Shimbi 9:26 - MUKANDA USANDU WA ZAMBI 1975

²⁶ Yingulemba kuli Yehova ngwami, Mwene Yehova, kanda nwonwona atu jenu, chihinga chenu, yenu nwachikulile ni unene wenu, nwachichijile ku Engitu ni kwoko lia ndundo.

Mukanda Wa Zambi 1970

²⁶ Yingulemba ngwami: ‘Mwene Zambi, kanda unongesa atu je, atu waze walamwinyine ni watuhwishile mu Egiptu ni ndundo je jahiana.

Shimbi 9:26 Iomraidhean Croise

2 Samuel 7:23

Mba vungu lika lia hano hashi lialita ni atu je A-Izalele? Yena Zambi wayile kwakula akapwe atu je, ukalilingile jina, ukaalingile ayo yuma yinene ya woma ni mu chifuchi che, kumeso ja atu je, waze waakulile ku Engitu ni ku mavungu ni mazambi jo, akapwe atu je.

1 Yitanga Ya Mianangana 8:51

Mumu o atu je, ni chihinga che waze wachijile ku Engitu mwe muchima Ha lutengo wa utale.

1 Yitanga Ya Mianangana 8:53

Mumu waahandunwine hakachi ka mavungu eswe a hashi akapwe chihinga che chizechene ngwe wahanjikile kuli Mose kavumbi ke ha kuchiza tulamba twetu ku Engitu, Mwene Yehova.

Nehemia 1:10

Ngwami, Wano tuvumbi twe ni atu je hiwakula ni ngolo je ni kwoko lie lia tachi.

Miaso (Masamu) 106:23

Kashika wambile kwaonwona kachi Mose yoze wamutongwele kamanyine kumeso jenyi mu chituwa akatewulule ufwatulo wenyi kuchina akaenyeke.

Miaso (Masamu) 107:2

Waze Yehova waakulile ambe chocho, waze aakulile ku kwoko lia akwa kulimika no,

Miaso (Masamu) 28:9

Lamwina kama atu je; wahisa chihinga che. Ualise nawa, uazundule ndo ku miaka ya mutolo. Samu lia David.

Miaso (Masamu) 57:1

Nguvwile kama vumbi, Zambi, nguvwile kama vumbi, mumu mbunge yami kuyaswama muli yena. Ewa, mu Chizulie cha mapulwa je munguswama ndo luyinda yono hahwa.

Miaso (Masamu) 77:15

Yena ni kwoko lie hiwakula atu je, ana ja Yakomba ni José.(Litulike.)

Miaso (Masamu) 78:35

Ewulukile ngwo, Zambi iye liwe lietu. Ngwo, Zambi mwe Chitunda iye Mukwa-Kutukula.

Miaso (Masamu) 99:6

Mose ni Arone hakachi ka asasendote jenyi, ni Samuel hakachi ka waze atambikile ha jina lienyi. Atambikile kuli Yehova iye waakumbulwile.

Kutuhuka 15:13

Yena ni utu wa zango lie watwalile atu aze waakulile. Yena ni tachi je waasongwelele ndo kuze kwatwama usandu we.

Kutuhuka 33:13

Haliapwila kashika, ngunakulembe, kachi hinawana vumbi kumeso je, ngulweze kama majila je, ngukunyingike hanga nguwane vumbi kumeso je, uchinyonge kama, ngwami, vungu lino kuliapwa atu je.

Kutuhuka 34:9

Ngwenyi, Mwene kachi haliapwila hinawana vumbi kumeso je, ngunakulembe, Mwene ukaye hakachi ketu, mumu o kapwa akwa pami. Utukonekene uhenge ni shili yetu. Utuzuke kama tukapwe chihinga che.

Izaya 44:23

Enu malilu, imbenu, mumu Yehova hanachilingi; kololoka ena hashi uli mushi; enu milundu putukenu kwimba; ni yenu usaki ni mitondo yeswe yilimo! Mumu Yehova hakuta Yakomba, kumakawana uhenya muli Izalele.

