Tiangu (Jake) 1:12 - MUKANDA USANDU WA ZAMBI 1975

¹² Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

Mukanda Wa Zambi 1970

¹² Kawaha mutu yoze wakukumba mu yeseko. Mumu muze hakumba, mabwa ni mwono. Mwono uze uli chawana chize Zambi hanalakenya waze akumuzanga.

Tiangu (Jake) 1:12 Iomraidhean Croise

Ubutukilo 22:1

Kulutwe lia yino yuma Zambi yeseka Apalahama. Yamba kuli iye ngwenyi, Apalahama. Iye yakumbulula ngwenyi, Yami uno.

Nehemia 1:5

ngwami, Ngunalembe, Yehova Zambi ya mwilu, Zambi munene, kole ni woma. Kuwakukolesa usendo ni utu wa zango kuli waze akukuzanga nikufunga shimbi je.

Jobe 2:10

Alioze Jo yamba kuli iye ngwenyi, Unahanjika ngwe umwe hakachi ka yihepuke ja mapwo mahanjika. Te mututambula yipema ku kwoko lia Zambi, mba yipi kanda tuyitambula nyi? Mu yino yeswe Jo kavulumwine ni kanwa lienyi.

Jobe 5:17

Kawaha yoze mamulongesa kuli Zambi; kashika kanda ulelesa kufumba cha Mukwa-Ndundo-Jeswe.

Miaso (Masamu) 11:5

Yehova kakweseka akwa ululi, alioze kakuvwila kole yingulungulu ni waze akuzanga upupilo.

Miaso (Masamu) 119:67

Shimbu te kanda ungulamba napiasukile, alioze haliapwila nakufunga liji lie.

Miaso (Masamu) 119:71

Chinapeme kuli yami chize wanguyindamishine, hanga ngukalilongese yiyulo ye.

Miaso (Masamu) 119:75

Yehova, ngunanyingika ngwami, Upatwilo we wapwa wa ululi, chikwo nawa mu umwenemwene we wanguyindamishine.

Miaso (Masamu) 5:11

Waze eswe akuswama muli yena akawahilile, ku miaka yeswe akalikwize, mumu yena wakwafunga. Waze eswe akuzanga Jina lie awahilile muli yena.

Miaso (Masamu) 94:12

Kawaha yoze wakumufumba yena, Yehova; yoze wakumulongesa ku shimbi je,

Kutuhuka 20:6

nikulweza utu wa zango kuli tununu twa waze akunguzanga, kuli waze akufunga shimbi jami.

Yishima 17:3

Ndeho ya kupemesena prata ni lutengo wa kupemesena oru; alioze Yehova kakweseka mbunge.

Izaya 64:4

Chize ku shakulu niumwe kandevwa, chipwe kusa chinyingi ni matwi jenyi, nilimwe liso kanda limona umwe Zambi shina yena mwene, yoze wakulingila akwa kumutwaminyina.

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Mateu 10:22

Kumakanuvwila kole kuli eswe mumu ha jina liami: alioze yoze manyongonona ndo ku songo kumakamulamwina.

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Luka 6:22

Kunwawaha, yenu, muze atu manuvwila kole, muze malihandununa ni yenu, manuchoka, mambila haze jina lienu ngwe lipi, mumu hali mwe Mwana Mutu;

A-ROMA 5:4

ni kunyongonona kuchakulinga kukola; ni kukola kuchakulinga kutalatala;

A-ROMA 8:28

Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi.

1 Korintu 2:9

Alioze nikulita ngwe chinasonewa ngwo, Yuma yize meso kayimwene, ni matwi kayivwile, kuyanjilile mu mbunge ya mutu, yuma yize hanalulika Zambi hali waze akumuzanga.

1 Korintu 8:3

alioze kachi umwe mazanga Zambi, iye kanamunyingika kuli Zambi.

1 Korintu 9:25

Waze malitachika ha kuheha, masúla ku yuma yeswe. Achi, o machilinga mukutambula chipangula cha kupola, alioze yetu chize kuchishi kupola.

