Shimbi 9:4 - MUKANDA USANDU WA ZAMBI 1975

⁴ Ha kwahuma kumeso jenu kuli Yehova Zambi yenu, kanda nuhanjika mu mbunge jenu ngwenu, Mumu ha ululi wetu Yehova hanatuhetesamo mukuzuka chifuchi chino, alioze Yehova kanaahumu kumeso jenu mumu ha ungulungulu wa mavungu ano.

Mukanda Wa Zambi 1970

⁴ “Muze Mwene Zambi, Zambi yenu, haahanga ku meso jenu, kanda nulinyonga ngwenu, mumu ha ululi wetu kashika twazuka chifuchi chino; hi chocho ko. Mwene Zambi makahuma atu wano ku meso jenu mumu kaali yingulungulu.

Shimbi 9:4 Iomraidhean Croise

Ubutukilo 15:16

O ha chisemuko chamuchiwana kumakeza nawa ku kuno, mumu uhenge wa A-Amore te kanda woka.

Ezekiel 36:22

Kashika amba kuli akwa munyachi wa Izalele ngwe, Mwene Yehova kanambe ngwenyi, Enu akwa munyachi wa Izalele, chambile kulinga yuma yino haliapwila mumu hali yenu, alioze ha mukunda wa jina liami lisandu yenu hinwalijilula hakachi ka mavungu kuze nwayile.

Ezekiel 36:32

Mwene Yehova kanambe ngwenyi, Nyingikenu kanawa, chalingile yino yuma ha mukunda wa yenu. Ivwenu sonyi nukalitupieke mumu ha ndako jenu, enu akwa munyachi wa Izalele.

Alevi 18:3

Kanda nulinga yize akulinga mu chifuchi cha Engitu kuze nwatwamine. Kanda nulinga yize akulinga mu chifuchi cha Kanana kuze ngunanutwala. Kanda nwenda mu yiyulo yo.

A-ROMA 11:20

Mba, ayipatwileho mumu kafulielele, ni yena unamana ku Ufulielo. Kanda ukalengumuka, alioze ivwa woma:

A-ROMA 11:6

Alioze kachi chinapu cha vumbi, mba kuchapwile cha yitanga: nyi chocho, vumbi hi vumbi ko nawa.

1 Korintu 4:4

Mumu Chanyingikine nichimwe cha kulihisa nacho; hindu chishi kusamba ni chino: alioze yoze wakungupatwila, mwe Mwene.

1 Korintu 4:7

Kulipwila chino, iya wakuhelecho? Chika uli nacho chize kwachitambwile? Alioze kachi wachitambwile kuchi te unalisambe ngwe kwachitambwile?

Shimbi 12:31

Kanda nulinga chocho kuli Yehova Zambi yenu, mumu yizelwokeso yeswe Yehova anayivwila lwaji, o te hanalingi ku tuzambi two; mumu o, chipwe ana jo a malunga ni ana jo a mapwo anaochela kuli tuzambi two.

Shimbi 31:27

Mumu ngunanyingika kukolema chenu ni pami jenu. Kumanyi, shimbu nguchili ni mwono hamwe ni yenu musono kunwakolema Yehova, mba kulutwe lia kufwa chami muchihiana.

Shimbi 8:17

Kuchina munwamba mu mbunge jenu ngwenu, Ngolo jetu ni ndundo ja moko jetu yinatuzukisa upite uno.

Shimbi 9:24

Chize ku tangwa lize nanunyingikine, hinwakolema Yehova.

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.

Shimbi 9:7

Iwulukenu, kanda nuvulama ngwe yenu nwehile Yehova Zambi yenu mu puya, chize ku tangwa nwakatukile ku chifuchi cha Engitu, ndo nwahetele kuno, enu kunwakolema Yehova.

2 Timoteu 1:9

yoze hanatulamwina, hanatutambika ni kutambika chisandu, hi nikulita ni yitanga yetu ko, alioze nikulita ni upale wenyi mwene ni vumbi lienyi, lize atuhele shimbu miaka kanda yipwa.