Shimbi 9:9 - MUKANDA USANDU WA ZAMBI 1975

⁹ Ha kukanduka chami ha mulundu mukulambula mikanda ya mawe, te ye mikanda ya usendo Yehova aukolesele ni yenu, yingutwama ha mulundu makumi awana a matangwa ni makumi awana a ufuku. Chalile, chipwe chanwine.

Mukanda Wa Zambi 1970

⁹ Yami yingukanduka ha mulundu ni kutambula mawe haze Zambi asonekene maliji a Usendo uze akolesele ni yenu. Yingutwama ko matangwa makumi awana, chalile chibwe chanwine ko Chuma nichimwe.

Shimbi 9:9 Iomraidhean Croise

1 Yitanga Ya Mianangana 19:8

Yakatuka; yalia; yanwa; yenda mu tachi ja kulia chize makumi awana a matangwa ni makumi awana a ufuku ku Horepe we mulundu wa Zambi.

1 MIANANGANA 6:22

Aye yakumbulula ngwenyi, Kuchi kwalamba. Te mulamba waze wakwata ufunge ni katana ke ni uta we nyi? Ahenu kulia ni meya akalie, akanwe, akaye kuli mwata wo.

Kutuhuka 24:12

Yehova yamba kuli Mose ngwenyi, Kanduka ha mulundu ndo kuli yami, utwameko. Mungukwaha mawe ni shimbi ni maliji a shimbi, yize hingunasoneka, ukayilongese.

Kutuhuka 24:15

Mose yakanduka ha mulundu. Lie lelwa liafukile mulundu.

Kutuhuka 24:18

Mose yanjila mwe muchima lia lelwa. Yakanduka ha mulundu. Mose wapwile ha mulundu makumi awana a matangwa ni makumi awana a ufuku.

Kutuhuka 31:18

Muze Yehova hamana kulishimwinya nenyi ha mulundu wa Sinai, yahana kuli Mose mikanda yiali ya Shindakenyo, te mikanda ya mawe ya kusoneka ni munwe wa Zambi.

Kutuhuka 32:1

Muze atu amwene ngwo, Mose kapalumukine nikawashi ha mulundu, e atu yakungulula hamuwika kuli Arone, yamba kuli iye ngwo, Katuka, utulingile tuzambi tuze mutututetekela, mumu yono Mose, mwe mutu watuchijile ku Engitu, Kutwanyingikine chize chinamuwane.

Kutuhuka 34:28

Iye wapwile kuze hamwe ni Yehova makumi awana a matangwa ni makumi awana a ufuku. Kalile, chipwe kunwa, kanwine. Iye yasoneka ha mawe maliji a usendo, e maliji kumi.

Mateu 4:2

Walitwaminyine kulia makumi awana a matangwa ni makumi awana a ufuku, ni kulutwe lia chize wevwile zala.

Galashia 4:24

Yino yuma yinapu chishima: mumu wano usendo waali; umwe wa ku mulundu wa Sinai, kakusema ana ku undungo, iye Hekare.

Shimbi 8:3

Yanulelesa, yanumwesa zala, yanulisa maná enu kunwayinyingikine, chipwe akakenu kayinyingikine, hanga akanunyingikise ngwenyi, Mutu keshi kupwa ni mwono ha kulia wika, alioze ku yeswe yinatuhuka mu kanwa lia Yehova mutu matwama ni mwono.

Shimbi 9:11

Mba muze makumi awana a matangwa ni makumi awana a ufuku ahwile, Yehova yangwaha ye mikanda yiali ya mawe, te ye mikanda ya usendo.

Shimbi 9:15

Chocho yingwalumuka ni kupalumuka mulundu, mulundu te unachiweme ni kahia, ye mikanda yiali ya usendo ha moko jami yili.

Shimbi 9:18

Yingufulamana hashi kumeso ja Yehova, ngwe nalingile kunyima, makumi awana a matangwa ni makumi awana a ufuku. Chalile, chipwe chanwine, mumu ha mulongo wenu weswe nwavulumwine ha kulinga chize chapwa chipi kumeso ja Yehova, mukumwihia.

Hebreu 9:4

uli ni chilumbilo cha oru, cha insensu, ni mushete wa usendo wa kufuka ni oru ha malumbu eswe; muze mwapwile ndeho ya oru, yize yapwile ni maná, ni mulumbu wa Arone, uze watemwine, ni mawe ja usendo.