Izaya 63:19

Hiwalumuka ngwe waze yena kwaayulile nilimwe tangwa; ngwe waze kaalukile jina lie.

Jeremia 14:21

Kanda utumbila, mumu ha ulemu wa jina lie; kanda ulelesa ngunja ye yinene. Iwuluka, kanda utangula usendo we ni yetu.

Jeremia 15:1

Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Lungungu 2:20

Yehova, tala ukamone! Neya walinga chuma chino? Te chinalite mapwo kulia ana jo ana aze haafunga ni vumbi lipwa haha? Hanji chinalite sasendote ni profeta akaashihe muma musandu wa Mwene?

Mika 6:4

Nanuchijile ku chifuchi cha Engitu, nikunukula ku zuwo lia upinji. Natumine Mose, ni Arone, ni Miriame kunutetekela.

Shimbi 13:5

Yoze profeta, hanji yoze mukwa kulota yilota mushihenu, mumu te iye hahanjika maliji a kukolema Yehova Zambi yenu, yoze wanuchijile mu chifuchi cha Engitu, nikunukula ku zuwo lia upinji ngwenyi, Nuhambuluke ku jila yize Yehova Zambi yenu anwambileyo ngwenyi, Nwendemo. Chocho nukatwise che chipi hakachi kenu.

Shimbi 15:15

Wiwuluke ngwami, Ena wapwile kapinji mu chifuchi cha Engitu, Yehova Zambi ye yakukula. Kashika ngunakwambe chuma chino musono.

Shimbi 21:8

Yehova, konekenenu atu jenu A-Izalele, yenu nwaakulile. Kanda nutayiza manyinga a kusamba kusala mukachi ka atu jenu A-Izalele. Mba kumaakonekena mulonga wa manyinga.

Shimbi 32:9

Mumu chihanda cha Yehova chapwa atu jenyi. Yakomba yapwa chihinga chenyi cha kutongola.

Shimbi 7:8

Alioze mumu te Yehova kanuzanga yenu, chikwo nawa, iye anazange kufunga liji lia shingo alishingile nalio kuli tulamba twenu, Yehova hananuchiza ni kwoko lia ndundo, hananukula ku zuwo lia upinji, ku kwoko lia Falau, mwanangana wa Engitu.

Shimbi 9:12

Yehova yamba kuli yami ngwenyi, Katuka, upalumukeko washi, mumu atu je waachijile mu Engitu hanalilumbula, hanahambuluka ku jila naambileyo, hanalizuzulwila kaponya.

Shimbi 9:27

Iwulukenu tuvumbi twenu, Apalahama, ni Izake, ni Yakomba. Kanda nutala upama wa atu ano, chipwe ungulungulu wo, chipwe mulonga wo,

Shimbi 9:29

Hindu o kapwa atu jenu, chihinga chenu, nwachichijile ni tachi jenu jinene ni ku kwoko lienu lia kwolola.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 9:12

chipwe ku manyinga ja pembe ni ja ana a ngombe, aiioze ku manyinga jenyi mwene, hananjila kamuwika kunahu muma musandu mwahiana, se hanazuku ukule wa mutolo.

Usolwelo 5:9

O yemba mwaso waha, ngwo, Yena kuwatela kwanda mukanda, ni kupakula yijikilo yawo: mumu akushihile, walanjile kuli Zambi ni manyinga je, amwe a ku mavungu eswe, ni ku malimi eswe, ni kuli atu eswe, ni ku minyachi yeswe,

1 Samuel 7:9

Kashika Samuel yanda mwanapanga machamwa yamulambula akapwe mulambu wa kulumba wa muwundu kuli Yehova. Samuel yahakwila A-Izalele kuli Yehova mba Yehova yamukumbulula.