Tiangu (Jake) 3:1 - MUKANDA USANDU WA ZAMBI 1975

¹ Kanda nupwa alongeshi anji, mandumbu jami, se nunanyingika yetu alongeshi mutukatambula upatwilo ukalu Wahiana.

Mukanda Wa Zambi 1970

¹ Akwetu, hi chibema ko atu anji hakachi kenu kubwa alongeshi, mumu nunanyingika ngwenu, yetu alongeshi, Zambi makatubatwila ni ubatwilo ukalu kuhiana atu akwo.

Tiangu (Jake) 3:1 Iomraidhean Croise

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Malaki 2:12

Kashika hali mutu yoze malinga chuma chino Yehova akasutule hakachi ka mbalaka ja Yakomba mukwa kushindakenya ni mukwa kukumbulula, hanji yoze maneha mulambu kuli Yehova-wa-Tujita.

Mateu 10:24

Kambaji keshi kuhiana longeshi yenyi, chipwe ndungo keshi kuhiana mwata wenyi.

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Mateu 23:14

Lamba lienu, akwa kusonyeka ni A-Fwariseu, yilembese! mumu nwakuwumbula mazuwo ja twamishi ja mapwo, shimbu te, ha ulembekese, nwakulemba yipinji yisuku. Kashika kumunukatambula upatwilo Wahiana.

Mateu 9:11

Muze A-Fwariseu achimwene, ambile kuli tumbaji twenyi ngwo, Kuchi te Longeshi yenu anali hamwe ni akwa kufwetesa lijimu ni yivulumunyi?

Luka 16:2

Iye wamutambikile, wambile kuli iye ngwenyi, Acho, chika ngunevu hali yena? Lumbununa uselo we, mumu kushi kuhasa kupwa kaselo nawa.

Luka 6:37

Kanda nukapatwila akwenu, mba kechi kanupatwila; kanda nukahisa mba kechi kanuhisa; konekenenu, mba kumakanukonekena.

Yoano 3:10

Yesu wamukumbulwile ngwenyi, Yena uli mwe longeshi wa A-Izalele hindu kwanyingikine yino yuma, nyi?

Yilinga 13:1

Achi, kwapwile mu Andiakia, mu chikungulwila chize chapwileko, aprofeta ni alongeshi, Mbarnavwe, ni Semone, yoze uli ni jina likwo ngwo, Naijere, ni Luseu Ka-Sairene, ni Manaene, yoze amulelele hamwe ni nguvulu Heronde, ni Saulu.

1 Korintu 12:28

Zambi hanase amwe mu chikungulwila, chitangu apostolo, chamuchiali aprofeta, chamuchitatu alongeshi, kulutwe lia wano tachi ja yipupu, mba kulutwe yawana ya vumbi ya kuhindwisa, kukwasa, kutondekeza, malimi eka ni eka.

2 Korintu 5:10

Mumu chatamba akatusolole eswe kulutwe lia chitwamo cha upatwilo wa Kristu; hanga eswe akatambule yuma yize alingile mu mujimba, nikulita ni chize alingile, chipwe chipema, chipwe chipi.

Efesu 4:11

Iye hanahana amwe apostolo; ni amwe aprofeta; ni amwe akwa kwambujola; ni amwe tulayi ni alongeshi;

1 Timoteu 1:7

Kanazange kupwa alongeshi a shimbi, alioze chize akwamba kuchaalumbunukine, chipwe ha kutwala ku chize akushindakenya ni tachi.

1 Timoteu 2:7

Ha chuma chino hanangusela mukwa kwambujola ni postolo (ngunahanjika umwenemwene, chahanjikile mahuza), nguli longeshi ya akwa mavungu mu Ufulielo ni umwenemwene.

2 Timoteu 1:11

Ku lino hanangusela mukwa kwambujola, ni postolo, ni longeshi ya akwa mavungu.

Hebreu 13:17

Ononokenu kuli waze apwa tusongo twenu, nukazeye kuli ayo: mumu kakulawoka ha mbunge jenu, chizechene ngwe waze makalumbununa kuli Zambi, hanga akalinge chino ni uwahililo, hi ni kutwa mikuma ko, mumu chino kuchichi kanufumbula.

Tiangu (Jake) 1:16

Kanda nulionga, mandumbu jami a zango.

Tiangu (Jake) 1:19

Nunanyingika chino, mandumbu jami a zango. Alioze mutu ni mutu alipupwise kwivwa, aiioze apwe makoke kuhanjika, makoke kutenuka;

Tiangu (Jake) 3:10

Mu kanwa limuwika munatuhuka uwape ni kushinga. Mandumbu jami, kuchalitele yino yuma kupwa chocho.

1 Petulu 5:3

Kanda nulipwisa ngwe ene hali waze hananukunjika, aiioze nikulipwisa yeseko ya mbunga.