Tiangu (Jake) 1:8 - MUKANDA USANDU WA ZAMBI 1975

⁸ Mutu wa mbunge jiali, wakukokoloka mu majila jenyi eswe.

Mukanda Wa Zambi 1970

⁸ mumu kali ni mbunge jaali, ni kakuyambashana mu yitanga yenyi yeswe.

Tiangu (Jake) 1:8 Iomraidhean Croise

1 Yitanga Ya Mianangana 18:21

Eliya yakundama kuli atu eswe ngwenyi, Ndo mwaka uka munukakashana hakachi ka mbunge jiali? Nyi Yehova iye Zambi mukaulenu. Alioze nyi Mbale mukaulenu. Atu kamukumbulwile chipwe liji limuwika.

1 MIANANGANA 17:33

Kanda evwilile woma Yehova, kanda alingilile mazambi jo ene nikulita ni ndako ja mavungu kuze aachijile.

1 MIANANGANA 17:41

Chocho mavungu ano kanda evwilile woma Yehova kanda alingilile tuponya two twa kwola. Ni ana jo ni ajikulu jo alingile chizechene ngwe tulamba two, ndo tangwa lia musono.

Miaso (Masamu) 119:113

Nakuvwila kole akwa mbunge jiali, alioze kunazanga shimbi ye.

Izaya 29:13

Mwene wambile ngwenyi, Wano atu kanakundama kuli yami ni makanwa jo ni kungulemesa ni mivumbo yo, alioze mbunge jo kusuku jili ni yami, ni woma akunguvwila wapwa shimbi yimwe ya atu lianalilongesa kupalikila;

Hosea 10:2

Mbunge jo ja mafwefwe kashika chaatamba kumbata uhie wo. Yehova makapuzula yilumbilo yo nikwonwona manguji jo.

Mateu 6:22

Ndeya ya mujimba, liso: kashika kachi liso lie mulipwa Ungunu, kachi mujimba we weswe muuzala tò ni pangu.

Mateu 6:24

Niumwe mahasa kulingila miata aali: mumu hanji mavwila kole umwe, mazanga mukwo; hanji makakaminya kuli umwe, malelesa mukwo. Kunwahashile kulingila Zambi ni kulingila upite hamuwika.

Tiangu (Jake) 1:7

Mumu yoze mutu kanda akashinginyeka ngwe makatambula chuma chimwe kuli mwe Mwene.

Tiangu (Jake) 4:8

Kundamenu kuli Zambi, iye kumakakundama kuli yenu. Pemesenu moko jenu, yenu yivulumunyi; tomesenu mbunge jenu, yenu akwa mbunge jiali.

2 Petulu 2:14

Kali ni meso a tò ni utanji, keshi kuhasa kulitwamina ku shili; nikusongojola atu aze kajikijile; nikupwa ni mbunge ja kulifumba ni kuzo; akwa shingo.

2 Petulu 3:16

ngwe mu mikanda yenyi yeswe nawa, nikuhanjikamo ha kutwala ku yino yuma; mu yenayo muyili yuma yimwe yikalu kuyinyingika, yize waze kalongolokele ni waze kajikijile kakuhengesa, chizechene ngwe akulinga ku yisoneko yikwo nawa, hanga, akalionwone ayo ene.