Shimbi 9:2 - MUKANDA USANDU WA ZAMBI 1975

² atu anene, atolomoka, ana ja Anake, nunaanyingika, ha kutwala kuli ayo, nwevwile ngwo, Iya mahasa kumana kumeso ja ana a Anake?

Mukanda Wa Zambi 1970

² Atu jako ana ja Anake a malunga, kaataluka, nunanyingika, hinunevu atu nikwamba ngwo: ‘Iya mahasa kwakumba?’

Shimbi 9:2 Iomraidhean Croise

Jobe 11:10

Nyi mapalika nikukasa, nikuzanga kusopa, iya mamukwika?

Kutuhuka 9:11

E yimbanda kahashile kumana kumeso ja Mose mumu ha mahute, mumu mahute apwile hali e yimbanda, ni hali A-Engitu eswe.

Daniel 11:16

Alioze yoze makeza kulimika nenyi makalinga nikulita ni upale wenyi mwene; niumwe mahasa kujikiza kumeso jenyi. Makamana mu chifuchi cha uhenya; kwonwona muchikapwa mu kwoko lienyi.

Daniel 8:4

Namwene mwe kuji ya panga kanalundumukina ku Chitokelo, ni ku Norte, ni ku Sule. Niumwe kashitu wahasa kujikiza kumeso jenyi; kukwapwile niumwe yoze wahasa kupulula ku tachi jenyi. Walingile cheswacho chamupemenene nikulitohesa.

Amose 2:9

Alioze nanongesene A-Amore aze aaliangile; Chizundamo cho chapwile ngwe cha misedru, ni tachi jo ngwe tachi ja mitondo ya carvalho. Nanongesene mihuko yenyi kwilu ni miji yenyi kushi.

Nahume 1:6

Iya mahasa kulikoleza ku ufwatulo wenyi? Iya mahasa kujikiza mu chivukuminya cha utenu wenyi? Kakuzukula ufwatulo wenyi ngwe kahia; kakupula ndusu yimawe.

Kwalula 13:22

O yakandukila ku Negeve, yaheta ku Heprone. Kwapwileko A-Ahimane, ni A-Sheshai, ni A-Talamai, eswe A-Anake. (Heprone te liatungiwile miaka shimbiali shimbu kanda achitunga Zoane mu Engitu.)

Kwalula 13:28

Hindu e atu atwama mu chifuchi yitakame, membo jacho akolo, anene chikolo. Chikwo nawa yitumonako A-Anake.

Kwalula 13:33

Momwene twamwene yindululu, A-Anake, ana a yindululu; twalimwene yetwene ngwe mapasu, ni chocho twapwile kumeso jo.

Shimbi 1:28

Tukandukile kulihi nyi? Akwetu hanatushihi mbunge jetu ngwo, Atu jako anene, atolomoka kuhiana yetu. Membo anene, yipanga yo yaheta ku malilu. Chikwo nawa, yitumonako ana ja A-Anake a malunga.

Shimbi 2:21

atu anene, anji, atolomoka ngwe A-Anake; alioze Yehova yaakuwisa kumeso jo, o yaahuma ni kwasalakana mu chifuchi cho,

Shimbi 7:24

Iye kumakakunjika mianangana jo mu moko jenu; enu kumunukajimisa majina jo kushi lia malilu, kukuchi kapwa mutu niumwe wa kumana kumeso jenu, ndo munukaonwona.

Yoshua 11:21

Yoshua wejile mwaka uze wene nikujima A-Anake ku chifuchi cha milundu, ni ku Heprone, ni ku Ndebire, ni ku Anape, ni ku chifuchi cheswe cha Yunda ku milundu, ni ku chifuchi cheswe cha Izalele ku milundu. Yoshua waajimine jito hamwe ni yihunda yo.

Yoshua 11:22

Kukwasalile A-Anake niamwe mu chifuchi cheswe cha A-Izalele. Shina mu Ngeza ni mu Ngata, ni mu Ashedode, amwe asalile.

Yoshua 15:14

Kalemba wahumineko e ana atatu a Anake, majina jo, Sheshai, ni Ahimane, ni Talamai, o eswe munyachi wa Anake.