Tiangu (Jake) 4:16 - MUKANDA USANDU WA ZAMBI 1975

¹⁶ Alioze haliapwila nwakulisamba ha kulizata chenu: kulisamba chino cheswe chipi.

Mukanda Wa Zambi 1970

¹⁶ Alioze haliabwila nwakulizata ni nwakulisamba. Kulisamba cheswe ngwe chize chili chibi.

Tiangu (Jake) 4:16 Iomraidhean Croise

Miaso (Masamu) 52:1

Kuchi te wakulisamba ni yipi, ena mukwa ndundo? Utu wa zango lia Zambi kuwalinduluka matangwa eswe.

Miaso (Masamu) 52:7

talenu au mutu kapwishile Zambi chiswamo chenyi, alioze wafulielele kulumbama cha upite wenyi, walitakamishine mu kuzo yenyi.

Yishima 25:14

Yoze malisamba nikulionga ha kujama chenyi, kapwa ngwe malelwa ni fuji yize kuyishi vula.

Yishima 27:1

Kanda ulisambila tangwa lia hamene mumu kwanyingikine chize tangwa limuwika mulineha.

Izaya 47:10

Wajikijilile ni ungulungulu we, nikwamba ngwe, Kangumwene niumwe. Mana je ni yinyingi ye yakwongele, mba wambile mu mbunge ye ngwe, Yami nguli, mba kukushi mukwo.

1 Korintu 5:6

Kulisamba chenu kuchawahile. Kunwanyingikine futunwiso yikepe muyifutunwisa mwaha weswe, nyi?

Tiangu (Jake) 3:14

Alioze kachi nuli ni ukwa usasu ni kulimanangana mu mbunge jenu, kanda nulisamba, kanda nuhanjika mahuza a kulimika ni umwenemwene.

1 Yoano 2:16

Mumu yize yeswe yili hano hashi, usolo wa musunya, ni usolo wa meso, ni kulizata cha mwono, hi ya kuli Tata ko, aiioze ya hano hashi.

Usolwelo 18:7

Ku chize cheswe hanalichichimieka, ni chize hanahungumuka ni yipi, chocho kuhiana mwehenu kupinda ni kunenganyana, mumu kanambe mu mbunge yenyi ngwenyi, Nakutwama mwananganawa-pwo, hi nguli twamishi ko, chichi kamona kunenganyana nichimwe.