Tiangu (Jake) 1:1 - MUKANDA USANDU WA ZAMBI 1975

¹ Yami Tiangu, ndungo ya Zambi kanda ya Mwene Yesu Kristu, Ku mavungu kumi ni aali aze anamwangashana kweswe: Ngunanumeneka.

Mukanda Wa Zambi 1970

¹ Yami, Tiangu (Jake), kavumbi ka Zambi ni ka Mwene Yesu Kristu, ngunanumeneka yenu eswe, yenu atu ja Zambi waze hinunamwangashana hashi heswe.

Tiangu (Jake) 1:1 Iomraidhean Croise

1 Yitanga Ya Mianangana 18:31

Eliya yanda kumi lia mawe ni mawe aali nikulita ni kwalula cha ana ja Yakomba yoze watambwile liji kuli Yehova ngwo, Jina lie yena Izalele.

Ezra 6:17

Yalambula ha kutumbikila ku usandu cha zuwo lino lia Zambi kulakaji lia kuji a ngombe, ni kulakaji aali a kuji a mapanga, ni kulakaji awana a ana-mapanga. Mulambu ha shili hali A-Izalele eswe, ashihile kumi lia kuji a pembe, ni kuji a pembe aali nikulita ni kwalula cha minyachi ya Izalele.

Estere 3:8

Mba Hamane yamba kuli mwanangana Ahashueru ngwenyi, Vungu limwe linamwangana hakachi ka yifuchi yeswe ya chiyulo chenu ni kulichinga ni mavungu akwo. Shimbi jo jalipwila ni shimbi ja mavungu eswe, chipwe shimbi ja mwanangana kajifungile. Kashika kuchatambile mwanangana kwatayiza.

Kutuhuka 24:4

Mose yasoneka maliji eswe a Yehova, yalimeneka chimenemene mbwi, yatunga ku kulwa mulundu chilumbilo ni kumi lia manguji ni manguji aali nikulita ni mavungu a A-Izalele kumi ni aali.

Kutuhuka 28:21

E mawe akalite ni majina ja ana a Izalele, kumi lia mawe ni mawe aali nikulita ni majina jo, ngwe kwola cha ha kazeya, vungu ni vungu nikulita ni jina lialio. Akapwe a mavungu kumi ni aali.

Kutuhuka 39:14

E mawe apwile nikulita ni majina ja ana a Izalele te kumi ni aali nikulita ni majina jo ngwe kwola cha ha kazeya, vungu lieswe nikulita ni jina lialio, kumi lia mavungu ni mavungu aali.

Ezekiel 12:15

Makanyingika yami nguli Yehova, muze hinaamwangina hakachi ka mavungu, nikwasandumuna ndusu mu yifuchi.

Alevi 26:33

Mungunumwanga hakachi ka mavungu. Mungutomona katana ka jita kunyima yenu mba chifuchi chenu muchipwa puya ni yihunda yenu muyipwa yahululu.

Mateu 10:3

Fwilipe, ni Mbatolomeu; Tomase, ni Mateu mukwa kufwetesa lijimu; Tiangu, mwana Alefweu ni Lepeu, jina lienyi likwo, Tateu;

Mateu 13:55

Yono hi mwana wa karpinteru ko, nyi? Naye hi Maria ko, nyi? Ni ana-akwo ngwo, Tiangu, ni José, ni Semone, ni Yunda, nyi?

Mateu 19:28

Yesu ngwenyi, Pundu ngwami, Yenu hinunangukaula, ha kupwisa chaha cha yuma yeswe, muze mwe Mwana Mutu makatwama ha ngunja yenyi ya uhenya, ni venu nawa kumunukatwama ha kumi lia ngunja ni ngunja jiali, nikupatwila kumi lia mavungu ni mavungu aali a Izalele.

Marku 3:18

Ni Andeleu, ni Fwilipe, ni Mbatotomeu, ni Mateu, ni Tomase, ni Tiangu mwana Alefweu, ni Tateu, ni Semone Ka-Zeto.

Luka 22:30

Hanga nukalile, nukanwine ku mesa yami mu wanangana wami. Kumunukatwama ha ngunja nikupatwila kumi lia mavungu ni mavungu aali a Izalele.

Luka 6:15

ni Mateu ni Tomase, ni Tiangu mwana Alefweu, ni Semone, amuvulukile ngwo, Ka-Zelo.

Yoano 12:26

Kachi umwe manguvumbika, kachi akangukaule; ni kuze yami nguli, kuze kwene nawa kumakapwa kavumbi kami: kachi umwe manguvumbika, kachi Tata kumakamulemesa.

Yoano 7:35

A-Yunda kashika aliambile umwe kuli mukwo ni mukwo ngwo, Kulihi yono maya mba kutuchi kamuwana? Maya kuli waze anamwangashana hakachi ka A-Ngresia, makalongesa A-Ngresia, nyi?

Yilinga 1:13

Muze te hanjila mu zuwo, akandukile ku chipatulo cha kwilu, muze atwamine; ni Petulu ni Tiangu, ni Yoano ni Andeleu, ni Fwilipe ni Tomase, ni Mbatolomeu ni Mateu, ni Tiangu, mwana Alfweu, ni Semone Zelote, ni Yundase, mwanakwo wa Tiangu.