Shimbi 13:3

kanda nupanjika maliji a yoze profeta, hanji yoze mukwa kulota yilota, mumu Yehova Zambi yenu ananweseka kunyingika nyi nunazange Yehova Zambi yenu ni mbunge jenu jeswe, ni alma jenu jeswe.

Shimbi 7:9

Kashika, nyingikenu ngwami, Yehova Zambi yenu, iye Zambi, Zambi mukwa jika, wakufunga usendo ni utu wa zango ku kanunu ka yisemuko, kuli waze eswe akumuzanga, te waze akufunga maliji jenyi a shimbi,

Shimbi 8:2

Iwulukenu jila yeswe anusongwelele kuli Yehova Zambi yenu makumi aze awana a miaka mu puya, hanga anulelese, anweseke, anyingike chize chapwile mu mbunge jenu, shina munufunga maliji jenyi a shimbi, nyi ka.

2 Timoteu 2:15

Lipupwise kulitumbikila ngwe umwe hanamusela Shindakenyo yipema kuli Zambi, mukwa milimo yoze keshi nacho nichimwe cha kumuvwisa sonyi, kanapatula kanawa mu liji lia umwenemwene.

2 Timoteu 4:8

Chize ku haliapwila hanangufulikila chipangula cha ululi, chize Mwene, mwe Sopi wa ululi, makangwaha ha tangwa lize; hi kuli yami wika ko, alioze nawa kuli waze eswe akuzanga usolokelo wenyi.

Hebreu 10:32

Alioze iwulukenu matangwa a kunyima, muze te hinwapanguluka, nwanyongonwene ha kulinjika chinji cha lamba;

Hebreu 11:17

Ku Ufulielo Apalahama, muze amwesekele, walambwile Izake, ni yoze watambwile yilakenyo kushi walambwile mwanenyi wa wika,

Hebreu 12:5

mba hinunavulama kushinjila chize chinanuhete ngwe kuli ana ngwo, Mwanami, kanda ulelesa kufumba cha Mwene, chipwe kanda ulezumuka muze makukumika kuli iye.

Hebreu 6:15

Chocho se wanyongonwene ni uhumikizo, wazukile chilakenyo.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

Tiangu (Jake) 5:11

Twakwavuluka ngwetu, Akwa kuwaha, waze anyongonwene; hinunevu ha kunyongonona cha Jo, hinunamono songo lia mwe Mwene, ngwe chize Mwene iye wa tò ni vumbi, mukwa keke.

1 Petulu 3:14

Alioze chipwe kachi munukevwa lamba mumu ha ululi, kunwawaha: kanda nukevwa woma ku woma wo, chipwe kanda nulipikala;

1 Petulu 4:13

Alioze se nuli akwa kuhangana ni lamba lia Kristu, wahililenu; hanga ha usolwelo wa uhenya wenyi nawa nukawahilile nikulikwiza.

1 Petulu 4:14

Kachi manuchoka mumu ha jina lia Kristu, kunwawaha; mumu Spiritu ya uhenya, kanda ya Zambi, kanatwama hali yenu; ha kutwala kuli ayo kanamushililika, aiioze ha kutwala kuli yenu, kanamuchichimieka.

1 Petulu 5:10

Zambi ya vumbi lieswe, yoze hananutambika kuheta ku uhenya wenyi wa mutolo muli Kristu, muze te hinunevu lamba ha shimbu likepe, iye mwene, kumakanupwisa angunu, makanujikijisa, makanutakamisa.

1 Petulu 5:4

Mba muze masolola Kafunga mukwa lutwe, kumunukatambula chipangula cha uhenya chize kuchishi kujimuka.

1 Yoano 4:19

Yetu twakuzanga, mumu iye waliangile kutuzanga.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.

Usolwelo 3:19

Waze eswe ngunaazange nakwaámbila, nakwalamba ha kufumba: sako mbunge yeswe kashika, Ulikonyeke.

Usolwelo 3:21

Yoze makumba mungumwaha mukutwama hamwe ni yami ha ngunja yami, chizechene ngwe ni yami nawa hingunakumbu, hingunatwama hamwe ni Tata ha ngunja yenyi.