kumakamunangamisa.

Luka 1:52

Hanapupu akwa kuyula ku ngunja jo, hananangamisa akwa kulilelesa.

Luka 14:11

Mumu mweswawo malinangamisa kumakamijlelesa; ni yoze malilelesa kumakamunangamisa.

Luka 18:14

Ngunambe kuli yenu ngwami, Yono wapalumukine ku zuwo lienyi mukwa kusamba, hi mukwo ko. Ni mweswe malinangamisa makanuhetesa; alioze yoze malilelesa kumakamunangamisa.

Tiangu (Jake) 4:10

Likehesenu kumeso ja Mwene, iye kumakanulemesa.

1 Petulu 5:5

Chizechene twanuke, zeyelenu kuli makulwana, ewa, yenu eswe lijichikenu ni muya wa kulikehesa, hanga nukalivumbike umwe ni mukwo ni mukwo: mumu Zambi kakulimika ni akwa kulizelula, aiioze kakuhana vumbi kuli akwa kulikehesa.

1 Samuel 2:3

Kanda nuhanjika nawa nikulengumuka kuhiana. Kanda nulivwimba mu makanwa jenu. Mumu Yehova iye Zambi ya yinyingi, iye kakupezalisa yitanga.