Shimbi 9:10 - MUKANDA USANDU WA ZAMBI 1975

¹⁰ Yehova yakunjika kuli yami ye mikanda yiali ya mawe ya kusoneka ni munwe wa Zambi, kwasoneweneho nikulita ni maliji eswe Yehova wambile kuli yenu ha mulundu, liji Unatuhuka mukachi ka kahia, ha tangwa lia chikungulwila.

Mukanda Wa Zambi 1970

¹⁰ Mwene Zambi yangwaha mawe aali haze asonekene ni kwoko lienyi mwene maliji waze ahanjikile kuli yenu mu kahia ha tangwa lize nwakungulukile kwe ku mulundu.

Shimbi 9:10 Iomraidhean Croise

Kutuhuka 31:18

Muze Yehova hamana kulishimwinya nenyi ha mulundu wa Sinai, yahana kuli Mose mikanda yiali ya Shindakenyo, te mikanda ya mawe ya kusoneka ni munwe wa Zambi.

Mateu 12:28

Alioze kachi yami ni tachi ja Spiritu ya Zambi nakutuhwisa andemoniu, kachi wanangana wa Zambi hiuneza hali yenu.

Luka 11:20

Alioze kachi ni munwe wa Zambi yami nakutuhwisa andemoniu, kachi wanangana wa Zambi hiuneza hali yenu.

2 Korintu 3:3

chinasoloka ngwe nuli mukanda wa Kristu, wa kulinga kuli yetu, kuunasonewa hi ni ulombo ko, alioze ni Spiritu ya Zambi ya mwono; hi ha mawe ko, alioze ha mbunge ja musunya.

Shimbi 10:4

Iye yasoneka ha mawe nikulita ni kusoneka chitangu, kumi lia shimbi, Yehova wajambile kuli yenu ha mulundu, liji Unatuhuka mukachi ka kahia ha tangwa lia chikungulwila. Yehova yangwaho yami.

Shimbi 18:16

nikulita ni yeswe nwazangile kuli Yehova Zambi yenu mu Horepe, ha tangwa lia chikungulwila ngwenu, Kanda twivwa nawa liji lia Yehova Zambi yetu, chipwe kanda tutala nawa ke kahia kano kanene, kuchina mutufwa.

Hebreu 8:10

Mumu uno we usendo mungukakwata ni akwa zuwo lia Izalele kulutwe lia matangwa aze, chocho anambe Mwene ngwenyi, Mungukasa shimbi jami mu kunyonga cho, ni ha mbunge jo nawa mungukajisoneka: mungukapwa kuli ayo Zambi, o kumakapwa kuli yami atu jami.