Shimbi 9:7 - MUKANDA USANDU WA ZAMBI 1975

⁷ Iwulukenu, kanda nuvulama ngwe yenu nwehile Yehova Zambi yenu mu puya, chize ku tangwa nwakatukile ku chifuchi cha Engitu, ndo nwahetele kuno, enu kunwakolema Yehova.

Mukanda Wa Zambi 1970

⁷ “Kanda nuvulama chize nwevwishile Mwene Zambi, Zambi yenu, ufwatulo mu puya. Chize ku tangwa lize nwatuhukile ku Egiptu ndoo ni chize hinwaheta kuno, hinunabu akwa kulimika nenyi.

Shimbi 9:7 Iomraidhean Croise

Kutuhuka 14:10

Muze Falau akundamine A-Izalele yahetula meso jo, kumanyi A-Engitu te kaneza kuli ayo. A-Izalele woma wunji evwile. Yateta kuli Yehova.

Kutuhuka 14:11

O ambile kuli Mose ngwo, Te ku Engitu mafuka keshiko nyi, kashika hiwatuchiza, tukafwile muno mu puya? Kuchi te watulinga chize, ha kutuchiza ku Engitu?

Kutuhuka 16:2

Chikungulwila cheswe cha A-Izalele chalinyenyetene ni Mose ni Arone mu puya.

Kutuhuka 17:2

Kashika e atu alitachikile ni Mose ngwo, Twehe meya tunwe. Mose yamba kuli ayo ngwenyi, Yika te nunalitachika ni yami? Kuchi te nuneseka Yehova?

Kutuhuka 23:21

Ulifunge kumeso jenyi, uhalakane ku liji lienyi. Kanda ukamuvwisa kupiha mumu iye kechi kukonekena uvulumunyi we, mumu jina liami lili muli iye.

Izaya 48:8

Kunwachivwile, kunwachinyingikine nilimwe tangwa, chize ku shakulu kajikwile matwi jenu. Mumu nanyingikine ngwami, Munulinga ni mafwefwe anji. Chize ku kusemuka chenu nuli akwa kukolema.

Jeremia 11:10

Hanahilukila uhenge wa tulamba two, waze katayile kwivwa maliji jami. Hanakaula mazambi akwo akaalingile. Munyachi wa Izalele ni munyachi wa Yunda hanatangula usendo uze nalingile ni tulamba two.

Jeremia 32:30

Mumu ana ja Izalele a malunga ni ana ja Yunda a malunga kalingile nichimwe shina chipi wika kumeso jami chize ku ukweze wo. Yehova kanambe ngwenyi, Ana ja Izalele a malunga kalingile nichimwe shina kungwihia ni yitanga ya moko jo.

Jeremia 44:9

Hinwavulama ungulungulu wa tulamba twenu, ni ungulungulu wa mianangana ja A-Yunda, ni ungulungulu wa mapwo jo, ni ungulungulu wa yenwene, ni ungulungulu wa mapwo jenu, uze alingile mu chifuchi cha Yunda ni mu matapalo ja Yerusaleme?

Ezekiel 20:13

Alioze akwa munyachi wa Izalele yangukatukila mu puya; kendele mu yiyulo yami, yalituna shimbi jami jize mutu matwama ni mwono ha kujifunga. Masambata jami aajilwile chikolo. Yingunyonga kwazukwila ufwatulo wam mu puya ngukaamanunune lume.

Ezekiel 20:43

Kwenako munukewuluka ndako jenu ni yitanga yenu yeswe yize nwalichishile nayo, mba munukalivwila lwaji yenwene ha mukunda wa yipi yeswe hinwalinga.

Ezekiel 20:8

Alioze yangukatukila, kasolo kungupanjika. Niumwe mutu kambilile yuma yize ya lwaji kayipalikilile meso jenyi, chipwe kwehuka mahamba ja Engitu. Yingu nyonga ngwami, Munguzukula ufwatulo wami hali ayo ni kuhwisa utenu wami hali ayo hakachi ka chifuchi cha Engitu.

Ezekiel 36:31

Henaho munukewuluka ndako jenu jipi ni yitanga yenu yize kuyapemene; mba munukalivwila lwaji ha mukunda wa uhenge wenu ni yitanga yenu ya lwaji.

Kwalula 11:4

Mbunga ya atu a kulichinga hakachi ko evwile usolo, ni A-Izalele nawa alilile cheka nawa ngwo, Iya matwaha yifwo tulie?

Kwalula 14:22

wano malunga eswe amwene ulemu wami ni yilayi yami yize nalingile mu Engitu ni mu puya, hanangweseka kumi lia yisuho, o kahalakanyine ku liji liami;

Kwalula 17:10

Yehova yamba kuli Mose ngwenyi, Hilwisa mulumbu wa Arone kulutwe lia Shindakenyo, mukuufunga ukapwe chilayi cha akwa kukolema, hanga ukaholese kulinyenyeta cho hali yami, kuchina mafwa.

Kwalula 21:5

Atu ahanjikile nikulimika ni Zambi, ni kulimika ni Mose ngwo, Kuchi te nwatuchijile ku Engitu? Kumanyi, tufwile mu puya nyi? Mumu kulia kuchishiko, ni meya akuhi. Mbolo yino yamokomoko, hiyatusekela.

Kwalula 25:2

Mumu o yasanyika e atu ku yitapo ya tuzambi two. Atu yaha, yafukama ku tuzambi two.

1 Korintu 15:9

Mumu ami nguli mukepe Wahiana eswe a kuli apostolo, chatelele akanguvuluke ngwo, Postolo, mumu nahungumionene chikungulwila cha Zambi.

Efesu 2:11

Kashika iwulukenu, ngwe yenu ha miaka ya kunyima nwapwile mavungu mu musunya, waze akwavuluka ngwo, Ulima kuli waze akwavuluka ngwo, Ungalami mu musunya wakulinga ni moko.

Shimbi 31:27

Mumu ngunanyingika kukolema chenu ni pami jenu. Kumanyi, shimbu nguchili ni mwono hamwe ni yenu musono kunwakolema Yehova, mba kulutwe lia kufwa chami muchihiana.

Shimbi 8:2

Iwulukenu jila yeswe anusongwelele kuli Yehova Zambi yenu makumi aze awana a miaka mu puya, hanga anulelese, anweseke, anyingike chize chapwile mu mbunge jenu, shina munufunga maliji jenyi a shimbi, nyi ka.

Shimbi 9:24

Chize ku tangwa lize nanunyingikine, hinwakolema Yehova.

Shimbi 9:4

Ha kwahuma kumeso jenu kuli Yehova Zambi yenu, kanda nuhanjika mu mbunge jenu ngwenu, Mumu ha ululi wetu Yehova hanatuhetesamo mukuzuka chifuchi chino, alioze Yehova kanaahumu kumeso jenu mumu ha ungulungulu wa mavungu ano.