Tiangu (Jake) 2:6 - MUKANDA USANDU WA ZAMBI 1975

⁶ Alioze yenu hinunasaula chiswale. Pichi keshi kunumwesa lamba, nyi? Keshi kunukoka ku usopelo, nyi?

Mukanda Wa Zambi 1970

⁶ Alioze yenu nwakulelesa yiswale. Waze akunukwata ni kunukoka ku meso ja ngaji, aya? Hi pichi ko, nyi?

Tiangu (Jake) 2:6 Iomraidhean Croise

Jobe 20:19

Mumu hafwenya yiswale ni kwaehuka. Hatambula zuwo lize kalitungile.

Miaso (Masamu) 10:10

Kakupunda; kakulihetamina hanga akwa luyinda akafwe ku yitakame jenyi.

Miaso (Masamu) 10:14

Alioze yena hiwachimona, mumu kuwakumona uhuka ni kuhungumiona cha atu. Kumukachifwetesa ni kwoko lie. Mwe mukwa luyinda kakulikunjika kuli yena. Yena uli chikwashi cha ana-ashiwa.

Miaso (Masamu) 10:2

Chingulungulu mu kulengumuka chenyi kakuhungumiona mukwa luyinda: akakwachike mu kutaka chenyi mwene.

Miaso (Masamu) 10:8

Kakutwama ni kujikinyina hakachi ka yihunda. Ku matenga kakushiha waze keshi mutonga. Meso jenyi kakutalatala akwa luyinda.

Miaso (Masamu) 12:5

Yehova kanambe ngwenyi, Mumu ha lamba lia mukwa luyinda, ha mikuma ya chiswale mungukatuka haliapwila. Mungumusela homa hawape haze iye akufupa nikuhwimashana.

Miaso (Masamu) 14:6

Nwakolesele sonyi yiyulo ya akwa luyinda, alioze Yehova iye chiswamo chenyi.

Yishima 14:31

Wapinjisa yiswale wasaula Tangi yenyi; alioze mukwa kuvwila keke yiswale kakumulemesa.

Yishima 17:5

Wayunga chiswale wasaula Tangi yenyi; yoze mawahilila ha lamba lia mukwo kechi kasamba.

Yishima 18:23

Yiswale kakulembelela alioze pichi kakukumbulula ni tachi.

Yishima 22:16

Yoze mapinjisa yiswale akaweze ku upite wenyi ni yoze kakuhana kuli pichi meza kuhona.

Yishima 22:7

Pichi kakuyula chiswale ni mukwa kutambula mukuli mapwa ndungo ya mwenya mukuli

Longeshi 5:8

Nyi mumona kupinjisa yiswale, ni mu chifuchi chimwe kanalingi upupilo wa kuhonesa upatwilo ni ululi, kanda chikushima. Mumu umwe kwali helu akwa kunangama; kwali umwe helu lio.

Izaya 53:3

Amulelesele, alitunyineye kuli atu. Iye mukwa yinyengo, mukwa kulijilila ni chikulikuli; ngwe umwe atu mamuswekela meso jo, chocho amulelesele. Etu kutwamusele mbunge.

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Amose 5:11

Kashika se nwakuliata yiswale nikumufwetesa tiliku, kashika chipwe hinwatunga mazuwo ja mawe a kululika hindu kunuchi katwamamo. Hinwatumba minda yipema ya uva alioze kunuchi kanwa vinyu yako.

Habakuke 3:14

Yiutuwa mitwe ya tujita twenyi ni mivu ye, waze te ejile ngwe chijimbi akangumwange. Te kanawahilila ngwe malia yiswale ku tenga.

Zakaria 7:10

Kanda nupinjisa twamishi, hanji shiwa, hanji njize, hanji chiswale. Niumwe kanda atakila mukwo chuma chipi mu mbunge yenyi.

Yoano 8:49

Yesu wakumbulwile ngwenyi, Ndemoniu chishi nenyi; alioze nakulemesa mwe Tata, ni yenu nwakungusaula.

Yilinga 13:50

Alioze A-Yunda akapwile pichi ja mapwo akwa uwayilo alemu, ni akwa lutwe a mu limbo, o avundwile yihungumiona hali Paulu ni Mbarnavwe, aambilile haze lia manjiza jo.

Yilinga 17:6

muze kaawanyineko, ambulumwine Yasone ni amwe mandumbu kumeso ja akwa kuyula limbo, nikukololoka ngwo, Wano hanalumuna yifuchi yeswe ya hashi, haneza kuno nawa;

Yilinga 18:12

Alioze muze Ngaliu apwile nguvulu ya Akeya, A-Yunda ni mbunge yimuwika akatukilile Paulu, nikumutwala ku chitwamo cha upatwilo,

Yilinga 8:3

Alioze Saulu Wenyekene chikungulwila, nikunjila mu zuwo ni zuwo, nikumbulumuna malunga ni mapwo, waakunjikile ku zuwo lia ususu.

1 Korintu 11:22

Kuma, kunushi mazuwo a kulitamo, a kunwinamo, nyi? Shina nunalelesa chikungulwila cha Zambi, nikukolesa sonyi waze keshi nacho? Kuchi mungwamba kuli yenu? Mungunuhalisa, nyi? Ka, ha chino chanuhalishile.

Tiangu (Jake) 2:3

nyi munutala kuli yoze unazala hina lia mukambo wa kutemuka, munwamba ngwenu, Twama yena hano hapema; munwamba kuli chiswale ngwenu, Yena mana aku, hanji ngwenu, Twama kushi lia chitwamo cha yiliato yami;

Tiangu (Jake) 5:4

Talenu, fweto ya akwa milimo jenu waze hanachi minda yenu, yize nwaalimwine, kuyakuteta; ni miteto ya waze hanachi hiyinanjila mu matwi ja Mwene wa yizavu ya tujita.

Tiangu (Jake) 5:6

Hinunahisa, hinunashihi mwe mukwa ululi; iye kalimikine ni yenu.