Tiangu (Jake) 3:5 - MUKANDA USANDU WA ZAMBI 1975

⁵ Chocho limi nawa chihanda chikepe, aiioze kuliakulisangala yuma yinene. Talenu, musenge upwa haha muuwema ku kahia kakepekepe!

Mukanda Wa Zambi 1970

⁵ Ni kanwa chizechene: lili Chuma chikepe lume ku mujimba, alioze liakulisamba yuma yinyi. Achi nyongenu hakutwala ku lutemo wa kahia mukepe yoze mahasa kwocha musenge unene.

Tiangu (Jake) 3:5 Iomraidhean Croise

Jobe 22:17

Ambile kuli Zambi ngwo, Katuka kuli yetu! Mukwa-Ndundo-Jeswe kuchi mahasa kwalinga?

Miaso (Masamu) 10:3

Mumu chingulungulu kakulivwimba ha chize mbunge yenyi kuyakuzanga; kakuwahisa mukwa kuzo; kakulelesa Yehova.

Miaso (Masamu) 17:10

Hanajiki mu maji jo. Kakuhanjika nikulengumuka.

Miaso (Masamu) 39:1

Nambile ngwami, Mungutala kanawa majila jami, kuchina munguvulumuna ni limi liami. Mungutunga kanwa liami ni kata shimbu yingulungulu anamana kumeso jami.

Kutuhuka 15:9

Mukwa kole yamba ngwenyi, Mungukaula, kumungwawana, kumungupangila yikumba yo. Mbunge yami muyiyuka nikwapupa. Mungutomona katana kami. Kwoko liami muliamanuna.

Kutuhuka 5:2

Falau yamba ngwenyi, Yehova iya? Mba ngupanjike ku liji lienyi, ngweche A-Izalele kuya? Ami Chanyingikine Yehova, chikwo nawa chichi kwecha A-Izalele kuya.

Yishima 12:18

Kwali mukwa kuhanjika kalusulusu ngwe kutuwa cha katana; alioze limi lia mukwa mana kuliakuwuka.

Yishima 15:2

Limi ha mukwa mana kuliakuhanjika yinyingi kanawa; ahoze kanwa ha chihepuke kuliakulusuka uhepuke.

Yishima 18:21

Kufwa ni mwono yatwama mu chiyulo cha limi; waze akulizanga makalia mihuko yalio.

Yishima 26:20

Nyi kunyi kujishiko kahia mukajima; kuze kukushi mukwa kalundanganyishi kulitachika muchikahwa.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Ezekiel 28:2

Mwana mutu, amba kuli mukwa kuyula Teru ngwe, Mwene Yehova kanambe ngwenyi, Mumu mbunge ye yinulengumuka hiwamba ngwe, Nguli umwe Zambi, ngunatwama ha chitwamo cha mazambi hakachi ka kalunga-lwiji; hindu uli mutu tuhu, hi uli zambi ko— chipwe unalimono ngwe mana je a umwe zambi.

Ezekiel 29:3

Hanjika ukambe ngwe, Mwene Yehova kanambe ngwenyi, Kunalimika ni yena, Falau mwanangana wa Engitu, mwe ndragau yoze wapomba hakachi ka njiji jenyi, yoze kakwamba ngwenyi, Lwiji wami lume, namutangile hali yami mwene.

Daniel 3:15

Nyi numutá, muze munwivwa liji Iia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji, nukafulamane nukawayile kaponya yono hinalinga, chipema. Alioze nyi kunusolo kuwayila, manunyasa haliapwila mu lutengo wa kahia ka kulengenya, mba mwe zambi yoze mahasa kunulamwina ku moko jami iya?

Daniel 4:30

mba mwanangana yamba ngwenyi, Ayino, ngwami, ye Babilonia yinene ya kutunga yami mwene ni ndundo jami ja ngolo yikapwe zuwo lia wanangana ni uhenya wa wanangana wami nawa.

Tiangu (Jake) 3:4

Talenu nawa maulungu aze anene, akuhungumioka ku fuji yikalu, maakungulula ni leme yikepe chikolo kweswako mukwa kwendesa mapala.

2 Petulu 2:18

Mumu nikuhanjika maliji anene a kulivwimba amokomoko, kakusondojola mu usolo wa musunya, ni ujila, waze anambe kwomboka kuli waze akwenda mu maliji a kupiangula.

Yuda 1:16

Wano akwa kulinyenyeta, akwa kulinyengetela, akwenda nikulita ni usolo wo ene; (ni makanwa jo kakuhanjika maliji anene a kulivwimba), kakulinga ni katonde, akafumbuke ene.