Tiangu (Jake) 3:6 - MUKANDA USANDU WA ZAMBI 1975

⁶ Ni limi linapu kahia: we uhenge weswe wa hano hashi; chocho limi hanalise hakachi ka yihanda yetu, lize liakupihisa mujimba weswe, liakuchocheka kahia ku yuma yeswe ya chisemewa, nelio hilinambula kahia ku Ngehena.

Mukanda Wa Zambi 1970

⁶ Kanwa lia mutu lili ngwe kahia. Yuma yibi yinji yakutuhuka mu kanwa. Kuliakubihisa mujimba wetu weswe. Liakuwika kahia mu mwono wetu weswe, kahia kaze kakutuhuka mu wina wa kahia.

Tiangu (Jake) 3:6 Iomraidhean Croise

2 Samuel 16:20

Absalome yamba kuli Ahitofele ngwenyi, Utulongese mana. Kuchi chatutamba kulinga?

2 Samuel 19:43

Malunga a Izalele yakumbulula kuli malunga a Yunda ngwo, Etu tuli ni kumi lia yihanda muli mwanangana kashika tuli ni chihinga chinene muli David kuhiana yenu. Kashika kuchi te nwatulelesele kunwatuhulile chiyulo ha kuhilwisa mwanangana wetu? Alioze maliji a malunga a Yunda ahianyine ni tachi maliji a malunga a Izalele.

2 Sango Ja Mianangana 13:17

Abija ni atu jenyi yaashiha, anji chikolo. Chocho kwafwile kuli A-Izalele kulakaji atano a tununu a malunga a kusakula.

Miaso (Masamu) 140:3

Hanahele limi lio ngwe kapela. Utende wa fwiji watwama kushi lia mivumbo yo.(Litulike.)

Miaso (Masamu) 64:3

Hahela limi lio ngwe katana; hatondekeza mivu yo, e maliji asasu.

Yishima 15:1

Kumbululo ha vumbi kuliakuchinda ufwatulo; ahoze liji lisasu kuliakusangumuna utenu.

Yishima 16:27

Chingandangali kakutaka yipi. Mu mivumbo yenyi mwatwama kahia kakupapa.

Yishima 6:19

chela cha mahuza; yoze wakukuwa vunda hakachi ka usoko.

Yishima 7:5

Yikakufunge kuli pwo weka, kuli mwe chilambala mukwa kupepieka ni maliji jenyi.

Izaya 30:27

Jina lia Yehova Unakatuka kusuku nikuyila ni kahia ka utenu wenyi ni mwishi ulá pwi unafwinjiko. Mivumbo yenyi yinazala ni ufwatulo, limi lienyi linapu ngwe kahia ka kulalisa.

Izaya 50:11

Enu eswe, nwakuwika kahia nikulijingilika ni maleka! Endenu mu chite cha kahia kenu ni maleka aze hinwawika. Alioze chuma munutambula ku kwoko liami, munupomba ni chinyengo.

Jeremia 20:10

Mumu ngunevu anji nikuyevweta. Mwongo uliko kweswe kwa kujingilika! Masepa jami eswe kakwamba ngwo, Lituneye! Tulituneye! Mba kakutalatala ngulimbuke ngwo, Hanji mongoloka, mba mutuhasa kumukumba ni kumufwetesa.

Jeremia 28:16

Kashika Yehova kanambe ngwenyi, Mungukuchiza hano hashi. Mwaka uno wene kumuofwa mumu hiwamba yuma ya kukatukila Yehova.

Alevi 24:11

Mwana wa lunga wa pwo Ka-Izalele yashililika lie Jina, ha kutukana. Yamutwala kuli Mose. Jina lia naye Shelomite, mwana wa Ndibri, wa ku vungu lia Ndane.

Kwalula 25:2

Mumu o yasanyika e atu ku yitapo ya tuzambi two. Atu yaha, yafukama ku tuzambi two.

Kwalula 31:16

Ngwami, Wano, ku mana ja Mbalau yavulumwisa A-Izalele mulonga kuli Yehova ku chikuma cha Peore, chocho chilungo chapwile hakachi ka chikungulwila cha Yehova.

Mateu 12:24

Alioze muze A-Fwariseu achivwile, ambile ngwo, Yono keshi kutuhwisa andemoniu shina ni tachi ja mwata wa andemoniu.

