Tiangu (Jake) 1:6 - MUKANDA USANDU WA ZAMBI 1975

⁶ Alioze akete ni Ufulielo, kanda ayambashana; mumu yoze mayambashana mapwa ngwe mukanya wa ku kalunga-lwiji, wa kuhehuka ni fuji ni wa kufuza.

Mukanda Wa Zambi 1970

⁶ Alioze akete ni ufulielo, kuyambashana ka. Mumu yoze wakuyambashana kalifwa ni mwavu wa kalunga lwiji uze fuji yakuhehula ni kuhungumuka sali ni sali.

Tiangu (Jake) 1:6 Iomraidhean Croise

Ubutukilo 49:4

Wafulukila ngwe meya, kuchi kukumba, mumu wakundamine ku muhela wa tatenu. Wauchishile, wakundamine ku muhela wami.

Mateu 14:28

Petulu wamukumbulwile ngwenyi, Mwene, kachi yena, ngwambe ngwize kuli yena ha meya.

Yilinga 10:20

Alioze katuka, upalumuke, uye hamwe no, kanda uyambashana nichimwe: mumu hingunaatumu.

Efesu 4:14

hanga kutuchi kapwa ana-akemba nawa, ngwe tukahunguke ni mikanya ni kuhungumioka kweka ni kweka ni fuji yeswe ya longeso, ku kwonga cha atu ni unjiliji nikulita ni maliji a kuhengesa;

1 Timoteu 2:8

Ngunazange malunga akalembe kweswako, nikuzundula moko asandu, keshi utenu hanji kuyambashana.

Hebreu 10:23

Tulalaminyenu ku kutayiza cha kutalatala chetu, nikulihiza ka; mumu yoze walakenyene iye mukwa jika.

Hebreu 11:6

Alioze mutu keshi kuhasa kupemena kuli Zambi shina ni Ufulielo; mumu yoze meza kuli Zambi chamutamba kufuliela ngwo, Iye hwali, iye mukwa kwononona waze akumufupa.

Hebreu 13:9

Kanda nuhungumioka ni longeso lieka ni lieka, lize kulialumbunukine; mumu chinawaha mbunge yikakole mu vumbi; hi mu kulia ko, mumu kuchafumbukile kuli waze endelemo.

Tiangu (Jake) 1:7

Mumu yoze mutu kanda akashinginyeka ngwe makatambula chuma chimwe kuli mwe Mwene.

Tiangu (Jake) 5:15

Kulemba cha Ufulielo kumuchilamwina mukwa kuyiza, ni Mwene kumamuhindwisa; nyi kachi hanavulumuna milonga, mamukonekenayo.

2 Petulu 2:17

Wano anapu mafuji waze keshi meya, malelwa a kuhungumioka ku kakundukundu: hanaalulikila kulá cha milima.