Tiangu (Jake) 1:2 - MUKANDA USANDU WA ZAMBI 1975

² Mandumbu jami, muze yeseko yeka ni yeka muyinuwana, chinyongenu kupwa uwahililo weswe;

Mukanda Wa Zambi 1970

² Akwetu akwa Kristu, wahililenu muze yeseko yeka ni yeka muyinuwana,

Tiangu (Jake) 1:2 Iomraidhean Croise

Yilinga 5:41

O kashika akatukile kumeso ja akwa kuyula, nikuwahilila se Zambi aanyongene akwa kutela kusauka ha lie Jina.

A-ROMA 5:3

Hi chize wika ko, alioze twakulisamba mu luyinda wetu nawa, se tunanyingika luyinda kakulinga kunyongonona;

Filipu 1:29

Mumu hananwehecho ni vumbi mumu hali Kristu hi kumufuliela wika ko, alioze kwivwa lamba nawa mumu hali iye.

Filipu 2:17

Ewa, nyi kachi mangutehuna ngwe mulambu wa kunwa ha chitapo cha kulingila cha Ufulielo wenu, kachi munguwahilila, mungulikwiza hamwe ni yenu eswe.

Filipu 2:18

Chizechene wahililenu, likwizenu hamwe ni yami.

Kolosu 1:24

Haliapwila nakuwahilila ha lamba liami hali yenu, nakuzalisa chize chinahono ku luyinda wa Kristu mu musunya wami, mumu ha mujimba wenyi, wenawo che chikungulwila.

Hebreu 10:34

Mumu nwevwile keke hali funge, nwatambwile ni uwahililo kupunda cha yikumba yenu, te nunanyingika nuli nayo yikumba yahiana ya kulinduluka.

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

Tiangu (Jake) 1:16

Kanda nulionga, mandumbu jami a zango.

Tiangu (Jake) 1:19

Nunanyingika chino, mandumbu jami a zango. Alioze mutu ni mutu alipupwise kwivwa, aiioze apwe makoke kuhanjika, makoke kutenuka;

Tiangu (Jake) 5:11

Twakwavuluka ngwetu, Akwa kuwaha, waze anyongonwene; hinunevu ha kunyongonona cha Jo, hinunamono songo lia mwe Mwene, ngwe chize Mwene iye wa tò ni vumbi, mukwa keke.

2 Petulu 2:9

Mwene kananyingika kupulula akwa kuwayila ku cheseko, ni kufunga yihenge kushi lia lamba ndo ku tangwa lia upatwilo;

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.