Mateu 5:22

Alioze yami ngunambe kuli yenu ngwami, Mweswawo matenuka ni mukwo matela upatwilo; ni mweswawo mamba kuli mukwo ngwenyi, Raka! matela upatwilo unene; ni mweswawo mamba ngwenyi, Yena chihepuke! matela upatwilo wa Ngehena ya kahia.

Marku 7:15

chuma chakuhi chize chili haze lia mutu, ha kunjila muli iye, muchihasa kumuchisa, nichimwe; alioze yuma yize muyituhuka muli iye, ye yize yakuchisa mutu.

Luka 16:24

Iye watambikile ngwenyi, Kaka Apalahama, nguvwile kama keke, utume Lazaru, hanga achupike songo lia munwe wenyi mu meya, akekemese limi liami; mumu ngunapinji mu mulengi uno.

Yilinga 20:30

Hakachi ka yenwene nawa kumakasoloka malunga akwa kuhanjika yuma ya kupiya, mukukoka tumbaji kunyima yo.

Yilinga 5:3

Alioze Petulu wambile ngwenyi, Ananiya, kuchi te Satana hanazalisa mbunge ye kuhanjika mahuza kuli Spiritu Musandu, ukasweke chihanda cha ndando ya munda?

Yilinga 6:13

Asele yela ja mahuza, waze ambile ngwo, Yono mutu keshi kulitwamina kuhanjika maliji a kulimika ni kuma kuno kusandu, ni ye shimbi.

Shimbi 13:6

Kachi yayenu, hanji mwanakwenu, ana ja noko, hanji ana je a malunga, hanji ana je a mapwo, hanji pwo lie wamuzanga, hanji sepa lie wamuzanga ngwe mbunge ya yena mwene, makusongojola ku tenga ngwenyi, Tatuye, tuvumbike tuzambi tweka, yena kwatunyingikine, ni yena, chipwe akakenu;

Titu 1:11

Chatamba kupakika makanwa jo; se kakulimbwisa mazuwo a muwundu, nikulongesa ha upite wa sonyi yuma yize kuchaatambile kulongesa.

Tiangu (Jake) 2:7

Keshi kushililika jina lize lilemu ananuluku nalio, nyi?

Tiangu (Jake) 3:7

Mumu milali yeswe ya tushitu, ni tujila, milali yeswe ya tututu, ni tushitu a mu kalunga-lwiji, mahomboka, te hanahomboka ku vungu lia atu.

2 Petulu 3:3

Chuma chitangu nyingikenu ha matangwa a kusula, akwa kukekuna kumakeza ni kukekuna, nikwenda nikulita ni usolo wo ene.

3 Yoano 1:10

Kashika, kachi mungwiza, kachi mungunwiwulula yitanga yenyi yize akulinga, ni kumbambula cha kulimika ni yetu ni maliji a ungulungulu; chipwe keshi kuyuka no, chipwe iye mwene keshi kutambula mandumbu; mba waze mazanga kwatambula maakanda, maambila haze lia chikungulwila.

Usolwelo 12:9

Ni ndragau munene amunyashine hashi, mwe kapela wa shakulu, jina lienyi ngwo, Ndiapu kanda Satana, mwe mukwa kupiangula yifuchi yeswe ya hashi; amunyashine ndo hashi, ni anyashine angelo jenyi hamwe nenyi hashi.

Usolwelo 13:14

Iye yapiangula akwa hashi mumu ha yilayi yize amuhele mukulinga kumeso ja mwe ngongo; nikwamba kuli akwa hashi akatange kaponya kuli ngongo, yoze uli ni mbandu ya katana Watwamine ni mwono.

Usolwelo 18:23

Ni pangu lia ndeya kulichi kapanguka nawa nichimwe muli yena; ni liji lia sandungi ni lia ndungi kechi kalivwa nawa nichimwe muli yena; mumu akwa kutalikila je apwile mahando ja hashi; mumu ni yipandapanda ye apiangwile mavungu eswe.

Usolwelo 19:20

Mba akwachile mwe ngongo, ni profeta wa kwonga hamwe nenyi, yoze walingile yilayi kumeso jenyi, yize wapiangwile nayo waze atambwile mufunda wa ngongo, ni waze awayilile kaponya kenyi: eswe ni aali aanyashine a mwono mu Chitende cha kahia chize cha kuyila ni fundanga.