Tiangu (Jake) 4:11 - MUKANDA USANDU WA ZAMBI 1975

¹¹ Kanda nuhanjika chipi umwe hali mukwo ni mukwo, mandumbu. Yoze mahanjika chipi hali ndumbwenyi, hanji yoze mapatwila ndumbwenyi, mahanjika chipi ha shimbi, mapatwila shimbi; aiioze kachi yena mupatwila shimbi, hi uli mukwa kulinga shimbi ko, aiioze uli sopi.

Mukanda Wa Zambi 1970

¹¹ Akwetu, kanda nwamba akwenu yibi. Yoze mambila mukwo yibi kanachambila Shimbi, ni kanajibatula. Nyi unabatula Shimbi, hi uli yoze ko wakufunga Shimbi, alioze yoze wakujibatula.

Tiangu (Jake) 4:11 Iomraidhean Croise

Miaso (Masamu) 140:11

Yoze ukwete kanwa kechi kakola hano hashi. Chipi muchikahanga mukwa upupilo, chikamulimbule.

Luka 6:37

Kanda nukapatwila akwenu, mba kechi kanupatwila; kanda nukahisa mba kechi kanuhisa; konekenenu, mba kumakanukonekena.

A-ROMA 2:1

Kashika yena kushi kaliongelo, yena mutu, mweswawo wapwa, wakupatwila mukwenu: mumu ni chize mupatwita mukwenu, mulihisa yena mwene; mumu yena wakupatula, kuwakulinga yuma yize yene.

A-ROMA 2:13

mumu hi akwa kwivwa ko shimbi masamba kumeso ja Zambi, alioze makasambisa akwa kulinga shimbi.

A-ROMA 7:7

Mba kuchi mutwamba? Ngwetu, Shimbi yinapu shili, nyi? Ka, pundu. Alioze Chanyingikine shili shina ku shimbi; mumu Chanyingikine kuzo shina shimbi yambile ngwo, Kanda wivwa kuzo:

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

2 Korintu 12:20

Mumu ngunevu woma kuchina hanji muze mungwiza mungunuwana ngwe chize chazangile, ni yami mwene mununguwana ngwe chize yenu kunwazangile; kuchina hanji mukukapwa vunda, ni ukwa, ni ufwatulo, ni kulimanangana, ni kakowelo, ni kalundanganyishi, ni kulifuza ni yizungozungo.

Efesu 4:31

Usasu weswe, ni ufwatulo, ni utenu, ni zungo, ni kutukana, yimbilenu, hamwe ni uhuka weswe.

1 Timoteu 3:11

Mapwo chizechene hi akwa levelia ko, hi yilamikiji ko, akwa kukeyela, amwenemwene ha yuma yeswe.

2 Timoteu 3:3

keshi zango lia atu, keshi kuhutuka, yilamikiji, keshi kusúla, asasu, keshi kufwila yipema,

Titu 2:3

Makulwana ja mapwo chizechene akalinge ngwe chatamba asandu, hi yilamikiji ko, hi akwa kunwa vinyu vinji ko, akapwe alongeshi ja yuma yipema;

Tiangu (Jake) 1:16

Kanda nulionga, mandumbu jami a zango.

Tiangu (Jake) 1:19

Nunanyingika chino, mandumbu jami a zango. Alioze mutu ni mutu alipupwise kwivwa, aiioze apwe makoke kuhanjika, makoke kutenuka;

Tiangu (Jake) 1:25

Alioze yoze matala kanawa mu shimbi yingunu ya utuswilo, mba manyongononamo, se iye kapwile mukwa kwivwa ni kuvulama, aiioze mukwa kulinga chitanga, yono kumakawaha ha kulinga chenyi.

Tiangu (Jake) 2:8

Alioze kachi nwakulinga shimbi ya ku wanangana nikulita ni Chisoneko ngwo, Ukazange mwenyembo we ngwe wakulizanga yena mwene, kachi nwakulinga kanawa.

Tiangu (Jake) 5:10

Mandumbu jami, tambulenu ngwe chilweza cha kwivwa lamba ni cha uhumikizo, aprofeta waze ahanjikile mu jina lia Mwene.

Tiangu (Jake) 5:7

Kashika lihumikizenu, mandumbu, ndo ku kuheta cha Mwene. Talenu, njimi matalatala mihuko yilemu ya hashi, malihumikiza ndo muyitambula vula wa musazu ni vula wa samakwasa.

Tiangu (Jake) 5:9

Kanda nulinyenyeta mandumbu, umwe hali mukwo ni mukwo, hanga kechi kanupatwila: Sopi kanamana ku pito.

1 Petulu 2:1

Kashika, mbilenu uhuka weswe, ni tulimbalimba eswe, ni ulembekese, ni lufwachinda, ni kuhanjika chipi.