Yilinga 12:17

Iye, nikulahula kuli ayo ni kwoko lienyi ahole, wambile kuli ayo ngwe Mwene wamunehene haze lia zuwo lia ususu. Wambile ngwenyi, Ambulula yino yuma kuli Tiangu ni kuli mandumbu. Iye wakatukile, wayile kweka.

Yilinga 15:13

Muze te hahola, Tiangu wakumbulwile ngwenyi, Mandumbu, ngwivwenu:

Yilinga 15:21

Mumu Mose chize ku yisemuko ya shakulu, mu membo eswe kali ni waze akumwambujola, se kakumutanga mu masunangonga eswe ha masambata eswe.

Yilinga 15:23

o asonekene mukanda wa kutuma ku moko jo ngwo, Apostolo ni makulwana ni mandumbu, kuli mandumbu waze ali hakachi ka akwa mavungu ku Andiakia, ni Seria, ni Selishia, ngwetu, Muoyowenu.

Yilinga 2:5

Achi, mwatwamine mu Yerusaleme A-Yunda, akwa kuwayila, a ku mavungu eswe mushi lia lilu.

Yilinga 21:18

Mba ha tangwa likwo, Paulu wayile hamwe ni yetu kuli Tiangu; ni makulwana eswe apwileko.

Yilinga 23:26

Yami Kelautiu Leshia kuli nguvulu Fwelishia mulemu Wahiana, Vulie!

Yilinga 26:7

ku chilakenyo chino minyachi yetu kumi ni yiali, eswe lukombo nikulingila Zambi ni mbunge yeswe ufuku ni mwalwa, kakutalatala kuhetako, mba ha kutalatala chino ngunasumiwa kuli A-Yunda, mwanangana!

Yilinga 8:1

Saulu te kanatayiza kufwa chenyi. Ha tangwa lize kwakatukile yihungumiona yinene ha chikungulwila chize chapwile mu Yerusaleme; ni eswe amwanganyine mwamwa mu yifuchi ya Yundeya ni Samaria, alioze apostolo, ka.

A-ROMA 1:1

Yami Paulu, ndungo ya Yesu Kristu, amutambikile postolo, amuselele ku sango lipema lia Zambi,

Galashia 1:19

Alioze akwo a kuli apostolo chamwene niamwe shina Tiangu mwanakwo wa Mwene.

Galashia 2:12

Mumu shimbu amwe a kuli Tiangu kanda aheta, iye walile hamwe ni akwa mavungu; alioze muze o ahetele, wakatukile nikulihandununa, se wevwile woma wa akwa ungalami.

Galashia 2:9

muze anyingikine vumbi lize anguhele, Tiangu ni Sefwa ni Yoano, waze apwile manguji mu chikungulwila, ahanyine kuli yami ni Mbarnavwe moko ja chindume a kulikunda, hanga yetu tukaye kuli akwa mavungu, o akaye kuli akwa ungalami.

Shimbi 28:64

Yehova makanumwanga hakachi ka mavungu eswe, katuke ku songo limwe lia hashi ndo ku songo likwo lia hashi. Munukavumbikako tuzambi tweka, kunwatunyingikine chipwe yenu, chipwe tulamba twenu, te mitondo ni mawe.

Shimbi 30:3

Yehova Zambi yenu kumakalumuna ufunge wenu, makanuvwila keke, nikunukonga ku mavungu eswe kuze Yehova Zambi yenu wanumwanginyine.

Shimbi 32:26

Te nambile kwamba ngwami, Mungwamwanga kusuku. Mungwajimisa ku manyonga ja atu.

Shimbi 4:27

Yehova kumakanumwanga hakachi ka mavungu. Munukasala piliwiji hakachi ka mavungu kuze Yehova makanumwangina.

Filipu 1:1

Yetu, Paulu ni Timoteu, ndungo ja Kristu Yesu. Kuli asandu muli Kristu Yesu, waze atwama mu Fwilipu, hamwe ni tulayi ni tuvumbi:

2 Timoteu 4:21

Lipupwise kwiza shimbu mwaka wa chishika kanda uheta. Upulu kanakumeneka, ni Pundene, ni Linu, ni Kelautia, ni mandumbu eswe.

Titu 1:1

Yami Paulu, ndungo ya Zambi, kanda postolo wa Yesu Kristu, nikulita ni Ufulielo wa waze a kutongola kuli Zambi, nikulita ni yinyingi ya umwenemwene uze wakulita ni uwayilo;

1 Petulu 1:1

Yami Petulu, postolo wa Yesu Kristu, Kuli njize waze anamwangashana mu yifuchi ya Ponto, Ngalashia, Kapatoshia, Eshia, ni Mbitiniya;

2 Petulu 1:1

Yami Semone Petulu, ndungo kanda postolo wa Yesu Kristu, Kuli waze hanazuku Ufulielo ulemu wa kulita ni uze niwetu, ku ululi wa Zambi yetu kanda Chilamwina Yesu Kristu:

Yuda 1:1

Yami Yundase, ndungo ya Yesu Kristu, kanda mwanakwo wa Tiangu, Kuli waze hanaatambika, kanaazange muli Zambi mwe Tata, kanaafungu hali Yesu Kristu:

Usolwelo 7:4

Mba nevwile chize alwile waze aajikile ni Chijikilo ngwo, Kulakaji lia tununu, ni makumi awana a tununu, ni tununu awana, aajikile a ku minyachi yeswe ya ana ja Izalele.