Shimbi 9:19 - MUKANDA USANDU WA ZAMBI 1975

¹⁹ Mumu yingwivwa woma wa utenu ni wa chikulikuli Yehova yanuvwila yenu, yamba kunwonwona. Alioze Yehova yangupanjika shimbu lize nawa.

Mukanda Wa Zambi 1970

¹⁹ Yingwivwa woma wa ufwatulo wa Mwene Zambi, mumu yamba kununongesa; alioze yangwivwa nawa.

Shimbi 9:19 Iomraidhean Croise

Miaso (Masamu) 106:19

Atangile mwana-ngombe mu Horepe, nikuwayila kaponya wa kuzuzulula.

Miaso (Masamu) 106:23

Kashika wambile kwaonwona kachi Mose yoze wamutongwele kamanyine kumeso jenyi mu chituwa akatewulule ufwatulo wenyi kuchina akaenyeke.

Miaso (Masamu) 78:59

Muze Zambi wachivwile, wevwile ufwatulo. Wevwilile kupiha chinji A-Izalele.

Miaso (Masamu) 99:6

Mose ni Arone hakachi ka asasendote jenyi, ni Samuel hakachi ka waze atambikile ha jina lienyi. Atambikile kuli Yehova iye waakumbulwile.

Kutuhuka 32:14

Mba Yehova walikonyekene ha yipi yize ambile ngwenyi, Munguyilinga kuli atu jami.

Kutuhuka 33:17

Yehova yamba kuli Mose ngwenyi, Mungulinga nawa chino hiwamba mumu hiwawana vumbi kumeso jami. Ngunakunyingika ku jina lie.

Kutuhuka 34:10

Yehova yamba ngwenyi, Ngunakolesa usendo. Kumeso ja atu je eswe mungukalinga yipekesa kanda achiyilinga hashi, chipwe hakachi ka vungu nilimwe, ka. Mba atu eswe watwama hakachi ko kumakamona chitanga cha Yehova, mumu chize mungukalinga ni yena muchipwa cha kukolesa woma.

Kwalula 11:2

E atu yateta kuli Mose. Mose yalemba kuli Yehova, mba ke kahia yikakeketela.

Shimbi 10:10

Yingushimbula ha mulundu makumi awana a matangwa ni makumi awana a ufuku, ngwe ha shimbu litangu. Yehova yapanjika kuli yami ha mwaka uze nawa. Yehova te kafupile kunwonwona.

Shimbi 11:17

Mba utenu wa Yehova muukanukasumukina, majika mwilu, kukuchi kapwa vula, minda kuyichi kema mbuto yayo, munukakuwa washiwashi mu chifuchi chipema ananwehecho kuli Yehova.

Shimbi 9:20

Yehova yatenukina chinji Arone, yamba kumushiha. Yingulembela Arone nawa shimbu lioliene.

Shimbi 9:8

Mu Horepe nawa yinwihia Yehova, Yehova yevwa utenu ni yenu, yamba kunwonwona.

Hebreu 12:21

Ni usolwelo uze wahiana woma, kashika Mose wambile ngwenyi, Ngunevu woma kuhiana ngunachikima.