Shimbi 9:13 - MUKANDA USANDU WA ZAMBI 1975

¹³ Chikwo nawa, Yehova yamba kuli yami ngwenyi, Hinamona atu ano, kutala, kapwa akwa kupangula.

Mukanda Wa Zambi 1970

¹³ “Mwene Zambi yangwamba nawa ngwenyi: ‘Tala hinamona atu wano, kaali atu akalu.

Shimbi 9:13 Iomraidhean Croise

Ubutukilo 11:5

Alioze Yehova yahulumuka akamone limbo ni kaposhi yoze ana ja atu machitunga.

Ubutukilo 18:21

munguhulumuka haliapwila ngukamone nyi pundu analingi nikulita ni lufuma wacho yoze wanguheta. Nyi ka, mungunyingika.

1 MIANANGANA 17:14

Hindu kasolo kwivwa. Akwachile pami ngwe tulamba two alingile, waze kafulielele Yehova Zambi yo.

Miaso (Masamu) 50:7

Ivwenu, atu jami, mba munguhanjika. Ivwenu A-Izalele mba mungushindakenya kuli yenu; yami nguli Zambi, mwe Zambi ye.

Jeremia 13:27

Hinamona yizelwokeso yenu, ni utanji wenu, ni kulikumbukila chenu ni ukoi wenu wa usolo, ha milundu mu yambu. Lamba lie, Yerusaleme! Miaka yingahi ndo makupemesa?

Jeremia 7:11

Zuwo lino hanaliluku jina liami hilialumuka kumeso jenu chivwenge cha mihuza? Chipwe yami hinachimona, chocho kanambe Yehova.

Hosea 6:10

Mu munyachi wa Izalele hinamona chuma cha lwaji. Ukoi wa Eframe ulimo. Izalele halipihisa.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Shimbi 10:16

Nulipwise ngalami, nuchize ulima wa mbunge jenu, kanda nupwa akwa kupangula nawa.

Shimbi 31:27

Mumu ngunanyingika kukolema chenu ni pami jenu. Kumanyi, shimbu nguchili ni mwono hamwe ni yenu musono kunwakolema Yehova, mba kulutwe lia kufwa chami muchihiana.

Shimbi 9:6

Kashika, nyingikenu Yehova Zambi yenu kanuhele chifuchi chino chipema nuchizuke mumu ha ululi wenu; mumu kunwapwa akwa kupangula.